丼瀛

🏢今日嚟到觀塘工廈覓食，見呢間裝修同氣氛唔錯，精心製作海膽杯好吸引喔~🤗🥑🥗油甘魚牛油果海膽沙律 $98🍣藍鰭呑拿魚壽司 $48，黃鰭呑拿魚壽司 $24🍹北極光海膽杯 $168海膽杯做成芭菲嘅造型，第一層係海膽同黑色嘅魚子，之後就係脆卜卜魚子同玉子，最底紫薯都幾特別。🇯🇵燒白鱔 $38 ，紫蘇雞肉串 $23，大蔥雞肉串 $18燒白鱔當然係我嘅首選，皮脆肉嫩有魚嘅油脂滲岀，推介喔~ 🍶清酒煮大蜆 $78大蜆新鮮每隻都無沙，處理得好好，清酒帶出鮮甜味，非常暖胃冬天食就啱晒，份量都幾多。丼瀛星期一至日: 12:00-16:00, 18:00-23:00地址: 觀塘巧明街109號榮昌工業大廈5樓A室電話: 37088705平均消費 $333/位…查看更多

朋友在觀塘上班，約了在觀塘食日本野，在工廈的，叫丼瀛。觀塘的放工時間人多得有點恐怖，五分鐘的路程也要花上雙倍時間。清酒煮大蜆 $78，入口嚐到好濃的清酒味，蜆大大隻，間中一兩隻有沙。串燒點了厚燒玉子$24，蛋味好香，還有一口和牛 $38，肉嫰。串燒即叫即燒，熱烘烘的，不會放到微溫才上枱。北極光海膽杯 $168，裡面有海膽、松葉蟹、海葡萄、黑魚，最底部是紫薯，好特別的配搭。築地壽司杯 $138，壽司以杯上，先來視覺享受，再以味蕾品嚐，壽司沒有冷藏味，但不算很鮮味。龍蝦刺身爆丼 $218，非常吸睛之選，龍蝦拆肉拌以沙律醬，刺身有不同款式的魚，還有配上溏心蛋。…查看更多

❣️呢一日約左係觀塘既朋友食飯，因為我收得早d，就去觀塘join佢啦。同埋一直都聽人講，觀塘工廈有好多正野食，一於叫朋友帶路啦。📍位置朋友叫我係搭地鐵，話驚收工時候會塞車。我地係觀塘站A2出口會合左，穿過APM，黎到巧明街，右轉，榮昌工業大廈，5樓A，離地鐵站10分鐘路程，都幾方便喎。❣️環境&座位呢度除左有室內座位，仲有outdoor座位架。雖然依家係冬天，但其實outdoor都加哂膠簾，阻擋左9成9既風啦，都見到餐廳係outdoor座位裝埋冷氣機，就算夏天黎，都唔洗怕熱既。❣️Menu 晚市冇set既，以散叫為主。可以留意下牆上既告示牌，會有時令海鮮推介。✨龍蝦刺身爆丼 ($218)造型十分震撼，除左有原隻熟龍蝦、仲有多款不同既白身、紅身魚刺身，塊塊新鮮厚切，2個人share食都好滿足。✨清酒煮大蜆 ($78)大蜆粒粒飽滿，肉質爽口，食落有清酒味，又冇沙。✨築地壽司杯 ($168)有6款壽司，分別係甜蝦、吞拿魚蓉、魷魚、海膽、三文魚，造型精美。海膽同吞拿魚蓉最深得我心，海膽size夠大夠creamy，吞拿魚蓉拌埋蔥一齊食，好香好好味。✨北極光海膽杯 ($138)一層疊一層，顏色鮮豔奪目，真係好似北極光咁震撼。有黑松露、海葡萄、三文魚籽、蟹肉、紫薯，每一層都有驚喜。✨一口炸芝士 ($34)炸既時間掌握得幾好，粒粒色澤金黃，冇過多既油份。咬落口，d芝士多到滿瀉，好治癒啊。✨一口和牛 ($38)有濃濃既牛味，食得出係上乘既牛肉，好juicy。✨厚燒玉子 ($24)甜甜既厚燒玉子，配埋餐廳既特製醬汁，食唔停啊！❣️總結呢間餐廳情調幾好，暗暗地，又有足夠空間，幾岩收工之後黎輕鬆下。而室外座位都掛滿左星星燈，好岩打卡。…查看更多

