佳佳甜品

佳佳甜品一直都係佐敦宵夜之選😎無論係平日定周末都係大排長龍但真係值得大家等🥹平民價錢食到高質中式傳統糖水(⁎⁍̴̛ᴗ⁍̴̛⁎)✿ 芝麻糊(熱) $27 ✿佢嘅芝麻糊係自家生磨 好幼滑味道好濃郁 唔會太甜☺️✿ 寧波薑汁湯圓(熱) $26 ✿呢個糖水薑汁味好濃 未必人人會啱🙈湯圓係寧波黑芝麻湯圓 糯米皮好煙韌包住流心嘅芝麻餡🤤一碗有8粒 份量好多✿ 冰花燉雞蛋(熱) $28 ✿必食嘅燉蛋 一定一定要叫熱😋一黎到就聞到好香蛋味🥚燉嘅時間啱啱好 好滑 冰糖啱啱好 唔會好甜甜而不膩 成為我係佳佳嘅新寵😍天氣開始轉涼🍂飯後食返碗熱辣辣嘅糖水真係好暖胃☺️大部分糖水都有得揀凍/熱 就算夏天食都無問題架…查看更多

喺附近食完晚飯， 七點左右，去到佳佳唔需要排隊就可以入座，好開心！冰花燉雞蛋我嘅另一半對燉蛋情有獨鍾但係佢當然嗌咗冰花燉雞蛋。我一開始仲笑佢，去到糖水舖唔食糖「水」，好似唔係好識食。點知，我試咗佢碗燉蛋一啖，即刻覺得自己失敬哂！！ 呢款燉蛋蛋質滑溜不在話下。最驚喜係一入口就聞到同食到好香濃嘅雞蛋味，即刻成為我喺佳佳嘅新寵！推介😋芋茸蓮子西米露正常發揮，水準之作。我鍾意食芋頭，所以選擇芋茸西米露。芋茸已經煮得好溶，糖水主要口感來自蓮子。蓮子夠硬身，有得咬下，喺棉密糖水入面好突出，咬住有種莫名嘅治癒感🥰好夾！…查看更多

📍#佳佳甜品#MFJ佐敦 #MFJ港式 #MFJ甜品 人均消費: HK28真係失禮，咁大個人都未食過佳佳甜品😂 米芝蓮推介，都要試吓嘅✌🏻🆗冰花燉雞蛋🥚$28基於本人不太好甜品，所以通常都係揀燉蛋/燉奶🤣 同平時食嘅好唔同，雖然食到蛋味，但味道好淡，而且燉蛋一啲都唔滑朋友們都揀咗食木瓜燉雪耳，佢哋就話好潤我另外都叫咗一碗芋蓉蓮子西米露同白竹薏米糖水比屋企人食，佢哋都覺得冇乜特別😅😅不過價錢非常合理，好耐冇食過咁平嘅糖水#mfoodjournal #instagfood #foodstagram #hkfoodstagram #foodie #hkfoodie #foodblogger #hkfoodblogger #foodblog #hkfoodblog #相機食先 #美食推介 #佐敦美食 #甜品 #chinesefood#chinesecuisine #dessert …查看更多

次次黎都見到好多人食，或者買外賣。好多大圓枱，多位，上菜速度都幾快架！價錢相宜，廿零蚊食到個中式甜品/糖水。.🔸白果薏米腐竹糖水($22)+湯圓(+$7/3pcs)分數: (8/10)糖水好濃郁，飲落好厚身，唔會過分甜，好足料，薏米白果煲到好稔，腐竹煲到溶落啲糖水。配湯圓幾夾，芝麻湯圓好滑。.🔸冰花燉雞蛋($24)分數: (6.9/10)不過不失，好香蛋味， 略嫌甜咗啲。.💈佐敦寧波街29號地舖.…查看更多

甜品既種類其實就唔係好多，基本上都係普通經典中式糖水。叫左兩款分別係芝麻糊拼杏仁霜同埋冰花燉雞蛋。冰花燉雞蛋呢個其實就即係冰糖燉雞蛋。食落口感好滑，凍冰冰咁好舒服。雞蛋食落好似食棉花糖咁入口即溶。雖然加左冰糖，但無好甜既感覺，係清甜既感覺。芝麻糊拼杏仁霜芝麻糊拼杏仁霜呢個食落杏仁霜既味道比較濃，芝麻糊比例就比較少。兩款食落都係好滑無渣。不過芝麻糊同出面既就唔同，係比較稀，似係飲咁感覺多過食。整體黎講都係幾好食，真材實料。…查看更多

