鮨鳶

入到餐廳，係居酒屋格局，唔似食Omakase，店員帶領推門入去間房先知另有洞天。標準日式佈局，一面長枱可坐10位客人，最多可有兩位師傅。當日叫咗他們嘅25品Omakase套餐，非常豐富，相當享受。++ 先付++◇ 宮城県生蠔宮城県產肥大厚嫩，新鮮冇腥味，佐以葱花同蘿蔔蓉，先拔頭籌++ 刺身 ++◇ 龍蝦刺身做刺身前，龍蝦仲周圍彈跳，非常新鮮，肉質結實彈牙，爽口鮮甜◇ 真鯛味道清淡鮮甜，肉質彈牙爽口，師傅特別強調魚皮係熟◇ 深海池魚腩魚腩部位魚油味更出，而肉質結實彈牙◇ 北海道象拔蚌肉質超爽口，新鮮程度仍覺海水味◇ 火炙金目鯛火槍焯燻燒後令魚油更出，用紫菜包住一齊食，鮮味更豐富++ 茶碗蒸 ++熱辣辣蛋香，加上滿滿蟹肉，仲有蟹籽，餡料豐富，係上佳茶碗蒸++ 煮物/炸物 ++◇ 吉列多春魚選用蘭王雞蛋調製嘅特色醬，蛋剛在全熟前嫩滑狀態，多春魚香脆，仲有魚子佈滿在上◇ 汁煮金目鯛 / 深海池魚熟食金目鯛同深海池魚，有另一番風味，面額位置，肉質特別嫩滑++ 壽司 ++◇ 帆立貝口感厚實爽口，肉質鮮甜◇ 深海池魚背部肉質地偏厚，但仍然鮮嫩肥美，油脂分外清香◇ 伊佐木伊佐木Isaki比較少見，最滋味在皮和肉中間嘅脂肪◇ 中拖羅油脂分佈多而平均，似半肥瘦有肉質咬口又會入口即溶◇ 赤身赤身泛指紅色肉質，吞拿魚背部魚味比較濃，因含脂量少，肉質比較結實有咬口◇ 鯖魚帶一點海水魚腥味，風味更特出◇ 大拖羅沖繩県產大拖羅，相當肥美，入口魚油湧出◇ 吞拿魚腩蓉將吞拿魚腩蓉混合黃蘿蔔，做法少見，味道清新，魚蓉嘅幼滑與黃蘿蔔爽口，口感豐富◇ 北海道海膽冇人能抵抗嘅海膽鮮味，入口即溶，用紫菜包住食，好正◇ 牡丹蝦配海膽師傅將海膽攪蓉，小心放在蝦上，蝦肉嘅爽口加上鮮甜嘅海膽，雙重味道雙重口感，係味蕾嘅享受++ 椀 ++◇ 龍蝦湯香濃龍蝦鮮味湯底，加入少見嘅飯粒，似中式湯飯，加入蛋漿滿滿蛋花，亦有葱花和紫菜碎，餡料豐富。◇ 素菜麵魚湯用紅蘿蔔同波菜製作嘅素菜麵，色彩繽紛，混在魚湯中，太美味了…查看更多

