東寶小館

東寶給我第一印象就係環境極 “嘈” 😆，根本無辦法同自己同枱的朋友傾偈。但係佢嘅食物水準確實很得，夠鑊氣，有風味😋😋 即使在台灣的朋友都告訴我，有機會過來香港，一定要我帶佢去東寶吃。戰鬥碗是東寶的招牌🍻🍻南乳炸豬手，炸得夠香口，不過南乳不夠濃黃金蝦，虾好新鮮 又大隻，蝦殼炸得夠脆，但這次鹹蛋黃少了一點，如果鹹蛋黃再多D，我絕對比五粒星😆炸墨魚膠皮蛋，夠特別。蒜蓉白菜有啲失色，因為好淡瑤柱扒豆苗，其實比想像中貴了一點點，我沒有留意價錢，諗住叫了蒜蓉白菜，就唔想一樣蒜蓉炒。但係都真係好味，豆苗好嫩，完全冇渣😋豉油王炒麵，夠大碟又好味，鹹甜適中剛剛好👍🏻…查看更多

北角街市久聞其大名的東寶小館，今晚終於一試，味道確係唔錯，但二人食用菜式選擇不多，樣樣大份三五成群聚餐來食比較合適。南乳炸豬手 $158豬手無咩肉以食皮為主，有10件多見到好驚訝，因為我地只有二人食，餐牌無寫感覺中伏，每人至少食5件，今次真係食到我地驚驚。上菜時豬手熱辣辣好燙手，豬皮炸得唔脆，唔多油比較乾身，豬皮唔太硬煙靱口感，味道還可以，有南乳醬汁可蘸，醬汁溝稀左味道唔太咸，蘸下食無咁膩，食一件起兩件止三件就好膩，再多食會無晒胃口。雲耳粉絲雜菜煲 $118大大煲份量十足，唔駛叫飯食完成煲都飽，湯底清清地味道唔錯，雲耳、西蘭花、蝦米、草菇等材料豐富，健康菜式好選擇。炸墨魚膠鵪鶉皮蛋仔 $76要order兩粒起，差唔多要四十蚊粒，覺得有點貴，好奇一試的確好味，墨魚膠彈牙內有皮蛋仔雙重口感，蘸上蜜糖薑蓉清甜好味幾特別。…查看更多

朋友聚餐, 有人提議食D有鑊氣小菜就揀左東寶!一行7人, BOOK左位, 唔洗等好耐就有位今餐不計成本, 一共叫左10個餸! 伙計好爽快, 現場仲有懷舊歌播叫左啤酒, 呢度飲啤酒既方式好特別係用豌碗飲, 小妹唔覺意飲多左…查看更多

昨晚在北角渣華道的超級名店「東寶小館」食晚飯，果然名不虛傳。雖然是位於熟食中心內的店子，但食物同氣份俱一流！不少中外食家都講過此店，人氣自然有番咁上吓，甚至看到不少外國人都懂來這裡搵食。和朋友共二人，雖沒訂位，但人數少反而易安排，只等了五分鐘左右便能入座。第一次來試多幾款菜式，order了黃金蝦、墨汁鮮魷、南乳炸豬手、荷葉飯及炒油麥菜，但另一想吃的風沙雞冇貨，有點美中不足。黃金蝦雖然定價稍貴，但個鹹蛋黃弄的「黃金」表層唔會過火過鹹，蝦肉又彈牙，朋友都覺好食。南乳炸豬手雖比較硬身，但有𡁻頭，炸得香口，細細件點南乳汁剛好。墨汁鮮魷黒得來十分油亮，鮮魷切得細件，故入味，此店還加入了意粉，換句話說這是一碟墨汁意粉，而且水準不遜西餐廳。荷葉飯也夠香的，而且飯身成棕色，較一般同樣出品入味。食唔晒拿回家，第二天翻蒸味道還唔錯呢。樣樣都好食！但全場亮點是此店是用其「戰斗碗」飲啤酒，果然將氣紛提升至更高景界，聰明！…查看更多