又到週末都係時候食啲好嘢獎勵下自己。 經過觀塘巧明街， 成日見到好多工廈樓上食肆派傳單。 這間丼上網search過 唔少好評， 一於試試。餐廳唔係特別豪華裝修， 不過甚具特色， 唔夠六點已經有客人開餐。望住餐牌已經有選擇困難症。 好多特色小食，串燒，刺身料理可選擇。北極光海膽杯 $198 ( 試食價)鍾意食海膽嘅我見到有款北極光海膽杯做緊試食價。所有材料就放喺隻香檳杯裏， 顏色層次分明， 好似一杯色彩繽紛嘅芭菲新地。 最頂層的是黑色嘅蟹子， 仲有一塊炸得香口嘅脆脆， 有魚乾嘅味道。 接著是 甘甜嘅海膽， 質地唔会好糊身， 新鮮冇腥味。 味蕾一下子被打開了。海膽下面是海葡萄， 還有粒粒 晶瑩通透的三文魚子， 份量唔少。 再深層的是蟹肉;蟹膏豆腐， 最底層紫色嘅係紫薯蓉， 嘗試把蟹肉和紫薯撈勻吃， 估唔到味道好夾， 鹹甜溫和融合。築地壽司杯 $148另外我們也叫了推介的"築地壽司杯"每隻杯都 盛載著唔同款式的刺身和飯。先吃第一杯黑魚子和海膽。 海膽仍然都是那麼甘甜， 飯嘅份量原來都唔少。 感覺每杯有三件壽司饭份量。跟著是2隻大頭赤蝦， 鮮甜味美， 米飯份量比例剛剛好。接著是橙色系列三文魚子和三文魚。 三文魚有甜味， 唔錯，好新鮮! 蟹子魷魚 魷魚好滑好煙韌， 配上醬油 特別滋味。 吞拿魚蓉杯， 上面灑上蔥白和一些 蘿蔔乾， 好特別好有口感， 吞拿魚蓉更見鮮味。 再來就是迷你紫菜 吞拿魚蓉卷， 包上紫菜兄是另一種傳統食法。 吞拿蓉幼滑!除了刺身壽司 杯， 當然還選了其他串燒。 一口甜薯， 日本一口小甜薯， 即烤即食軟糯香甜。 豚肉露筍卷。 露筍爽嫩， 配上少少鹹香嘅豚肉好惹味。燒鰻魚外皮燒得香脆， 仍保留鰻魚的肥美油香。 推介燒牛舌， 很爽嫩， 一啲都唔乾唔韌。 簡單灑上鹽已非常美味。 燒茄子都很特別， 但茄子上的燒醬 過多， 茄子能夠燒耐一點更good fit.…查看更多

隱藏於觀塘工廈的丼瀛，其實距離地鐵站只需5分鐘步程，交通方便。食物選擇很多，丼飯、刺身、壽司、串燒等應有盡有。築地壽司杯 $148很漂亮的擺盤，左起有海膽，甜蝦，三文魚親子，魷魚，拖羅蓉和拖羅蓉手卷。海膽肥大肉厚，拖羅蓉油香滿溢。楊枝甘露沙律 $78芒果、柚子和蘋果都很新鮮，非常清新的一道沙律。北極光海膽杯 $198多誇張的名字和賣相！杯內的食材做成漸層的效果，賣相真的很不錯！海膽一樣是肥大肉厚，海葡萄爽口彈牙，而我最喜歡的是中間那層蟹肉蟹膏，鮮味到不得了。丼瀛活貝大盛 $298是一個燒貝類的Combo，有齊帆立貝、蜆、蠔和鮑魚。白蜆鮮甜無沙，點少少燒汁更惹味。帆立貝亦相當出色。丼瀛龍蝦刺身爆丼 $228成隻龍蝦插落碗飯，多誇張的排場！餐廳有提供工具給我們破殼。而龍蝦尾就起肉，伴沙律醬和蟹子，送飯一流。流心蛋做得很好，旁邊也有其他刺身，份量一啲都唔講得笑。…查看更多

