鳴日の食堂 (已結業)

今日小編去完九展睇到場show緊係要醫飽個肚啦🥴，咁耐無黎到九展原來二樓開左Food Court，有勁多唔同菜式既餐廳選擇，既然有得揀就緊係揀間自己有心水架啦🤔。而有間門面好靚，又有日系風格既裝修吸引到我入去👀，而呢間餐廳就叫「鳴日の食堂」。✦✦✦✦✦✦✦✦✦✦✦✦✦✦🎈A3.特盛天皇脆雞御膳 (法式松露醬) $84脆雞一上檯既時候有啲嚇親，因為落放超大份🤯，有兩塊超巨型雞扒，兩塊加埋仲大過塊面添呀，然後仲跟一碗麵豉湯同埋一碟螺肉。重點脆雞閎炸粉落得比較少，唔會咬落去有好粉既感覺🍗，兩塊雞扒既肉質咬落去仲會咇啲汁出嚟，好juice呀💦。餐廳用既法式松露醬比較偏向果甜味，少左松露醬獨有既味道，麵豉湯飲落味道啱啱好，螺肉大粒好有𡁻口。✦✦✦✦✦✦✦✦✦✦✦✦✦✦🎈B6.匠魂東坡煮黑蒜油拉麵 $87上檯已經吸到好濃郁既黑蒜油味🍜，越聞越有胃口，超香超吸引。另外有好多荀片、黑木耳，最重要係有大大塊既東坡肉🥩，肥瘦適中，就連佢既皮仲吸收晒啲黑蒜油味添。✦✦✦✦✦✦✦✦✦✦✦✦✦✦🎈B15.秘製辛辣豚骨叉燒拉麵(特盛) $86講到食拉麵就一定要有日式叉燒🍜，餐廳既叉燒口感同味道係可以接受內，仲要有成五塊咁多，塊塊都好大添。另外，仲有溫泉蛋一隻🥚，出面通常都係得半隻，小編就比較鍾意食溫泉蛋，因為一咬落去係有流心既感覺呀。而拉麵既軟硬度只有一款，小編覺得口感適中，好啱口味。佢哋係將辣調味分開放架😌，咁就可以因應自己想食既辣度加落碗拉麵，我覺得咁就唔洗怕太辣而食唔哂啦🤭。✦✦✦✦✦✦✦✦✦✦✦✦✦✦總結：係午餐時段有好多打工仔嚟幫襯，非常受眾。而室內環境、燈光都令人坐得舒適😌，餐廳既門口亦擺放左兩個人仔可以拎嚟打卡架📸。不過餐廳就冇提供生食刺身，主要以熟食為主🥘，價錢都算平民 ，且不收加一，如果你地嚟到九展睇完展覽就記得去Food Court搵下呢一間餐廳喇👀。✦✦✦✦✦✦✦✦✦✦✦✦✦✦ …查看更多

九展原來有個ғᴏᴏᴅ ᴄᴏᴜʀᴛ有唔同種類小店不過唔知係咪因為平日關係 人流比較小希望如果經開附近嘅話可以多多支持☺️餐廳地方環境寬敞 有卡位/日式和風方圓桌店員熱情招待 仲見到佢幫對情侶影咗十幾張相🔖 匠魂東坡煮黑蒜油拉麵 超肥美又長五花腩 大到佔咗半個碗😂雖然有啲油膩但的確滋味不過略嫌唔夠軟腍 如果唔係會正啲伴菜都足料 有半熟溫泉蛋、木耳、芽菜同竹筍加埋濃濃蒜油香湯底 呢個價錢嚟講真係好滿足!🔖 秘製辛辣豚骨叉燒拉麵(特盛) 份量超多 有五塊叉燒 肥瘦適中 辣度根據個人喜愛調教 ฅ(`ꈊ´ฅ)❤️將適當份量嘅秘製辛辣醬放入湯底中 搞勻即可拉麵是比較幼身 口感不如傳統彈牙 但比較爽身…查看更多