「什麼？！你們要在東寶吃飯？」😱聽到姑姐要去東寶跟朋友吃飯，我不由得覺得意外，那種大排檔好像不是他們會去的地方吧？「是朋友選的，說要聚餐。」原來如此，我就覺得他們應該興趣不大。隔著手機，她並看不到我閃爍的雙目，東寶是我肖想很久卻沒有伴一起去的地方啊！這個難得的機會，可不能錯過！「我⋯也要去～～」不能用肢體語言，只能不要臉的開口，還好我一向人見人愛，她自然是歡迎我去陪她啦！「十八歲了吧？」叔叔一來便先開一瓶啤酒。「人家好孩子～」☺️「我知道啊！好孩子喝啤酒，壞孩子喝烈酒嘛！」好孩子如何能拒絕別人的好意？拿起東寶名物－戰鬥碗，喝一大口啤酒，夠冰夠豪邁，什麼戰力都上來了！🔥「我們有點這個嗎？」突然來了一道梅菜蒸茄子，是送錯了嗎？「送的！」伙計喊道。送的什麼都好吃，咸咸甜甜的一道前菜，很有誠意呢！「直接來用手抓吧！」我不客氣的一隻一隻抓著吃，吮一下殻裡面的湯汁，帶很香的酒味，也很鮮甜。可惜這裡的花甲比始終小顆小顆的，調味上也較清淡，其他菜式一上桌我也無暇回頭關愛它了。好久沒吃到南乳炸豬手，因為踩地雷的機會挺高，聽聞這裡的炸豬手做得很不錯，也令我滿心期待。豬手炸得乾身，沒有多餘的油脂，皮下還有滿滿的膠質，外脆內軟Q，更不會只有骨頭的要人吮得口累心累。「要沾旁邊這個醬吧？」我指指旁邊粉色的南乳醬汁。「本身就很夠味啊！」雖然不沾也很好吃，不過醬汁其實味道不重，不太咸，反而只是南乳香味跟些許甜味，沾了味道更好呢！「怎麼這裡的九肚魚那麼大塊？」之前有時候吃九肚魚，魚肉都很小塊，瘦得只吃到外面的脆漿，沒什麼意思，像這裡大塊大塊的多好，這樣才能吃到九肚魚滑溜的口感啊！雞最好吃的當然是雞腿，不過我也不好意思一下子把雞腿挑走，結果那塊嫩肉就在我眼前消失了。😭之後選了雞轉彎，脆皮的部份較多，肉質也比較嫩。這隻雞不乾柴，外皮也炸得很香很脆，而且蒜香味也很勾人食慾，一旁還附了蒜蓉醬，味道挺咸的。本身雞的味道就很不錯，如果是皮的部份我覺得可以不沾，不過胸肉沾一點更好吃喔！「冠軍！這道冠軍！😍」我興𡚒的叫嚷，而我沒想過會讓我這麼興𡚒的是一道肉餅。一般的肉餅應該很多人吃膩了吧？難得來一次東寶，是有點肉餅這麼笨的人嗎？「來一份肉餅漢堡包。」阿姨跟伙計說。什麼？肉餅漢堡？在這吃漢堡會好吃嗎？現在是流行FUSION菜，但我可沒在大排檔吃過這麼新奇特別的菜式啊！沒多久，一碟煎肉餅、迷你硬豬仔包和一些青瓜洋蔥便出現在眼前。喔喔！原來是要自己DIY的！學著來了幾次的叔叔，切開燙手的豬仔，把沾上芥末的肉餅和青瓜、洋蔥夾進去，完整的漢堡包便完成了！「我還以為會用那種美式漢堡麵包呢！」跟我想像的有些許不同，用硬脆的豬仔包更有港式的味道。沒待其他人組好，我便大口咬下，把所有「配件」收進口中，新鮮的豬仔包外脆內軟，帶淡淡麵粉香，可見他們連麵包都不馬虎！肉餅軟滑多汁，滋潤了麵包，味道調得剛好，配上麵包味道還很足，好好吃！這樣的配搭不只好玩，比起一般的吃法因為青瓜變得更加清爽，肉餅的大小也剛好可以配完一件豬仔包，吃完真的好滿足！我兩口便把它完食，還沒吞下便忍不住稱讚：「果然是好介紹！」我向阿姨比了一個大姆指，其他人也紛紛說這是當晚之冠，看來大家英雄所見略同啊！每次看到這一鍋二鍋的都有莫名的興奮，伙計端到桌上便立即在我們面前拌起，「滋咋滋咋」的聲音和隨之而來的香氣弄得我心癢癢，真想快點一嘗這個伙計推介的粉絲大蝦煲啊！我最愛燙口的食物，待他一拌好我也急不及待夾了一隻大蝦和粉絲。海鮮海鮮當然要在第一時間品嘗，大蝦肉厚又彈牙，蝦頭脆得幾乎可以連殻吞下，果然東寶的材料很不俗啊！翻一翻裡面原來還有很多魷魚，同樣爽口，太足料了！這大蝦煲味道香濃得很，用上辣椒、蒜和乾蔥爆香大蝦和花生、蝦米等，還有莞茜、韮王和蔥作配料，非常惹味，香辣的味道再來一口「鬼佬涼茶」真是爽翻了！裡頭的粉絲可不是大配角，它吸盡了所有精華，非常入味，尤其鍋邊的粉絲還帶焦香，害我差點沒把鍋子挖出一個洞。「你還吃不夠嗎？」粉絲算是飽肚，姑姐卻看我夾了一次又一次。「誰叫它這麼香嘛！」底料就像零食一樣，真的很難停口呢！「比常都沒機會吃魚湯。」我小聲跟姑姐說，誰叫家裡長輩怕魚味，自己也鮮少做魚湯呢！湯頭很濃郁，我差不多喝了一整碗，在濃味的菜色後來這樣一鍋感覺很舒服，就像一個中場休息。鍋底下也有粉絲，可是我過之前的大蝦粉絲已經沒想再碰它了，這些就讓給別人吧哈哈！「你們要吃雞蛋焗魚腸嗎？」阿姨問。雞蛋焗魚腸？現在很多地方都很小氣，都沒幾口魚腸，這裡的會不會比較好呢？「這裡的做得不錯喔！」聽她這麼說，令我多了一分期待。我回以閃爍的眼神，她便會意的點給我吃了。這裡的焗魚腸份量比其他店要大，光看金黃的表面便知道烤的很香脆。挖了一大坨，那雞蛋還嫩滑多汁，裡面還有香菇絲增添香氣，只是味道略淡了一些，配著油炸鬼吃會好一點。那魚腸怎樣呢？「為什麼我明明看準了吃還是好像沒吃到啊？我明明看到不少啊？」爸回我說現在的魚腸大不如前了，沒以前肥美，自然似有若無。這應該就像鵝腸一樣吧！現在的鵝腸也很難看到肥膏和膶，我不禁擔憂以後那些美味會不會只能留在記憶裡啊？吃到最後，我看還剩一點，嘴饞卻又飽得吃不下一整塊，便紅著臉說：「我能只吃表面的油炸鬼嗎？」他們當然不介意我的任性，立即把菜推到我面前。雖然已經涼了，但還算很脆口不油膩，失禮一下也是值得的。😛「想吃荷葉飯還是敗家仔炒飯？」叔叔問。「我向來敗家耶～」大排檔炒的飯大多夠鑊氣，飯炒得乾爽，這裡也不例外。「為什麼叫敗家仔炒飯啊？」裡面有些瑤柱蛋白、蝦仁和菜粒，有很敗家嗎？一吃之下原來配料幾乎要比飯還多，每口口感都很豐富，有爽口也有蛋白的軟綿。身為飯桶的姑姐覺得料太多了，我卻非常滿意他飯少料多，我果然是敗家女呢！飯炒得很香，唯一是有些蛋白太大一塊，有點影響口感，如果散一點就更細緻了！最後也少不了甜品，不同坊間只給一碗糖水，而是給了一盤涼粉讓我們自己分。「竟然是涼粉？」夏天來一碗涼粉也太貼心了吧！更意想不到的是涼粉是條狀的，還有挺辣挺重的薑味。「沒吃過這樣的呢！」我又忍不住多吃了兩口。一碗涼粉洗清大戰後嘴巴裡的「血腥味」，也告訴我們要離開戰場了。「下次再聚！」戰後，阿姨們揮手道別，並邀請我下次也一起來，我點頭如搗蒜，也不忘謝謝她們。回想剛才自己好像缺了那麼一點餐桌禮儀，下次我可要記得挽回一點點淑女形象啊！…查看更多

