富園冰室

尋晚約咗幾個好耐冇見嘅中學同學，成班麻甩佬就決定去茶記或者冰室度食餐飯吹吓水。以前中學係馬鞍山，所以大家決定揀一間餐廳跟住馬鞍山。呢間餐廳環境其實唔錯，衛生方面亦都唔錯，員工亦有禮貌，但係呢間餐廳都冇想像中咁好食，失望為主😔富園冰室 (馬鞍山)馬鞍山保泰街16號We Go Mall地下G05舖冰鎮咕嚕肉 $158呢個冰鎮咕嚕肉，聽個名好似好巴閉，但係出到嚟嘅效果冇想像中咁勁。呢個咕嚕肉份量雖然好多，但係每一舊肉都做唔到外脆內軟嗰種口感，而冰鎮都只不過放啲冰係底，唔太明個效果想帶出咩口感，啲冰融左反而好影響個熱食口感😓。而且仲放左啲士多啤梨，爆珠係上面，唔講以為自己食緊甜品🫠椒鹽鮮魷 $85呢個椒鹽鮮魷同我所認識嘅椒鹽鮮魷有啲出入，外面嘅椒鹽鮮魷，炸粉會完全包裹魷魚。但係呢度嘅椒鹽魷魚炸粉同埋魷魚中間有空間，唔係完全包裹。所以都幾新奇。但質素就平平無奇，唔會特別深刻。雞煲(一隻) $298雞煲方面，店員好細心會幫我哋打理個雞煲，但係呢個雞煲食落嘅感覺唔似有一隻雞，配料仲多過隻雞，而且雞肉亦都偏老，無個種滑嫩嘅口感。真係有啲失色芝士蝦球焗伊麵 $98呢個芝士蝦球焗伊麵性價比最高，價錢相宜，而且份量十足，外相又吸引，重點係味道都唔錯。首先個伊麵係掛到芝士味，每啖麵都有芝士味同口感。而且配料亦都份量足夠，唔係得幾舊蝦仔，極力推薦👍🏻👍🏻安格斯牛肉粉絲煲 $128呢個粉絲煲都好出色，首先佢嘅牛肉唔係cheap嗰啲打邊爐牛肉，而真係選用安格斯牛，每塊牛肉油脂同肉平均分布，而且佢每一塊牛切得都好均勻。粉絲方面亦都煮得非常之軟熟，佢呢個汁同粉絲牛肉非常之夾，所以亦都強力推薦呢個菜式…查看更多

住馬鞍山既朋友強力推介富園冰室，係一間新式既冰室，一入到去就覺得樓底好高，裝條好有品味，坐位闊落，岩晒一家人或者同老友聚餐。打開餐牌，就會見到好多唔同菜式，有中西美食、打邊爐、雞煲、海鮮等等。我地今日預訂左海鮮餐，包括有豉椒炒蟶子、椒鹽賴尿蝦、姜葱粉絲肉蟹煲、冰鎮咕嚕肉，老闆仲送左個老火湯比我地，樣樣都好正，員工服務態度又好，今餐食得好滿足。䜴椒炒蟶子蟶子超大隻，足足有成半尺咁長，非常之新鮮，味甜肉厚，加豆䜴和青椒炒至剛剛好，非常夠鑊氣，離遠就聞到䜴椒味，蟶子吸收晒d汁，非常juicy！椒鹽賴尿蝦賴尿蝦中等size，用椒鹽方式泡制，有少少微辡，但係又唔會好似避風塘煮法咁遮蓋左海鮮本身既鮮味。賴尿蝦同樣地非常新鮮，啖啖肉，又甜又鮮美，我地連果堆椒鹽都唔放過，打包左拎返屋企餸麵姜葱粉絲肉蟹煲呢個姜葱粉絲肉蟹煲用了個大瓦煲盛放，一打開煲蓋我地不約而同地嘩左一聲，真係不得了，隻蟹勁大隻，一隻蟹已經夠我哋四個人share，部長話落左成斥葱去煮，好香好惹味！個蟹鉗成個拳頭咁大，見到一絲一絲既蟹肉，味道超鮮甜！食完蟹就食埋d粉絲，吸收晒香葱同肉蟹既精華，而且一d都唔會過咸，好味！冰鎮咕嚕肉最後出場既係冰鎮咕嚕肉，係呢度既招牌菜。咕嚕肉完全無骨，肥瘦均勻，酸酸甜甜非常開胃。部長話切成細件炸香會比大件好食d，仲教我地食之前係冰上look幾look，果然十分之脆口！…查看更多

今日和老婆往We Go Mall富園冰室食晚餐,冰鎮咕嚕肉, 脆皮鹹朱手、蒜蓉炒菜心和凍lemon tea。冰鎮咕嚕肉賣相吸引, 大大碟,色彩繽紛, 咕嚕肉食落香脆有肉味, 配上咕嚕肉汁食落開胃, 配菜有沙律菜, 蜜桃、藍莓、珍珠、波羅、紅椒和青椒, 沙律菜,紅椒和青椒食落新鮮爽口；蜜桃、藍莓和波羅食落甜度適中醒胃；而珍珠食落香甜, 整份冰鎮咕嚕肉賣相吸引, 份量十足, 食落開胃；脆皮鹹朱手食落香脆惹味, 朱手食落有油花、肥而不膩, 配上甜酸醬食落醒胃惹味, 個人認為如果朱手切得細件一點和去走筋位, 口感更佳；蒜蓉炒菜心新鮮爽口, 配上蒜蓉食落美味；最後凍Lemon Tea茶味香濃,Lemon 甜酸度適中；冰室食物美味, 賣相吸引, 有鑊氣,份量十足, 適合情侶和三五知己聚會好地方。…查看更多