8度餐廳

屋企人生日🎂，十四個人去咗8度海逸，長型枱，出入比較逼。6pm開餐就6pm前到，未夠鐘侍應已通知📢可出去攞嘢，想🤔攞生蠔🦪俾阿姐趕走咗，聲稱未ready，去排隊攞長腳蟹，唔算肥大，攞埋幾隻翡翠螺，攞咗一碟放埋位見到有人排生蠔🦪就出去排，見阿姐喺開定既蠔夾每人兩隻，拎咗返去食。生蠔🦪肥美新鮮，size中型，啱我，不過就冇起埋，要自己起。長腳蟹自己剪，不過把鉸剪✂️比較鈍，長腳蟹比較咸，第一☝️輪都接受到，但第二輪咸到唔想食。之後都有攞咗幾轉生蠔🦪，唔錯👍🏻。攞咗件即切羊架，皓嫩滑。之後聽到有鵝肝，有多士，鵝肝肥美，攞咗兩轉。刺身以為大路🛣️嘢唔想食，後來發現有大甜蝦，但最後一隻俾前面阿叔攞咗，但阿姐話遲d先refill，最後等咗大半個鐘先有。其他嘢食試咗沙樂美腸，冇ham失望，仲有試分蹄同豬頸肉都ok。甜品🍮攞咗豆腐花皓滑，芒果🥭拿破侖上面☝️芒果🥭甜但中間芒果🥭酸，但拿破侖都係脆。蛋糕🍰一般。Movenpick攞咗coconut味正。試咗燕窩燉蛋白，但冇燕窩。飲品🍸有橙汁、蘋果汁、可樂、咖啡☕️同茶任飲，酒🍷要加錢。…查看更多

盛夏鮮味自助晚餐*Time : JUL 2022, Dinner*Price : $5xx-HKD /人*Place : 8度餐廳*Review : 以前有聽聞這裡的自助晚餐好食，不過礙於交通一直都無來試，現在在屯馬線就方便多了- 海鮮冷盤 ：有長蟹腳，海蝦，青口，螺，補充速度快，量多且無雪水味，蟹腳厚肉而且肉質還算鮮- 刺身 ：即叫即切，有三文魚，TORO，玉子，蟹柳，鯖魚，鯛魚，種類不錯，尚算新鮮，由其鯛魚特別好吃- 生蠔 ：也是即開的，有兩款，新鮮是新鮮，滿滿海水味，口感creamy- 煎鵝肝：香口，肉汁脂肪滿滿- 燒烤 ： 有肉有菜有海鮮，不過我吃時已經飽了，味道是不錯的- 火腿芝士 ：就每樣兩款，不過不失整體是不錯的，要有的都有了，特別是生蠔十分出色，每一隻都新鮮，口感一流，如要求有龍蝦，海膽的就要去貴一點的地方了…查看更多

呢間酒店午市自助餐，我同屋企人朋友大大話都食過3次，最近一次係上星期既事。🙈睇番最近D人寫既食評，我覺得對呢間8度餐廳唔太公平，我一直都無寫呢間食評係因為我都本住應該好多人去食，應該都有唔少既資料，我就無謂再加一腳啦😝首先，全港少於$400連加一既自助餐，而有相當質素生蠔食的確無乜幾間，8度酒店呢間餐廳d生蠔絕對 above average，蠔好creamy, 都好飽滿，真心比起$6-700 有生蠔食既自助餐有過之而無不及。但絕對辛苦開蠔的哥仔，三次去頭個幾鐘都係佢不停開。😅😅每個人 $358.6 連加一 我覺得算係咁。我諗蠔應該都係好撞批次，我食3次都幾好。😆另一個焦點，絕對係佢地既芒果拿破崙蛋糕，入邊嘅千層酥好鬆脆，cream嘅甜度亦都剛剛好，上面鋪滿嘅芒果亦都夠甜，係必食既甜品。🍰🍰自助餐食物種類都好多，當然唔係所有都有，但我都覺得滿足了。我建議要一定要食蟹腳、食多種貝類刺身既朋友就唔好黎呢間，我食足三次都無出現過。😌本人覺得咁既價錢有相對既食物質素同環境都係咁啦，我睇過有d評論話小朋友多又嘈，咁真係唔係餐廳既錯，我記得呢兩次去食都有大大細細既小朋友，換個角度諗，😉人地開心同小朋友一齊食，家庭樂咁，不知天倫之樂幾開心。👪 至於食物方面根本無其他評論所講咁垃圾，唔知點解呢間餐廳係咪得罪左佢地😂 以下係我食呢間餐廳既相，大家可以睇下。😙😙…查看更多