今次去食嘅餐廳係e-max入面冇諗過原來e-max嘅二樓都有幾多嘢食🤣係咁多選擇入面揀咗食日本嘢有丼飯 拉麵🍜嗰啲.和風燒牛肉拼鰻魚扒飯 $98匠魂東坡煮黑蒜油拉麵 $87（包紙包飲品）.係咁多款丼飯中揀咗牛肉拼鰻魚🐮🐟因為可以一次過試曬兩樣🤣成個丼飯份量好多餸同埋飯量都好足料牛肉有成10幾塊 唔會好韌 加上啲燒肉汁 好惹味 同埋啲汁唔會比得好少足夠撈飯食😋🤪鰻魚都好大份肉質彈牙！重有佢地啲飯係用珍珠米🍚😋拉麵第一啖試個湯底有驚喜湯底好濃郁 黑蒜油味都好重麵底係用幼身嘅麵入口都好滑同有彈性🍜特別係舊東坡肉係原條上好矚目🤩🤣肉質都算冧同埋入味佢地門面同裝修都好日式🎏同埋餐廳座位and空間感都好大坐得好舒服可以約朋友坐底慢慢食同傾計唔洗食得好趕急👍🏻…查看更多

今日晏晝放半日假😁 男友黎左同我食lunch～我地決定去遠少少既emax搵食順便睇場戲😎兜左個圈俾呢間既鰻魚扒吸引左我🤣 決定試下～呢間餐廳環境寬敞，可能加埋已經點半差唔多完lunch time，幾安靜坐得幾舒服👍我叫左個和風燒牛肉拼鰻魚扒飯少飯，男友叫左匠魂東坡煮黑蒜油拉麵～兩樣餐都超大份😂 鰻魚扒極厚肉！！面頭充滿住芝麻香，鰻魚汁甜而不膩👍牛肉除左加左平時都會見到既洋蔥之外，呢度落左唔同種類既菇一齊煮，營養更加豐富，更有口感同juicy，送飯一流🤤 (啲飯仲係用煙韌有趙口既珍珠米👍)個拉麵嘅東坡肉超級大塊！簡直大開眼界😂😂 比起中式既梅菜扣肉更誇張😂東坡肉非常入味，肥瘦均勻，口感層次好豐富😋湯底好香蒜味，但唔會太鹹，拉麵麵質岩岩好👍食完我地飽到一個點🙈🙈 呢個價錢有呢個份量同水準，真心抵食👏👏…查看更多

☆鳴日の食堂🇯🇵去唔到日本所以掛住日本拉麵？可以去呢間寬敞且好有日式風情嘅餐廳🥰餐廳環境舒適，食物種類很多，店員亦好有禮貌～和風裝修精緻，配上背景播放嘅爵士音樂，係食一個Chill午餐嘅好選擇！-🍜匠魂東坡煮黑蒜油拉麵($87)𝘗𝘰𝘳𝘬 𝘣𝘦𝘭𝘭𝘺 𝘸𝘪𝘵𝘩 𝘣𝘭𝘢𝘤𝘬 𝘨𝘢𝘳𝘭𝘪𝘤 𝘴𝘢𝘶𝘤𝘦 𝘳𝘢𝘮𝘦𝘯大大塊東坡五花腩吸精之餘也煎得出色，肉質肥瘦適中，滷得香又入味，一口咬落第一層肥膏很邪惡！🤤拉麵同樣有半隻溫泉蛋同不少木耳做配料😍湯底做得算正宗，加上黑蒜油令湯底味道更昇華～(˶‾᷄ ⁻̫ ‾᷅˵)推薦指數: 8/10.🍜招牌匠人豚骨湯拉麵配照燒雞扒 ($72)𝘊𝘩𝘪𝘤𝘬𝘦𝘯 𝘸𝘪𝘵𝘩 𝘛𝘰𝘬𝘬𝘰𝘵𝘴𝘶 𝘳𝘢𝘮𝘦𝘯餐廳內嘅人氣餐點之一，厚切雞排足料大份，但可以醃得更入味～甜甜嘅照燒汁調得唔錯，欣賞佢將照燒雞扒分開另一碟上，防止照燒汁融入湯底中😋拉麵麵底偏淋身，熱騰騰嘅豚骨湯底味道非常濃郁，有好香嘅麻油味，沾着麵一齊食好夾，配料仲有半隻溫泉蛋🥚，性價比佳！聽聞餐廳嘅牛肉飯也有唔少好評，下次可以再試一下！(˶‾᷄ ⁻̫ ‾᷅˵)推薦指數: 8/10p.s. 午市跟餐有紙包飲品送~.❁please support + like + share❁…查看更多