店舖坐落在觀塘一個比較偏僻的地方，進去第一眼感覺很高階，我個人覺得不錯，店舖提供日式食品，有常見的魚生，熟食等。 食物的味道很好，魚肉等十分新鮮，只是店舖的食物若以提供2人以上的份量的話，我會覺得食物的份量有點兒不足，不過食材的整體感覺不錯。…查看更多

早前已在不少飲食雜誌和飲食節目看到它的介紹，單單賣相已令人垂涎三尺，恨不得馬上去嚐一嚐它的美味，趁OT了幾晚，有藉口獎勵自己，就今晚OT後去會一會它吧！究竟它是什麼？離遠就看到餐廳的店名招牌，不斷變色，好吸晴！走進內裏便看到店員正為客人浜燒，看來今晚有口福。正正方方格局，一邊是開放式的師傅工作區，另一邊是設有幾張二至四人枱的用膳區。唔止呀！仲有一間獨立房和一個可吹吹風的室外區。裝潢富有心思，掛上日式的紅燈籠、多幅日式的布簾，還有落地玻璃門窗上好得意的貼圖。看看餐牌，印滿菜式相片，又清晰又吸引。除有多款丼外，還有串燒、卷物、烏冬、佐酒小食、壽司、刺身、浜燒等等，選擇不少。******************************究竟我一直講的「它」是什麼？就是…北極光海膽杯 ($198)。嘩！真係要先欣賞一番才品嚐。一共有九層，由頂至底數起，有香脆可口的魚乾脆片、鹹鮮的黑魚子、甘香豐腴的海膽、鹹香爆汁的海葡萄 和三文魚籽、鮮甜的蟹肉、滑溜的蟹膏豆腐 和綠豆腐，還有甜美粉綿的紫薯蓉，配搭起來，色彩豐富，口感多變。怎樣吃或怎樣配都係咁美味。************************別以為這道香桃蟹籽沙律（$78）好簡單，並非蟹柳配青瓜咁普通，實際好有驚喜。大量爽甜的蘋果絲 拌入脆卜卜的蟹籽，還有口感特別的爆珠，配上甜美的蜜桃，混入秘製醬汁，整體甜甜地，清新怡人，配搭有驚喜。************************有燒三文魚頭和油甘魚頭選擇，我當然揀鹽燒油甘魚頭（$88），貪其更油潤甘香。嘩！好有份量，不單止有半邊大魚頭，還連着多肉鮮香的魚鰭，見到都非常滿足。別以為魚頭無乜肉食，其實內藏不少鮮嫩的魚肉，特別是那件魚面和魚眼，又鮮又滑，仲有內裏藏了不少魚油脂，油潤甘香，加上烹調入味，鹹鮮有至，令人吃得津津有味，正！************************錫紙焗黑松露野菌（$68）熱辣辣上枱，吃前先把黑松露醬 拌勻，散發着陣陣松露的幽香。選用了多款野菌，有金菇、冬菇、雞脾菇 等，很豐富。全部都焗得合宜，保持爽口，而黑松露 和牛油 的份量亦適中，不失菇香，不錯！************************店員推介新出的浜燒，除有套餐外，亦可散點。我最喜歡帆立貝，就要兩款不同配搭。揀了北海道松葉蟹膏帆立貝殼($48)和北海道海膽帆立貝殼（$68）。兩款配搭都各有特式，雖賣外不算吸引，但兩大隻帆立貝 都很鮮甜，相當新鮮。個人就較喜歡配松葉蟹膏，添上鹹鮮，更加美味。************************是日有幾款空運到港的魚類，在當中揀了三款，由油甘魚、鱸魚 和愛女魚 合成刺身三盛 ($138)。三款刺身都色澤亮麗，相當新鮮。油甘魚 微爽油潤，充滿魚香；鱸魚 經火炙，帶有焦香，肉質鮮嫩。而每片愛女魚 都薄得通透，可見師傅刀功了得。屬淡身魚，最適合就是蘸些山葵醬油 提味，不錯！************************最後還送上泡芙雪糕($0)作為飯後甜品，真窩心！仲要咁岩是我喜歡的抹茶味，好滿足！------------------------------今晚終於能一嚐北極光海膽杯，果然令我驚喜，令我回味，專成為它而來是正確的選擇，其實……我應該一早知道就來，不應那麼遲才品嚐它的美味。…查看更多