星期五晚上當然要放鬆一下, 一班朋友決定去大排檔飲啤酒食小炒呢間小館真係來自世界各地既客人都有, 人山人海, 果然好有名氣. 平凡寧靜的街道樓上真係睇唔出有間小館非常熱鬧踏入2樓, 已經聽到小館播起中英文/國語歌, 一檯檯都會興高采烈地高歌歡呼, 職員同客人打成一片, 氣氛十足一坐低緊係要點啤酒, 呢到飲啤酒特色就係用戰鬥碗, 兩三下就飲完一碗風沙雞皮脆, 肉質都ok, 唔鞋口, 面層有一堆炸蒜粒, 連埋一齊食令雞肉增添香氣豉椒炒蜆好惹味, 蜆肉屬大粒, 無沙, 火喉十足南乳豬手好有骨膠原, 唔會太肥, 骨與骨之間容易咬開, 配埋南乳汁, 一流呢味前菜混左芥辣, 好醒胃, 不過青瓜絲比八爪魚多, 幾特別, 但$98 有少少貴鮮魷份量足, 即叫即炸絕不欺場, 炸粉好薄, 好有口感呢碟炒飯每次必點, 飯炒得好乾身, 粒粒分明, 混入蔬菜/蝦同肉,面層有蒜粒, 撈埋飯一齊食, 有口感…查看更多