「官網staycation優惠$1048 住一晚房連自助晚餐」餐廳地方算大、食物款式多、味道唔錯、會再黎食.即開生蠔🦪：排隊拎 每次限拎2隻，即開新鮮，鮮甜有蠔味，算唔錯，不過size細。.海鮮：有蟹腳、青口、蝦、翡翠螺新鮮、蟹腳肉爽無霉，青口有鮮味，凍蝦爽，螺鮮甜.刺身：正常普通出面小有嘅和牛刺身：唔錯，好大盤但無refill既燒火炙壽司：唔錯.即煎鵝肝：細細粒，但味道唔錯，幾好食煎羊架：無限量供應，有羊味唔蘇，肉量好食紅酒牛舌：幾好，夠腍，有牛味燒牛扒、燒五花肉、燒火腿：ok唔錯，燒五花籃肉比較特色推薦，有脆皮中東咖哩（有脆簿餅）：咖哩牛、雞、雜菜，好食好味冬菇扣鵝掌：唔錯.甜品有多款蛋糕：芝士蛋糕、慕絲蛋糕、燕窩疏乎厘，多款ok好食重點推薦芒果拿破龠：非常出色好味，無限量供應，芒果新鮮清甜無根，酥皮夠脆無腍，吉士醬好味。一次過食左4件，絕對無問題雪糕：哈根大師+Movenpick，每款3隻口味，Total 6隻雪糕，仲有雪糕窩夫有葡撻，無限量、唔錯6款芝士任食.餐飲小款：橙汁、蘋果汁、紅茶、咖啡，有檸檬汁可自制檸茶.餐飲、沙律、其他熟食較遜色，但食哂以上食物款式巳經夠哂飽，環境ok，收碟快，refill速度快，服務員態度好。官網有好多優惠，午餐buffet都係差唔多嘅野食但$3xx仲抵食，食物多款新鮮好食，平靚正會再返黎食…查看更多

其實我好鐘意周圍去影相，有特色既靚既都會去，最近喺網上發現到牛棚哩個地方幾特別，原來喺土瓜灣哩個唔會專程去既地方。果日天時暑熱去完牛棚之後同朋友喺附近行左陣，發現哩度有間酒店就行左入去過冷河，為食既我倆順便睇下個自助餐有咩好食啦，原來依加出左「尋鮮滋旅」自助晚餐，又係海鮮迷既我地即刻決定下次要黎試！哩個「尋鮮滋旅」自助晚餐喺2017 年 7 月 2 日至 9 月 30 日供應，想去既朋友仲趕得切😂哩日去到，見大廚即席烹調鮮活海鮮涮涮鍋，又有籠仔香草蒸海鮮，以為得咁少海鮮？No..自助晚餐既海鮮仲有冷盤同熱盤，一定滿足到我既海鮮胃😋冷盤：皇帝蟹腳、紐西蘭藍青口、海螺、海蝦、生蠔…我見好多人都拎皇帝蟹腳，唔洗講都知幾好食啦！仲係不停refill，食十隻八隻都夠回本！辣椒膏炒花甲…又係勁多人拎😂 我第二定第三輪先排到頭位咋…花甲肉都算大隻，醬汁微辣味道好濃郁！日式專櫃…有鱆紅魚、三文魚、北寄貝、墨魚等等既鮮甜刺身同現場整既火灸壽司，當中既三文魚刺身厚切超肥美！其他既刺身亦同樣新鮮😋而壽司就唧左唔少沙律醬再用火搶燒，海鮮既味道更突出更滋味！真係令一眾海鮮迷大快朵頤！愛好海鮮既朋友要密切留意各款精選熱食，例如潮式蠔仔餅、蒜蓉粉絲蒸皇帝蟹腳、燒特級牛肉、香草烤羊扒、燒烤醬燒豬肋骨、韓式炸雞翼、花蜜黑椒牛仔骨、咖喱雞等。另外仲有令人食指大動既香煎鵝肝伴黑松露汁！鵝肝厚身，煎到外脆內嫩，鵝油香好重，見唔見到，佢仲滴緊油嫁！甜品區…食完主菜之後，當然要輪到抗拒唔到既精美甜品啦！例如有即叫即製既鮮果班戟、椰汁蛋白燉燕窩、拎埋獎既王牌芒果拿破崙、日式紫薯慕斯蛋糕、日本蜜柑蛋白卷、朱古力噴泉、 Häagen- Dazs 雪糕… 崇尚健康飲食既你更加要留意8 度海逸酒店同本地品牌 Bad Food Gone Good 聯手炮製既無麩質、不含牛奶同精製糖既朱古力brownies同埋香蕉藍莓蛋糕！味道同樣出色。原來喺酒店網站 eShop 訂購或者憑指定信用卡簽賬可以有高達 8 折優惠！！(eShop: https://goo.gl/vPpTWS) 生日優惠: 4 人同行惠顧自助晚餐，當月生日客人即享半價優惠或可免費獲贈生日蛋糕一磅。有咁多優惠，緊係要拉大隊黎食啦！…查看更多