早前閨蜜🐰曾大力推介了一家工廈內的日式食肆🇯🇵，今日剛好有時間😌，就跟老公🍋來試探一下軍情😎。除了提供一般的丼物🍱，小店更提供多款燒物🍢，選擇是蠻多元化的🤩。店內環境舒適😊，適合一眾吃貨飯聚🌙。蘋果蟹子沙律🥗：滿滿的蘋果絲🍅及桃片🍑，上面放上了大量蟹子🦀，口感爽脆，味道酸酸甜甜的😋，作為開胃前菜，非常醒胃👍🏻。丼瀛活貝大盛🔥：包括了鮑魚、岩蠔、帆立貝及白蜆😍，每一道都是由店員親身主理，即點即燒🔥，配上了清酒燒製🍶，更能帶出食材的鮮味🤤。北極光海膽杯🥂：分別有8層😲，以紫芋蓉作基層💜，最上層放上魚子🧡，層層都是是鮮甜甘香😋，絕對不是虛有其表的👍🏻！築地壽司杯🍣：6款不同的壽司上陣🤩，陣容浩大🎉！新解的海膽🌊、甜蝦🦐、帶子🐚、吞拿魚蓉🐠和三文魚🐟，簡直是一道菜滿足了6個願望💖。丼瀛龍蝦刺身爆丼💥：龍蝦尾部早已被起了肉🔪，配上青瓜及沙律醬🥒，口感清新🍃；龍蝦頭中的蝦膏滿滿的😍，再加上那大大的龍蝦鉗😳，人妻🐷真的再也吃不下了😋。總結：店內設有推廣優惠✨，午市時間除了免收加一外🤩，更享有75折優惠🌟，可惜星期六日及公眾假期停用😢，這種機會果然是不屬於人妻🐷的。…查看更多

相識多年既好朋友升職，請我地一班好朋友請食飯，佢帶我地去佢公司附近呢間經常去既餐廳食晚飯，餐廳係工廈入面，係佢帶我去先知道呢間餐廳。今餐朋友話事，全部都係佢自己發版咁滯，首先就叫咗個柚子沙律，呢個係完全係水果既沙律，入面一條條絲既係蘋果絲嚟既，甜甜地，俾啲唔太鍾意食蔬菜沙律既人就啱。叫咗個燒海鮮既浜燒盛 - 丼瀛活貝大盛($298)，包咗幾款唔同海鮮，鮑魚、岩蠔、帆立貝同白蜆，啲海鮮全部都好大隻，而且新鮮即燒好香，特別係個帆立貝，加咗牛油燒，非常之香口。築地壽司杯($148)，呢個係我要求點既，因為見到咁多款刺身選擇就覺得好吸引，而且每杯細細地咁食幾過引，每杯飯同刺身既份量啱啱好每樣一半，每啖食落去都好平均，個海膽更加係有加多黑松露，好香口。丼瀛龍蝦刺身爆丼($228) - 大大隻龍蝦，入面既肉都有好多，又有幾款唔同既魚生，食完呢個已經好滿足北極光海膽杯($198) - 海膽控朋友自己叫咗呢個海膽杯，入面除咗有好多海膽，仲有三文魚籽，好鮮味好正食日本嘢點可以無壽司或者卷物，呢個加州東洋卷($78)都好好食，最鍾意佢上面好多蝦籽同沙律醬不過飯類咁多個嚟講大家都好偏愛呢個原條鰻魚炒飯($128)，可能係本身鰻魚就已經係好受歡迎，再加上佢個海鮮炒飯炒得好香好好食，兩樣加埋就好完美。另外呢兩樣自己就因為太飽無食到，不過朋友們都幾滿意。劍魚腩蔥拖羅爆丼($128)厚切三文魚三色爆丼($148)…查看更多