東寶小館位於渣華道街市，一直都好想試下今天同朋友慶祝生日，所以預早訂位唔好以為訂左位，就一定有位，大家一定要準時，侍應姐姐話遲到就唔留枱南乳炸豬手豬手皮喺唔脆，唔油，咬落豬皮煙煙靱靱，幾得意，口感唔錯什菜天婦羅通常什菜喺有🍆子、青椒、南瓜，東寶喺有埋芋頭、苦瓜，面上灑上准鹽，香脆美味，一試難忘，最適合配啤酒一起吃墨魚墨魚汁意粉墨魚爽口彈牙，意粉唔腍，略為帶咸魚湯什菜煲一喝魚湯，魚味濃郁，鮮味可口菠菜幼嫰，豆卜吸哂魚湯鮮味，好吃…查看更多

大熱天時, 要食大排檔, 當然要選上港島大排檔一哥, 位於北角渣華道市政大廈內有強勁冷氣既東寶小館... 爽!!!東寶小館一直以氣氛, 食物出名; 相信大家一推門到達大排檔既範圍, 就已經可以感受到場面既震撼, 人氣既旺盛, 接觸到Cool 爆既侍應, 持續受住現場既聲浪震盪聽覺, 仲有牆上好似鬼晝符既餐牌所吸引.當晚一行四人, 未安排到位置, 已經急不及待點左幾個出名小菜, 名單如下: 未食, 就先來個戰鬥碗配上國產名氣啤, 同各位食家行個見面禮涼伴青瓜 日式涼伴蕃茄 (蕃茄仔配上紫菜及日式冷麵醬汁, 清新開胃!)風沙雞 (雞炸過後仍能保持皮脆肉嫩, 肉汁豐富, 有水準!)南乳炸豬手 (豬手不肥不膩, 食既時候再點上南乳汁食, 特別!)辣酒煮花螺 (香辣醒胃, 可惜螺肉有點老, 吸收不了辣酒既味道)黃金蝦身拼醉蝦頭椒鹽上 (賣相雖然一樣, 但兩者內涵絕對不同; 但由於黃金蝦身因蛋黃味唔夠濃, 個人就較喜歡選擇醉蝦頭既香)墨汁鮮魷 (顏色特別, 味道卻一般, 試過一啖已經足夠)…查看更多

今次一行半圍席人繼續到港島區為食一番，進攻北角渣華道熟食街市。別小看熟食街市，不少名人無名而來，還有外國遊客手持旅遊書到來覓食，看到這來頭，真的想快快有枱開餐 由於我們不到七點到場，所以很快就可以入座。首先我激力推介墨汁墨魚麵，如美女們要顧及食相而放棄，那就走寶了，這道菜亦經眾食家評價為必食之選，內裡的墨魚丸彈牙而鮮，讚！其次是南乳炸豬手，豬手被肉包圍著，如要一口咬下去，你便中計了，因為豬手是即叫即炸的，炸得熱呼呼的，皮帶微脆肉嫩，吃兩件才夠滿足。還有鹹魚魚餅夾豬仔包、椒鹽九肚魚....雖然沒有整齊裝修，沒有境色陪襯，但有中西合壁的美食，又是街坊食價，份量剛好夠我們六人份量，不用爭食。只是街市食檔別要求有甚麼服務，甚麼態度，乾脆把自己當一晚的粗人，大吃得吃，說話要大聲便大聲吧 …查看更多