近期，BeautySearch 多了吃放題，卻很少吃自助餐，當然，不是我或我身邊的朋友不愛吃放題，而是因為放題的收費越來越高，加上，一大班強國人經常出現於大小自助餐，令我無法好好享用當中的美食...不過，早前在觀塘工作時，卻從同事中聽聞附近的《8度海逸酒店》自助餐不錯，價錢優惠，自助晚餐平日成人只需$448，如在 Harbour Plaza 8 Degrees 的 e-shop 上預訂更可有8折預購優惠，折後只需$360，認真抵食，最重要的是強國人幾乎絕跡，食客卻又不少呢！當時未有機會品嚐，於是早前便約了幾位朋友一同去嚐嚐。這裡的環境著實不錯，簇新而華美的設計，加上高高的樓底，寬敞的環境，格調高雅，令人倍感舒適自在。吃自助餐，菜餚的味道與選擇才是重點喔！而8度餐廳今期以「熱石香草蒸海鮮」為題，推出創新味美的自助晚餐，當晚最大的亮點就在於品嚐以熱石及香草清蒸的優質海鮮。大廚巧妙地以多款香料如檸檬葉、香茅、南薑、青檸等放於熱石上與海鮮一同以「桑拿」方式蒸煮、以高溫讓蒸氣滲透每件海鮮，並將香料的精華燻融於其中。平均15分鐘便有新鮮熱辣的蒸海鮮吃，雖然要排隊輪候，但絕對值得的。當晚我試了大蝦與原隻扇貝，簡簡單單以清蒸的方法烹調，最後散上點點鹽，令海鮮保留了最原本的鮮味。加上撲鼻的香草香氣，精華早已燻融於海鮮中，感覺天然獨特，別有一番風味。蝦肉爽口彈牙；扇貝鮮味無比，值得推介。旁邊的「燒特級牛肉」，色澤粉嫩，非常吸引，食落外皮燒得香口，肉質香軟，咀嚼時還帶點嚼勁。鮮甜的刺身一向都是 BeautySearch 必選的美食，刺身櫃裡的選擇可不少，有三文魚刺身、吞拿魚刺身、油甘魚刺身、北寄貝... 等，夠凍而沒有雪味，口感鮮嫩肥美。選海鮮冷盤有青口、海蝦、海螺，還有我最愛的皇帝蟹腳，非常大隻，鮮嫩肉厚，帶有淡淡的海水味，份外滋味。接著，BeautySearch 開始轉戰熱葷，第一時間便被這大大的蒸籠吸引著，不來是燒賣及餃子。打開蒸籠時還散出輕熱，熱烘烘的非常吸引。隨後發現了燒味三併，由於怕吃得太多肉，因此，BeautySearch 每款只揀了一舊淺嚐，三款燒味的水準蠻不錯，當中我最欣賞的是蜜汁叉燒，外皮透出亮澤，肥瘦比例適中，非常美味。還中清蒸海上鮮，雖然我不懂辨別這款是甚麼魚，不過，肉質真的非常嫩滑，啖啖肉，搭配香甜的蒸魚豉油，更為鮮味。這裡提中西式各一款湯，當晚西湯是羅宋湯，BeautySearch 當然揀選中湯啦！中湯是「猴頭菇煲雞湯」色澤清澈，而且鮮甜美味又唔油膩，平日缺少湯水的我當然最 Like！一心打算小吃一點肉，誰料這兒的補充得太快了，而且整晚不停填補，正當我打算拿一點沙律時，卻發現職員揣上「香草烤羊扒」，BeautySearch 不禁被烤羊獨有的香羶味吸引著... 結果，當然不令我失望，肉質嫩滑，香草的芳香令羊的羶味不至於太濃，恰到好處。有睇開我OP 的朋友，都知道 BeautySearch 是一名芝士控，早前爆受歡迎的芝士撻，我又怎會未嚐過！但是，往往要輪候多時才能購得的美食，早已大打折扣... 這夜大不同，BeautySearch可以親眼看著「軟心芝士撻」出爐！未進食已被濃濃的芝味吸引著，成品的撻皮非常香脆，而芝心就濃郁軟滑，非常 Creamy，水準甚高，加上撻面用了燕窩點綴，顯得份外矜貴，BeautySearch也不控制不了，一口氣吃了兩件呢！女士們永遠都像有第二個胃進食甜點，而這裡的甜點款式非常多，外表亦精緻，但是切割得太大件了，加上剛才吃了兩件芝味濃郁的「軟心芝士撻」，令BeautySearch 無法再吃了...結果，BeautySearch 只好選了一件「芒果拿破侖」，拿破侖表面，舖滿香甜的芒果肉，下層的酥皮非常鬆化，中間夾著柔滑的吉士，美味可口。最後，以一杯香滑的Blueberries & Cream Haagen Dazs 雪糕作結，真的超滿足！…查看更多