黑門市場嘅所有日式食身，例如刺身、丼飯、等等都令我念念不忘。今日特意同男朋友嚟到觀塘的工廈呢間【丼瀛J-City】一解我「思念日本之情」✌🏻知道觀塘店人氣爆燈後呢間日式餐廳再開多第2間分店已經登陸佐敦了！這種勢力想必是性價比高或等等才有人客長期棒場呢...😌出電梯門轉右大大隻字同燈牌寫著【丼瀛】入到去第一個感覺好像一間日式居酒屋，因為空間不算太大，大約只有20多個座位，裝修方面偏簡潔整齊，用木磚牆，木枱，加重日本風既感覺...坐得愈耐就愈人來人往，幸好一早已經預約不用等位！不過我們6:00就到了！比平時食晚飯的時間早了點點！看看餐牌...一見到「樂師傅創作」這五個字就稍為有點興趣，他創作了什麼特別的食物呢？見到有個名為北極光海膽杯...好得意...完來係因為佢擔任北極光節香港區大使所以突然靈感到就創作左出黎！我地先點了這個再慢慢看。餐牌上有多款日式丼，不同種類的海鮮選擇，賣相非常吸引，還有小食、沙律、刺身、壽司、串燒及特飲等，樣樣都想食～店員跟我們說觀塘店以單層爆丼及日式燒海鮮為主打，還為我們作出一些建議及推介，非常親切呢！其他我地都單點了幾樣，一定夠飽肚既！等緊野食黎時候見到出而開著左燈好似幾有感覺就好奇就出去睇睇，門口這塊玻璃，盡顯老闆的幽默打開看完來係一個小花園仔，岩晒開Party或者公司聚會一齊食個飯既面積都是12-16個左右吧！但私穩度都夠晒高呢！👉🏻第一樣先出場既係........築地壽司杯$148長長的，成條龍咁...好精緻，因為每款壽司杯都裝住不同既刺生...同飯...每杯都好足料...好似有三文魚、大甜蝦、魷魚、吞拿魚腩蓉、海膽、三文魚子三文魚子我就比較喜歡,因為又肥美又嫩口，而男朋友就最愛海膽同大蝦都係因為新鮮夠鮮甜，一點也不腥....壽司杯共有七杯，款款不同各有特式。好欣賞呢個擺盤，因為投放了心思，份量又足夠，盡見師傅的誠意。👉🏻跟住就係..........呢度既招牌丼飯丼瀛龍蝦刺身爆丼 $228招牌丼飯唔叫，咁點叫黎過食野呢！ 👀龍蝦刺身爆丼真係大碗又抵食，唔計呢款其他丼飯都係講緊百多元，價錢果然走平民路線！一碗有原隻波士頓龍蝦但雖然佢好大隻又搶鏡其實入面仲有好多唔同既刺身！好豐盛！！差D好像滿到瀉咁！好似有限量架！但好彩呢晚都食到！入面有北寄貝、劍魚、三文魚，油甘魚、等等8種刺身！另一邊就幾特別既係因為師傅將龍蝦肉切成粒方便食客次餘再加入蟹子同青瓜好清新！龍蝦肉超爽同彈牙！口感非常好！而且龍蝦頭仲有爆膏添！呢個位真係好有驚喜！刺身都一定有番咁上下水準！原隻龍蝦就份量十足...丼飯黎講呢隻龍蝦真係算多肉食，下層就係大大碗飯想唔飽都幾難...應該是用日本珍珠米吧？口感黏性！但如果帶多點飯醋味會更好吃...流心蛋部分蛋醬也想慢慢流出來了...我認為係親民價食到高質丼飯既丼飯多過好多人話既好震撼呢！👉🏻創意菜式到啦！！！！北極光海膽杯$198....總共有9層高腳海膽杯內有....三文魚子海膽沖繩海葡萄蟹肉蟹膏豆腐魚乾似係燒魚脆片黑魚子蟹膏豆腐紫薯蓉食落就係呢9樣食物給果冇記錯又冇食錯既話....一隻杯超級豐富，影完相再慢慢食！「樂師傅」原意紫色、黃色、紅色和綠色代表北極光，其實又真係講得通又有想像力！放滿了不同的材料，砌得實實的！用匙羹慢慢舀出來吃都需要點時間每層味道分明，層次點會唔豐富？杯面上的兩大塊加拿大海膽已經比男朋友品嚐...墨綠的沖繩海葡萄平時好小食到，食落爽脆味道偏淡應該是用黎中和每樣濃味既材料！！紫薯作為最底層是非常對的！顯得一個完美的結尾！七彩繽紛海膽杯真係會令你食慾大增，自家創意真係唔係到到食到👉🏻最後有甜品奉上...是日...雪糕泡芙真係好好食，因為可能是清淡普通既雲呢拿雪糕...中和成餐飯！非常好！男朋友想試試串燒就叫了一串脆皮白鱔 $38嘩...真心驚喜十足，燒得好均勻時間燒到剛剛好白鱔皮十分脆而肉又夠嫩！最種要是油脂充足...焦香感十足！啖啖卜卜脆。推介啊！！！！我認為自己會有一點崇日的，但程度不深，你問我有幾多？我只能答一個月至少吃一次有關於日式食物的餐廳吧！崇日程度算是不太深了嗎？對不對！😆但呢度既簡約樸實的日式風格，我挺喜歡的...位於觀塘工廈之中有一間願意以親民價錢讓食客食到高水準晚日式餐廳食物...實在難得！滿足香港人既心態，「大件、抵食又好味」【丼瀛】就符合這三項條件了。…查看更多