雖然8號風球高掛,但朋友遠道而來,點都要同佢地試下香港小菜。今日總共有5個香港人+2個台灣人,太好了,人多可以叫多D餸!南乳炸豬手: 皮脆肉嫰, 覺得可以補充好多骨膠原, 個汁唔係太重南乳味荷葉蒸蜆 (侍應推介): 蒸籠+荷葉上, 睇落好好味咁, 有D酒味, 無沙, 因為蒸既關係, 食到蜆的鮮甜味椒鹽豆腐: 酥脆嫰滑魚湯浸黃芽白: 魚湯好好味, 黃芽白索哂湯勁甜蒜蓉蒸魚嘴豆腐底: 魚又滑豆腐又滑墨丸墨汁麵: 墨丸彈牙又好有墨魚味, 成碟烏卒卒, 食完仲可以影相玩一餐風沙雞: 其實雞味就冇乜 (冰鮮雞?), 但皮脆肉嫰 (我詞窮了), 個汁又好味豉油皇炒麵: 條條乾身, 唔會太過油, 都好好味, 好可惜已經好飽薑汁涼粉 (送): 涼粉呈細條狀, 未食過涼粉加薑汁, 我個人覺得幾特別,但有一兩個朋友食咗一啖就話太辣放棄咗。台灣朋友話:「每一道菜都好吃到要落淚 T~T 」埋單$756, 好抵呀~~~~…查看更多

與朋友們慶祝我們認識2週年總要找個好地方吃飯最初只為了東寶可以多人一起吃飯也聽說有出名的菜怎知道前一晚打風 幸好最後都能如期進行我知道很有名 朋友幫忙BOOK枱BOOK左8點半 8點半到達 上去的電梯是水靜河飛可是一到東寶 真係可以用虛撼黎形容到底要去那裡攞位???? 太多人 太嘈 混亂了好一陣子終於找到BOOK位哥哥 不過BOOK位哥哥自己都很混亂問左我地三次有冧巴未? 我地BOOK左位......姓.....哥哥就即刻話:得!得!得!仲規定要係戶外等...又有人食煙又有大堆外國人劈酒~~~~我心諗,唔好食你就死等左大概15分鍾 終於有位了.......由於真係太熱鬧既關係同枱既我地都唔係太講到野亦好難相信有好多超級大枱都有3-4組人搭枱一整間東寶係爆滿 坐無虛席之餘 亦好多潮童在席間有位之後服務已經好左好多而且餐牌充滿幽默感每張枱都好開心好熱鬧 啤酒小酒是晚非常好生意因為大家手上都有一隻戰鬥碗由於太嘈 我地用手語同讀唇既方法點左以下菜不能說笑,都真係幾好味,唔怪得之咁多人等墨汁墨魚墨汁麵底 - 第一個上既菜,熱辣辣,香噴噴,墨魚味好香,麵底彈牙,好好味,真係自己食一碟都OK,黑色一碟,真係SHARP醒,食完大家個咀都黑漆漆,仲可以影相玩一輪蕃茄龍骨湯 - 鮮甜,好多茄肉,朋友話似媽咪靚湯,但我覺得鮮甜過媽咪靚湯好多,而且好開胃,飲左兩碗魚湯浸時菜 - 依個就係鬼馬餐牌所講既(無花膠,因為好貴) 味道OK,加左粉絲同莧菜好夾,湯也甜南乳炸豬手 - 聽講這是東寶之寶,真係好味,雖然本人好怕肥膩野,但依個食落去唔肥,可能多餘既肥油已經被炸左去,食落去覺得好多骨膠原,又脆又軟既骨膠原,正!笨酒煮生蠔 - 依個亦好好味,本身得5隻,我地7個人要求加至7隻,笨酒好香,蠔SIZE亦算大,煮得岩岩好,蠔外有咬口,內裡軟身,真係好想食多隻泰式奶油蝦(配豬仔包) - 又一驚喜,以為奶油蝦係creamy的,但原來似咖哩既感覺,蝦本身吸晒D奶油汁,亦有少少辣,好野味,最正就係配豬仔包,熱辣辣脆卜卜,點埋D汁,正到暈!金銀蛋煮冬瓜 - 味道OK,冬瓜夠林,湯甜,不過金銀蛋我覺得太少了炸榴槤 - 真係城市驚喜,我地唔係好夠食再叫,係MEUN見到炸榴槤已經覺得好似好勁,不得不叫黎試下,由於太激動,影相都OUT FOCUS ,這個不錯,外皮煙勒,內裡軟滑,愛榴槤的朋友不得不試生鈔骨 - OK,只是家常菜,外脆肉敕,不過有咁多特色菜,這個就顯得普通了…查看更多