上會我就試過Kura Tobi既居酒屋料理，今次我只係需要轉個靚彎就黎到「鮨鳶」，其實只係入左佢呢間神秘房間，就會搖身一變主打江戶前Omakase。其實做人好簡單，唔洗諗得咁複雜，食物只要對得住價錢，間中食餐好少少，唔通我又會驚比連登仔批鬥咩？👇📌お任せコース25品 - $1680/1人前▪️ 先 付 -▫️ 前菜第一道先食個「沖繩水雲」先，同樣以日式髮菜再配搭酸汁同埋紫蘇花，賣相吸晴之餘，為之後既食材開一開胃先。「北海道白栗米」色澤望落青靚白淨，粟米粒粒均勻，入口完全無渣，質感清爽，帶少少甜香，幾特別。「汁煮鮟鱇魚肝」唯最後一個次序享用，入口果陣非常幼滑，夠哂creamy，即使唔太鍾意食內臟既朋友，完全無腥味，值得一試。▪️ 刺し身 -▫️ 開始進入「刺身六品」環節，先黎個「岩手縣廣田灣真蠔」，曾經榮獲日本第二屆鑑賞冠軍，亦姐係壽司界既最上鏡小姐，原隻上望落真係相當新鮮肥美，食落一樣唔差，口感夠creamy，味道鮮甜，唔錯。「北海道鮫蝶」亦姐係右口魚，師傅將佢分左一魚兩味，左邊係包住芽蔥同埋右口魚裙邊；而另一邊係包住小川赤海膽，兩者面頭灑上岩鹽同埋青檸汁，整體口感軟綿，油脂豐腴，加埋海膽將個味道提鮮得更高點！「北海道海膽豆腐」海膽入口即化，味道鮮甜，面頭蓋上甘海老，入口甘甜，面頭沾上本身甘蝦既蝦膏，濃香惹味，而底部尊菜好似食緊啫喱咁，口感好特別。「沙甸魚磯邊卷」裡面夾雜住紫蘇葉、芽蔥、黃蘿蔔同埋茗荷姐係薑花冧，沙甸魚口感爽脆，魚味突出，配菜完全發揮佢地作用，增加左魚肉既鮮甜度。「高知縣火炙大拖羅」熟成左3日，所以油份比較重，火炙後油香更加明顯， 入口即化，貿感香滑；而中間夾住中拖羅、紫蘇葉，魚味更顯濃郁，好食！「北海道毛蟹」師傅預先拆哂肉，見到一梳梳蟹肉，啖啖蟹肉相當清甜，配搭面頭既根室海膽，再用最中餅包住，好似burger一啖過，過足口癮呀！▪️ 茶碗蒸し -▫️ 食完刺身，抖抖先，整返個「茶碗蒸」就最好不過，一開蓋見到面頭滲上蟹籽、黑松露、同埋鳴門卷，蛋身夠滑溜，連埋黑松露一齊食，惹味感即刻提升唔少。▪️ にぎり -▫️ 終於輪到開始「壽司十款」之旅，第一道「北海道活北寄貝」口感很柔軟，擠少少青檸汁，搽上豉油，師傅強調食返本身食材原味，相當欣賞呢種唔花巧但講究既心思。「伊佐木」人稱雞魚，佢味道比較淡身，但入口爽嫩、鮮甜，肉質好有彈性，配搭醋漬飯就最岩。「油甘魚BB」師傅利用脫水紙技術熟成左4日，魚味濃郁左之外，反而比平時油甘魚無咁重油膩感，肉質偏向乾身d，口感更加爽彈。「皮剝魚」師傅用返皮剝魚本身既魚肝擺係面頭，魚肝用左鹽同埋酒醃製，鹹香份外突出，魚肉口感軟爽甜，煙韌彈牙，好食。「島根縣手釣池魚」池魚仲要手釣真係第一次試，肉身望落晶瑩通透，紋理清晰可見，比深海池魚更加鮮甜。「天草縣小肌魚」無論賣相定味道個感覺都好似秋刀魚，亦係江戶前壽司既代表食材，同樣只需用醋漬醃製，個魚香味道已經相當突出。「火炙鯖魚」一連四道火炙壽司，呢個鯖魚經醋漬過後先再燒，咁樣將鯖魚本身清淡既味道帶出更強烈既焦香，肉質同時亦變得腍滑，唔錯。「火炙吞拿魚面頰」亦姐係吞拿魚既面珠墩，賣相睇落真係幾似和牛咁，油脂香十足之外，肉質爽口有彈性，經火炙過完全無筋位，好滿足。「火炙吞拿魚腦天」屬於吞拿魚額頭上面既肉，個人認為係吞拿魚最好食既部分，尤其是用火槍燒過，將魚油香迫哂出黎，夠哂惹味。最後一道壽司「火炙紅瞳赤鯥」濃濃既油香充斥住味蕾，炙燒後肉質軟滑，師傅係面頭再放上「北海道吉田產白海膽」，簡直係十級誘惑。▪️ 季節の品 - ▫️ 完左壽司後，基本上都已經9成飽，但見到呢四樣野，胃口又開返出黎，呢個「橘子水產白海膽」當日贏得排名第14名，色澤望落比赤海膽偏淡身，入口比較清爽，同時口感真係好似食緊雪糕咁，完完全全融化我的心。「銀次郎白海膽」因為比較罕有，所以佢係屬於最貴既一種海膽，色澤望落鮮黃出眾，飽滿而挺身，食落佢既水份最高，味道最清甜。「澳洲黑邊鮑」用左8個鐘慢火熬煮而成，完完全全鎖住鮑魚體內水份，肉質更顯爽甜煙韌，師傅再係面頭拍打木之芽，將個香味迫出黎，幾有驚喜。「芝士龍蝦」龍蝦肉夠爽甜，就算配搭芝士都唔會太膩，旁邊仲有沙律菜做配搭，賣相吸引。▪️ 椀 -▪️ デザート -▫️ 食完哂熟食，去到尾聲整返碗熱辣辣既「麵豉湯」暖下胃，你都咪話唔爽，跟住甜品仲有「靜崗縣赤肉蜜瓜」同埋「宇治抹茶奶凍」。前者蜜瓜清新解膩，果種果香認真一絕；而後者由師傅自家製成，奶香十足，夠哂滑溜。整體呢餐用呢個價錢食到咁驚人既份量，性價比超哂班！…查看更多

為咗慶祝完成個project，本身之前嗰晚已經食完omakase，不過唔夠喉，要再慶祝，於是第二日再嚟食壽司lunch！仲要第2位半價，超抵食。一行入嚟，唔似食壽司嘅？原來推開另一度門，別有洞天！Hikari ($420)前菜係日本髮菜 - 水雲！加咗啲醋，好開胃魴鮄魚第一件係活喺深海底嘅魴鮄魚，油份唔算多，不過爽甜帆立貝加咗竹炭鹽嘅帆立貝，肉質一絲絲，好新鮮左口魚肉質爽口彈牙伊佐木口感腍身，上面加咗新鮮海藻，更加鮮味三文魚子唔會一味死鹹，反而有種鮮甜牡丹蝦加咗燒蝦膏，有啲焦香海鮮茶碗蒸加咗新鮮紫菜，有魚有冬菇，好香，食完成個口都係冬菇味 金扇鯛繼續食壽司，真係好靚呀，魚皮呈金黃色㗎！深海池魚肥美鮮嫩，脂質夠多又勁油香中拖羅入口即溶，油分適中又無筋鰆魚口感細膩、輕輕燒過嘅魚皮脆脆燒鰈魚魚邊超級多油，正呀！海膽好多塊海膽手卷最後仲有一件手卷舞茸菇湯好清但菇味濃郁嘅湯綠茶奶凍入面對有一粒日本黑豆，奶味好重第二位半價真係超級抵食，不過座位好少，要一早訂位…查看更多