返工咁忙咁辛苦，呢個星期放大假，一定要搵好野食，對自己好d啦！朋友介紹我去呢間餐廳食，話d燒物好好食Openrice一下，見到勁多人推薦龍蝦爆丼同埋海膽杯，我就已經流哂口水喇急不及待同老公去搵食，打電話約左19:00去到門口，侍應叔叔已經好好禮貌咁招呼真係要為餐廳服務員平反，見幾篇文都話佢地服務差，但我食足全晚服務都好好，斟茶收拾碗筷，樣樣做足講返正題先，餐廳既環境好舒服我地被安排坐係邊邊既位置，好安靜，私隱度好高！環境佈置得好有日本居酒屋既感覺！講左咁耐，睇下餐牌先本來以為丼瀛係食丼飯為主，但係原來食物種類都好多，真係花多眼亂價錢都好實惠，樣樣都好吸引老公話要獎勵下我咁努力工作，所以要食得豐富d我地叫左築地壽司杯！賣相非常吸引，總共有6個杯，連同薑片有7個杯！侍應好細心咁提我地要食左紫菜先，如果放得耐紫菜會唔好食最吸引我既當然係海膽杯啦海膽非常新鮮，好厚身，一淡食落去非常鮮甜，配合埋一口飯，好match！仲有就係呑拿魚蓉，亦都鮮甜美味每款刺身配合一口飯，岩岩好 Wa!!!!重點黎啦龍蝦刺身爆丼！上菜就已經好爆喇！新鮮既龍蝦肉配合小小沙律配菜，仲有小小芥末味，仲可以省返唔少剝蟹肉既功夫但係仲有兩個新鮮蟹鉗，當然留返比老公剝啦，哈哈龍蝦好新鮮，平時如果唔新鮮既龍蝦我食完會喉嚨痕，今次就完全無喇！不過呢，我地比隻龍蝦吸引左，食到7788先見到仲有好多飯同刺身所以提議大家，龍蝦記得同埋d飯一齊食呀呢個丼飯份量好夠，男士一定夠食啦！第二個重頭戲又黎啦: 海膽杯我地食到呢到已經飽左5成，呢個杯份量岩岩好，唔會好大杯！但就食到7種層次！侍應好細心咁介紹左7層，記憶力好好！我就盡力記啦！首次上面塊銀雪魚乾卜卜脆，好好食之後仲有海膽，海葡萄(同我係沖繩食既一樣咁好食)，魚子，海膽布甸(口感特別)，蟹肉，雞蛋，仲有我最鍾意既紫薯呢碟菜真係食到好多層既口味係龍蝦爆丼食剩左既飯，送埋海膽杯，就一流啦真心，呢2款真係必食推介，性價比高呀！最後，朋友介紹既燒物唔可以唔試啦！十勝豚肉質好爽味道剛剛好，唔會太喊！老公叫既牛舌我就唔敢食喇！但老公話燒得剛剛好，唔會太熟配合埋檸檬汁就一流喇仲有呢個油甘魚頭燒物中的最愛食到後期已經好飽喇呢個魚頭燒得岩岩好，d皮好脆，又唔會太油膩！好香口！本來想叫三文魚頭，但侍應介紹油甘魚頭，真係無介紹錯最後一碟，因為我係玉子控，所以叫埋厚燒玉子果然無令我失望啊！好滑，甜甜地，好好味食到呢到，真係好滿足呀！好感謝老公陪我放縱一晚！有時工作辛苦，真係要間唔中獎勵下自己架！仲比我無意間發現，呢到有戶外架！戶外有冷氣，好有風味，又唔會熱如果叫燒海鮮，仲可以即場燒可惜我地太飽了惟有下次再叫整體黎講，呢到真係好正服務食物環境都無得輸！真係要推薦比朋友同比大家啦…查看更多

