Wine & Dine 2020预告 免费网上学品酒 精选品酒套装率先睇
2020-11-19

年度盛事香港美酒佳肴巡礼,因应疫情关系,今年转个形式,改为「线上+线下」进行,更由以往嘅4日延长至5个星期!参与活动嘅餐厅有超过500间,酒商亦有过百间,除咗可以预早买定各式品酒套餐或美食外,更可以免费参加网上大师班,学品酒、学烹饪。

OpenRice作为官方媒体伙伴,当然会为大家预告同精选一啲重点活动啦。先介绍今年新增嘅「网上品酒大师班」啦。18个品酒班中,无论系葡萄酒、清酒、威士忌、毡酒定本地手工啤酒等都有涵盖到,绝对照顾到各个酒迷嘅需要。由11月21日起连续三个礼拜六、日都有堂上,费用全免仲可以随时重温添,拣啱边堂就可以喺11月11日起开始报名。有部分网上学堂更设有品酒套装可以预订添,咁就可以一路上堂一路实战品嚐喇。每堂头50个订嘅仲有得免运费!即刻睇下有咩精选课堂啦~

 波尔多新风- 品酒套装

主题:波尔多新风
讲者:James Suckling (世界葡萄酒评论家)
日期及时间:11月21日,2pm-2:30pm

葡萄酒嘅世界多姿多彩,唔同产区、唔同品种嘅葡萄,酿出嚟嘅酒都各有特色。而呢个网上大师班就将会主力介绍法国最着名嘅葡萄酒产区——波尔多,CP值较高嘅葡萄酒。单系波尔多内嘅酒庄或生产商,都已经超过8000间,要喺当中精挑细选都唔容易,酒迷要趁今次机会,用半个钟速成一下啦!

想喺直播时可以同大师同步体验嘅,就要预早买定品酒套装喇,包括:带有青柠、青芒果、柠檬同矿物等味嘅Le Blanc Sec de Suduiraut Bordeaux Blanc 2019、呈桃红色,味道清新又有微微艰涩嘅Chateau Giscours Bordeaux Le Rose de Giscours 2019同埋果味浓郁嘅Chateau Le Rey Castillon Cotes de Bordeaux Les Argileuses 2019。三款酒喺JS评分中都高过90分架!

 hEROES联合创办人及首席酿酒师,黄思伟 (Chris )

主题:手工啤酒配对便利店小食
讲者:黄思伟 (hEROES Beer Co.联合创办人及首席酿酒师)
日期及时间:12月5日,4:45pm-5:15pm

本地手工啤酒嘅发展同变化愈嚟愈多,唔同美食同啤酒嘅配搭亦出现更多嘅可能性。不过如果讲到啤酒嘅最佳拍档,非零食莫属,特别系夜晚喺屋企睇波睇戏嘅时候就最夹啦。之但系,唔同款式嘅啤酒配咩零食会最match呢?呢个网上大师班就会有专人同大家分享喇,除咗一齐玩pairing之外,仲会讲下一啲啤酒配搭食物嘅基本知识,同埋本身点样品嚐啤酒嘅心得。

啤迷坐定定等直播之前,最好梗系买定set酒喺屋企,到时边听边食边饮啦。hEROES嘅品酒套装都好丰富,一set有齐晒三款零食同三款啤酒,包括瑞士糖、鳕鱼丝、缤纷乐;有咖啡味嘅波特酒Hunk Sir、由鸡尾酒触发灵感嘅菠萝味啤酒Wingman,同埋最近新推出,同Honbo合作嘅柠檬奶昔味啤酒,另外会有多只酒杯同埋hEROES网店现金券呢!

主题:当Johnnie Walker遇上咖啡的调配美学
讲者:黎振南(Quinary’s 调酒师)、蓝永发(Omotesando Koffee and Koffee Mameya Hong Kong 首席咖啡师)
日期及时间:12月6日,3:15pm – 4:00pm

威士忌同咖啡,两者一向都被视为生活品味嘅象徵,对於原材料嘅产地、烘焙/蒸馏技术都相当讲究,如果将两者融合,相信呢个搭配一定好有魅力。今次就请嚟世界级调酒师Antonio Lai 同专业咖啡师蓝永发合讲一堂网上大师班, Antonio系香港多间着名酒吧嘅创办人,擅长多重感官调酒术;而蓝永发则曾喺多次世界性咖啡调酒比赛中获奬,近年致力研究咖啡同调酒嘅配方。佢哋将会同大家分享咖啡、威士忌可以点样调和,将两者进一步昇华。

有兴趣嘅酒迷同啡迷,建议可以尽早买定set品酒套装参与体验,套装包括:喺苏格兰各产区、超过40种熟成12年以上嘅威士忌调配而成嘅Johnnie Walker 黑牌、顶级珍酿Johnnie Walker 蓝牌、Johnnie Walker 调酒工具套装 、咖啡冲配套装 、同埋3包单一产地咖啡豆及综合咖啡豆 。有齐套装,上完今次呢堂之後,自己都可以继续实习呢~



香港美酒佳肴巡礼
日期:11月11日至12月15日
网址 (按此)


文:Kar
相:Tom Li


关键字
Wine & Dine
香港美酒佳肴巡礼
啤酒
手工啤酒
精酿啤酒
葡萄酒
开饭专题
开饭仔为你提供各类型最新饮食情报及优惠,全面照顾你的饮食喜好。
本月热门
【随时更新】零食速报 每周新款零食、酒品点评
2天前
优雅小聚 11月下午茶推介
2020-11-03
【订座感谢祭】 快闪$20餐饮券第八弹 激抵烧烤优惠
2020-11-06
桔梗姐妹店进驻牛头角 8,700尺自设炒豆房及饼房 手冲咖啡配轻食
2020-11-02
Wine & Dine 2020预告 免费网上学品酒 精选品酒套装率先睇
2020-11-19