因為book左位, 所以唔駛等!! 收工即去食dinner!!梅菜蒸茄子~~~ OK!!南乳炸豬手~~~ 唔錯!! 好熱, 都幾特別, 幾好味呀! 豉椒炒聖子 ~~~ 好好味!! 好大隻好新鮮!!!胡椒豬肚湯~~~ 好勁的胡椒! 辣到唔知飲緊乜, 完全飲唔到囉!!! 蝦球西蘭花~~~ GOOD!!! d 蝦好新鮮呀!!!大肚婆炒飯~~~ 我覺得好好食, 因為係炒薑飯!!! 好大碟, 正 椒鹽排骨~~~ 好有獲氣!!! 正啫啫通菜煲~~~ 一般!!沒有葉的.墨汁鮮魷~~~ 好黑好黑, 都唔錯, 好蒜容味!!! 食到個咀黑哂~!!! 有麵係低.7個人同行, 飲多食小, d 餸太細碟!!! 啤酒價錢 ~ 大啤$25-30此店啤酒係最貴@.@特色 ~~~ 用碗飲啤酒!!! 飲勝!!!!!!!!!!!!!!!!佢有cake食架, 可以同佢預訂!!!大約9:00pm會開大個啦叭播歌, 而老闆會係度跳舞應酬客人~!! 當然係跳幾吓咁喇!!!…查看更多

星期五又係出動gar時候,上星期老點咗個friend 去咗喊得一句句gar 將軍澳食店!!內疚咗一個星期, 今次帶佢呢間東寶小館….嘻嘻….Good ar!!!當晚 7:10 PM 到, 等到約8:00 PM 才可入座….人真係好多…似乎好多外國華僑, 內地人士及鬼佬幫襯!!!!黃金蝦 – 外表平平無奇, 食落…連個friend平時唔鍾意食蝦頭都食埋佢落肚….南乳炸豬手 – 嘩嘩GOOD GOOD…唔肥亦唔油膩…米通蓮藕綾魚餅 – “難食之選” 一般但…其他地方並無此選!!!墨汁魷魚麵 – 好似唔記得落調味料….小小鹹味及鯹味!!!!當晚9:00 PM後一直播MJ d 歌, 連小朋友都手舞足動作, 老外跳舞!!個侍應重跳埋霹靂舞添, 另一個就用紅酒向d 孰客敬酒!!!!咁做生意重唔發!!!大排檔環境, 酒樓價錢!!!…查看更多