原隻龍蝦丼飯🤩觀塘工廠大厦越來越多特色餐廳中意食日本野嘅我 今次就去左丼瀛食丼飯🍣order左呢到三樣人氣食物✌🏻1️⃣丼瀛龍蝦刺身爆丼 $228呢個丼飯有原隻龍蝦 size都唔細喎龍蝦肉已經起好唒切粒粒 仲撈左芥末沙律醬龍蝦幾新鮮 肉質結實的 加埋沙律醬好開胃喔👍🏻蝦頭裏面亦爆唒膏🤩 旁邊仲有幾款刺身 不錯的喔流心蛋也很岀色的一個人食會好飽 所以呢記得開心些牙🤭2️⃣北極光海膽杯 $198呢個杯有好多層 顏色好豐富🌈聽講係老板去完北極 見到北極光構思返來的👍🏻包括黑魚子 海膽 海葡萄 三文魚籽 海膽啫喱 蟹肉 紫薯 估唔到味道都幾夾架喎 夠創意😉3️⃣築地壽司杯 $148有六杯 其實姐係壽司😂有海膽 蝦 三文魚 魷魚同吞拿魚蓉🤤每樣都好新鮮 用杯裝住 所以用🥄 食比較方便🤭🍽 丼瀛🔎 觀塘巧明街109號榮昌工業大廈5樓A室…查看更多