🇭🇰鳴日の食堂 Emax 日式食堂雖然👩🏻係KLB 返工 不過都好少黎Emax搵食🍴收工叫埋👧🏻黎 開左好多新舖頭食街入邊仲有好多選擇 順便行下759🛒晚市比較靜 餐廳非常寬敞枱與枱之間有返咁上下間距坐得好舒服唔逼👍🏻👍🏻食物選擇甚多拉麵🍜飯🍛 豚雞牛鰻魚等等都有上菜速度好快 跟餐可以自己去飲品櫃都揀紙包飲品🧃🍜匠魂東坡煮黑蒜油拉麵(💰$87)濃味拉麵控必試既黑蒜油拉麵黑蒜油又多又香 可以見到一層層係面東坡肉超長超大塊🤩望落都幾肥肥瘦相間 瘦既部分未至於好鞋有渣同埋肥肉都幾多既關係有入口即溶既感覺😍食落去醬油味入哂 係幾好食 不過真係好邪惡呀😈食落湯底調味岩岩好唔會話鹹👌🏻👌🏻拉麵幼身 帶微微爽口 份量適中有半隻溏心蛋 荀 木耳等基本配料👧🏻話荀腍身一點 煮耐左荀味淡 比較岩佢口味🤓好似👧🏻唔鐘意食荀既朋友都應該食到🍜秘製辛辣豚骨叉燒拉麵(特盛) (💰$86)豚骨湯底較濃味同厚身 都係走濃味路線辣醬🌶️另上 可以按自己喜調教返個辣度不過👩🏻全部落哂都唔覺得話辣 主要係辣香為主同樣係拉麵幼身 帶微微爽口 份量適中呢碗就有成隻溏心蛋 再加芽菜 荀 木耳等基本配料叉燒大約有4片左右😍都算幾多肉質厚度都係正常 整體不過不失👩🏻👧🏻都覺得東坡肉好食點😛😛…查看更多

好耐冇嚟過九展啦，今次嚟到見到food court選擇都幾多，揀咗呢間日式小店食。舖頭門面同埋餐廳環境都好有日本嘅風味，坐得到非常之舒服。匠魂東坡煮黑蒜油拉麵 ($87)拉麵包埋一杯紙包飲品嘅，睇相可以見到東坡肉非常之大件，而且煮得好林，非常之入味。呢碗拉麵一上枱已經聞到好香嘅黑蒜油味，食落味道都唔錯，湯底唔會話好鹹，面嘅質地啱啱好，值得推介。秘製辛辣豚骨叉燒拉麵 (特盛) ($86)呢碗比起頭先黑蒜油拉麵多咗半粒蛋，呢個糖心蛋整得好好食，蛋心有煙燻嘅香味。我先試咗一啖湯底原來係唔辣㗎，餐廳好貼心咁將個秘製辛辣醬擺咗喺隔離，自己可以根據自己食辣嘅口味添加，我自己就落晒全部落碗麵度，都唔算話好辣但係非常之惹味。至於叉燒都有成4塊咁多，比起出面好多餐廳都係得兩塊，4塊食落真係食得幾滿足。好耐都冇嚟九展，今次出嚟試嘅呢間餐廳真係幾唔錯！…查看更多

平時唔多去九龍灣，原來九展個food court都幾多野食，我哋tea time去，過咗lunch time，所以成個food court都幾靜，行咗一個圈，揀咗都幾入嘅一間日式餐廳，餐牌都幾多選擇，而且啲裝修都幾靚！套餐可以揀可樂/紙包飲品•🥢 特盛天皇脆雞御膳 $84呢個set都幾豐富，有兩大件炸雞、一球薯仔沙律、一碗飯(珍珠米)同麵豉湯，可能因為咁而叫特盛！炸雞嘅炸粉唔厚，好脆，但某啲位炸皮有啲分離，但炸得幾乾身，唔會太油膩，肉質幾嫩，炸雞本身有少少調味，就咁食都ok，而法式松露醬嘅松露味幾濃，唔覺唔覺又點咗好多🤤 •🥢 匠魂東坡煮黑蒜油拉麵 $87黑蒜油好多，好香，而且食落都幾濃，唔會淨係得香味，湯底唔會太鹹 (好怕有啲拉麵好鹹/太濃味，食完會好口渴😢)；拉麵係幼身，彈牙，軟硬適中；東坡肉好大塊🤩大約一半肥一半瘦，都幾入味～…查看更多