都唔知幾多年無食過東寶, 原因係人多難訂位仲有佢地真係幾寸, 近呢年聽番東寶已經無咁難訂位, 原因係已經無咁好食, 又或者係坊間開始有更多好味的小菜館。是夜farewell同事, 搞手就揀左北角的東寶, 為左方便係訂位時已經叫左佢比較出名既小菜和預留甜品, 可惜我都係食唔到藍莓芝士蛋糕。芥辣魷魚 - 有芥辣味係少左咸味, 呢個OK。南乳炸豬手 - 炸起熱辣辣, 味道唔錯, 唔太咸用來跟酒飲好正, 豬手亦都唔肥唔會有油膩感。鴨汁荷葉飯 - 呢個都係OK之作, 係無乜荷葉香, 飯唔腍唔會因為蒸完之後食糊仔既感覺。風沙雞一隻 - 呢個無得揀, 始終香港係用冰鮮雞, 想有雞味真係幾難, 但好在雞肉唔"鞋" (包括雞胸啦) 唔錯, 呢味雞無走樣~。豉椒炒蟶子 - 細蟶子每隻$28, 叫左6隻, 肉唔太多, 鑊氣唔夠都幾重豆豉味, 係少左.....蟶子的海鮮味。蝦醬通菜煲 - 都係OK唔錯, 唔太特別。黃金蝦 - 呢味蝦人多食就叫抵食, 人少食就真係叫貴, 蝦係海中蝦但係要$16一兩, 我地10個人叫一斤, 夠食二百幾蚊, 算唔錯, 但無驚喜。魚湯浸菜心 - 唔知點解我覺得魚湯應該浸娃娃菜或者莧菜, 呢樣好似有D格格不入, 但魚湯味道唔錯。牛仔骨生菜包 - 其實我唔太清楚係唔係呢個名, 不過係唔係呢個名已經唔重要, 因為唔好食, 佢入面加左香茅做香料, 但唔夾牛肉味, 嚴格來講係搶哂成碟菜既味, 而且入面沙葛粒比牛肉更多, 呢個菜失敗。真係數唔出有幾多N年無去東寶食, 以一間係市政大樓的熟食來講, 佢既收費係貴, 我地亦唔係食左D咩貴價食物, 打電話預留芝士餅時明明話有藍莓, 檸檬, 芒果, 仲話每樣味留1/4比我, 點知出現係只得檸檬和芒果, 係有失望感既, 但芝士餅總好過佢送既另一款湯水薑汁涼粉好食, 我地一嗅完D涼粉, 真係有D覺得似....跌打的薄荷膏味.....呢D全屬個人口感, 但在坐有半數以上都唔想食。 …查看更多

上星期五已經卜定檯，點知都要成8:45pm才有檯！我仲卜定芝士蛋糕(有五只味：檸檬、芒果、紅豆、藍莓、咖啡)我地要左半個檸檬、半個芒果。一行十人，來食晚餐，因為有幾個都係想黎幫襯好耐！一坐低，拿拿聲叫了十個菜：1. 酥炸榴槤 (嘩！好好食！d榴槤好似cream咁！都有成十粒！點知原來同桌有幾位都唔食，正，可以食多一粒！)2. 風沙雞 (配一碟好似蒜茸汁既醬，因我無食所以覺得$110半只有d 貴！)3. xo醬炒豬喉嚨(好味！又唔係太辣！好好送飯。)4. 南乳炸豬手 (點南乳汁食，味道唔錯。)5 琵琶豆腐 (幾ok，呢個豆腐都有汁點。)6. 牛肉生菜包 (味道一般，沒有驚喜。)7. 芝士焗西蘭花 (味道都ok。)8. 椒鹽鮮魷 (幾香口，味道都好好。)9. 沙拉骨 (d 沙律唔會太水汪汪，都幾唔錯。)10. 墨汁墨魚丸 11.芝士蛋糕：檸檬及芒果(味道ok，size好細個！但價錢頗貴，一個芝士蛋糕$280！！！)送薑汁涼粉點解我無提到：墨汁墨魚丸好唔好食？因為無食過，又點知咩味呢？我地九點落order，一次過十個菜，九個菜都黎齊，唯一墨汁墨魚丸 一路都無影！咁我咪催下飛型侍應，話漏單喎！佢仲好串咁話：『應該係一次過才整，所以慢，並非漏單。』但我見到墨汁墨魚丸出現在斜對面的另一張檯上面！十五分鐘，仲未有影！又再問飛型侍應，佢竟話：佢地已經整緊！我地係唔同部門做野！佢一味耍嘴皮子！(意指賣弄口才，或只說不做！)都無諗過真係幫個客跟進！三分鐘後，我地後面檯客，遲過我地黎，佢地的墨汁墨魚丸反而黎左！！！好過份！再追另一個侍應，佢又話睇下。我又見到另一檯裨我地遲黎的客，又黎左墨汁墨魚丸！！！轉頭佢竟然話墨汁墨魚丸買晒！仲夠膽死叫我地叫過第二樣菜！都嬲到一肚氣啦，只想食油泡飛型侍應！佢地即刻拿拿聲上薑汁涼粉，及芝士蛋糕！真係好嬲！係咪生客就要受到咁既對待先？！同第二個投訴，佢扮晒有人叫佢落單，馬上落跑！算數，以後也不會再來，又唔係得佢一間有飯食！原本應裨笑臉，但實在好慶！真係裨唔出，但佢的菜真係ok，又無可能裨喊臉。固唯有裨ok啦。呢餐飯食左 $1044。…查看更多