今日同朋友黎到呢間丼瀛食日本菜。位置系工廈裏面，真系吾系咁易搵架！不過，小編相信隱世通常都好味既道理，十分期待(˶‾᷄ ⁻̫ ‾᷅˵)！就座大約七點幾，人流吾算多，地方夠大，以居酒屋形式作佈局，坐得好舒服。有個小型開放式廚房，有睇住師傅認真咁切壽司，越睇越想食啦，嘻嘻！一大大個餐牌。呢家仲做緊推廣，乜都平啲啲，荷包就慳翻啲。小編未試過日式BBQ，所以見到平左咁多，就叫黎試試先！BBQ北海道海鮮拼盤(hkd$138) 包括有生蠔、蟹鉗、蟹蓋、帆立貝。仲會提供埋牛油、檸檬等配料為食材調味。對於烹調，小編有啲心得，將個火較到中間，大約燒4-6分鐘就食得，燒太耐就會失去海鮮既鮮甜味！築地壽司杯(hkd$148) 小編覺得幾新穎既菜式，將壽司融入小杯子中，顯得十分精緻。而壽司杯分別系有海膽、魷魚、大甜蝦、三文魚子配三文魚、吞拿魚腩蓉。小編覺得呢幾個壽司杯都十分足料，每件刺身都好大份。而最吸引到小編系海膽同三文魚，佢地較為突出鮮甜，真系好好味(≧∇≦)！丼瀛龍蝦刺身爆丼(hkd$228) 店家特別推薦，是必點之選！果然無令小編失望，呢個爆丼上枱果時，見到龍蝦同刺身差啲滿瀉既狀態，十分震撼。隨即仲會配上一隻流心蛋。原隻龍蝦奉上，份量驚人、肉質厚實、多汁鮮甜，龍蝦頭膏量相當豐厚，令人不得不讚嘆！其次配料加左啲青瓜粒、檸檬等，豐富左丼既味道，又吾會搶過鮮味，呢點都要一讚。推薦！推薦！北極光海膽杯(hkd$198) 呢個海膽杯由九層組合而成，由高至低分別系魚乾、墨魚子、海膽、海葡萄、三文魚子、海膽豆腐、蟹肉、蟹膏豆腐、紫番薯。配搭特別，味道分明，層次感突出，一次過滿足多重享受，十分過癮♪(´ε｀ )！…查看更多

最近喺觀塘發現新開嘅樓上鋪， 入面主打日本菜 ，環境清淨， 十分適合情侶在此約會!最吸引我嘅食物係北極光海膽杯， 每一啖都有海膽喺你嘅口腔 ，刺激你嘅味蕾。 佢哋用嘅海膽絕對係新鮮保證。另外BBQ海鮮拼盤最令我意想不到，裏面食材有蟹腳蟹膏帆立貝 ， 蟹膏最吸引我，因為鮮甜而且係自己控制火候。另外黑松露海膽炒飯係最配合嘅組合， 黑松露加上海膽再配上炒飯呢個組合係十分之邪惡， 雖然黑松露有少少概過咗海膽，但隱約都能夠食得出海膽。另外楊枝甘露卷都係十分推介， 呢一度餸十分似芒果糯米飯，我形容一道餸係迷你版芒果糯米飯。丼灜龍蝦刺身爆丼， 相信係呢間店嘅主打， 這個丼有龍蝦以及刺身，龍蝦嘅膏同埋肉質十分鮮甜再配上不同種類嘅刺身，令到一道餸顯得高貴又優雅。若果大家經過觀塘嘅話，不妨望高，呢間樓上鋪一定吸引住你!…查看更多

觀塘區的工業大廈越來越多上樓食肆，除了避開鋪位貴租外，食客也可遠離繁囂人群，輕輕鬆鬆享用膳食張業不久的丼瀛，主推日本料理和燒烤美食一張menu顯示所有菜式，一目了然丼瀛刺身龍蝦爆丼 $228-HKD原隻大龍蝦加上雜綿刺身，$228超抵試食價，一定要試龍蝦滿載惹味蝦膏，啖啖肉，正!北極光海膽杯 $198一層一層的海膽杯，含有蟹肉、紫薯、魚籽，帶出層次口感築地壽司杯 $148一反傳統方法，以杯子盛載「壽司」，新鮮的食材，食指大動不得不推介店子的惹味串燒，灑上日式醬汁和味粉，超吸引!牛舌香軟肉滑，推介!芝士翠肉瓜、芝士雞翼，芝味無窮!…查看更多