堂食太多人等位啦，所以叫咗熱冰花燉雞蛋外賣返屋企慢慢嘆，外賣要加一蚊，包裝好嚴實一啲都唔hea 喎雖然有米芝連推介，但大部分糖水都係2X蚊，算係好經濟實惠。冰花燉雞蛋24蚊，質地滑嫩，蛋味好香，冰糖份量啱啱好，甜而不膩，十分推薦…查看更多

每日夜晚必定出現排隊嘅人龍，唔少香港人、甚至係遊客都慕名而來，為嘅係一碗堅持左四十多年嘅傳統味道。佳佳雖然裝修完之黎，價錢調升左，但價錢都係平均一碗大概$20多少少，唔算貴～燉蛋好嫩滑，而且好香蛋味，冰糖份量適中，入口甜而不膩。推👍🏻芋蓉口感好幼細，芋香濃郁；用左新鮮蓮子，清甜無苦澀味；西米粒煙韌有咬口。🤤其他甜品都一樣好出色，例如蕃薯糖水，蕃薯🍠大大件，老薑又香又辣，加$5仲可以有湯圓，冬天保暖必食！😋…查看更多

以前係佐敦附近返工，日日都有經過佳佳甜品，一直都想試下，但係自從拎左米芝蓮後就搬左唔就腳。今日終於有機會同老婆一嘗平民米芝蓮嘅味道啦!由於時間尚早, 8點半左右有位唔洗等! 餐牌就貼晒係牆上面，好快我地就揀咗兩款:冰花燉蛋(熱) - 不過不失!芋蓉蓮子西米露(熱) - 第一口冇乜特別, 但係質感好芋蓉嘅綿滑, 之後越食越有味! 認真, 呢個價錢唔會要求咁多, 但呢個糖水舖都有心機做出比原有價值更高嘅味道。…查看更多

老實講,平時你問我意見的話,我一定唔會食中式糖水,因為我覺得自己屋企都煮到, 不過呢晚幾個朋友堅持要食,仲話呢間好經典.我唯有就範呢度menu只有1張,一眼睇曬有o羊食,哎呀,全部我都唔鐘意食(我好偏食),逼於無奈下,我選擇左芋蓉蓮子西米露(我唔食蓮子的)再加多粒湯圓~呢度上台速度好快,眨眼已經一台糖水~先講下我碗野,雖然有我唔食的蓮子,但佢味道又唔算濃,而且好林,所以都幾好食,有芋頭gei存在令西米露好香~加埋煮到好透明gei西米露,成碗食碗好暖~重點係有咁多甜野落去都唔會太甜,意外地喜歡!唯一可惜係我加左的湯圓,原來係我好討厭gei黑芝麻糖水,純粹個人喜好,我覺得唔夾,但芝麻係香gei朋友叫左個濃薑番薯糖水大家都無expect佢味道如何,不過一到就聞到濃烈薑味,入口當然係薑味爆發啦~~D薑濃到連平時食開薑gei朋友都覺得好辣,如果唔食gei人就真係唔好試啦~不過佢D番薯又好甜好林所以容易咬,食完都幾飽~~木瓜燉雪耳D木瓜好甜好林,雪耳仲keep到爽口gei感覺,兩個字:好潤!由於我真係接受唔到杏仁露o個陣味,所以我一啖都無試過,不過朋友大讚杏仁好香好滑,俾好高分.我自己就強推冰花燉雞蛋,非常滑非常香,顏色好吸引,入口甜而不膩,一D都唔覺太多冰糖,食多碗都得!寧波薑汁湯丸其實同我加上去gei湯丸一樣,不過糖水底睇落好甜事實上唔算太甜呢點真係抵讚!…查看更多

食完飯之後行左一陣街,朋友就諗起好似差左少少野未做...係咩呢?就係飯後甜品,正餐一個胃,甜品一個胃喎...甜品就各式各樣,今晚經過一間佳佳甜品..望一望間野係賣傳統中式既糖水入到去坐底就大大個牌一眼望到有D咩可以食都係傳統既糖水...今日叫左補腦合桃露同冰花燉雞蛋我個補腦合桃露就要左熱既,食熱野對身體好一點我朋友就叫左凍冰花燉雞蛋因為天氣熱喎冰花燉雞蛋--朋友未食之前等我整一淡試一試個味如何個味都好重雞蛋味,甜甜地既蒸蛋不過都OK既補腦合桃露--合桃對身體好就一早知,所以好多時出去食甜品都會選擇黎食,補一補個腦..食落係點呢.個味唔算好濃,可以再香D既…查看更多