Wine & Dine 2017现场直击 靓酒美食速报
2017-10-26

建行(亚洲)香港美酒佳肴巡礼(Hong Kong Wine & Dine Festival)今日正式开锣啦!OpenRice系大会网上媒体夥伴,一早已经去到会场为大家作第一身直击报导!事不宜迟,立即update吓今年嘅情况先。

早前大会公布原定户外只可用塑胶杯,不过最新安排系全场无论系户外或者室内,一律都可以用玻璃酒杯,品酒自然更加好啦!而所有塑胶杯、酒樽、废纸、厨余等,都会回收并循环再造,符合环保原则。即使用胶杯饮酒,都可请参展商清洗一下,唔好掉咗佢用第二只咁浪费呀。

主舞台呢边,会有世界调酒师冠军做花式调酒表演。

好,立即带大家行返个圈先。今年总共有400个摊位,同去年相约,美酒占300个,其余就系美食摊位。五大美酒展区,包括新增嘅Robert Parker Wine Advocate Pavilion及气泡盛荟,另亦有国家展区、尊尚美酒区及专业交流地带。美食展区就新增「拍住赏」食饱里,同埋一向好受欢迎嘅酒店美馔。

饮酒前不如食定嘢打个底先,一入到「拍住赏」食饱里,就有一张电子消费卡,食匀晒最後先至埋单,非常方便。

参展餐厅有城中十间人气食肆,包括由厨魔主理嘅米芝莲三星餐厅Bo Innovation,仲有法国菜A La Maison XXL、BLUE Butcher、日本南美菜DJAPA及韩国料理Jinjuu等。

摊位:F08 酒锅 X 礼宾傅

酒锅同礼宾傅今年联乘,为WINE & DINE 一同制作4款轻食,有(左)手撕鸡肉酥饼、(右)蟹皇海鲜酥饼及(下)酒醉安格斯柳粒。


一手可以食牛柳粒兼饮嘢解渴,非常方便。

较有特色嘅系呢个酒锅烫,客人可从沙嗲、麻辣、黑松露杂菌等酱料拣选一款,并选择想食牛肉/羊肉串,就可以食到一杯五串嘅酒锅烫,当中仲有只造型好cute嘅鸡仔串添!

摊位:F10 Bo Innovation X Bib n Hops

由「厨魔」梁经伦主理嘅新派分子料理餐厅亦供应4款美食,分别有:分子小笼包($50/1件、$80/2件)、上海葱油饼鸡蛋仔($50/份、$80/2份)、烤牛肉牛油果莎莎汉堡($120)及韩式迷你拌饭($80)。

分子小笼包造型非常特别,劲「蛋黄」。

葱油饼鸡蛋仔,究竟系咩味?鸡蛋仔好有葱香,而且睇真啲,鸡蛋仔入面都有几多葱粒喎!

配搭呢支来自澳洲嘅Chalk Hill Vermentino白酒口感更佳,喺Wine Australia区都有得卖架!

烤牛肉牛油果莎莎汉堡、韩式迷你拌饭都系饱肚之选。

摊位:F02 JINJUU

左起:秘制香辣泡菜冷面(无汤)($80)、韩式辣酱鸡翼($50)、酱烧牛肉(无骨)($150)、抹茶柚子提拉米苏($50)。

摊位:F03 PORTERHOUSE

Porterhouse供应有香辣豚肉汉堡($80)、极浓芝士通心粉($100)、清新藜麦沙律($50)以及牛肋条($50) 4款小食。将热得半融嘅芝士淋落通心粉上面,视觉效果一流,食落又够「芝」味!

清新藜麦沙律,味道清新。

摊位:F09 Cassio

西班牙菜餐厅Cassio就制作分量细嘅主食,有(左)加泰罗尼亚式肉丸($120)、(右)芒果蛋糕($50)、薄切八爪鱼配烟燻薯蓉及红椒油($80)、迷你西班牙辣肉胶热狗($100)、、及黑松露菌、夏南瓜及西班牙乳酪三文治($80)。

打重点!必试美酒、小食档!

摊位:C406-C407 SANRIO X LE VIN MIGNON   所需品酒券:1

今年SANRIO亦出咗Hello Kitty玫瑰气酒。酒樽上有个Kitty蝴蝶结,好靓!原价有$328/支,会场而家做$270咋!Kitty迷一定要收藏呀!

除咗Hello Kitty,仲有Little Twin Stars、My Melody!My Melody嗰支系Bordeaux Tradition Rouge 2010 红酒,配牛肉、羊肉等红肉就最夹;至於Little Twin Stars嘅系Bordeaux Superieur Blanc 2011,主要配搭海鲜、白肉、芝士及水果。

Hello Kitty公仔亦有现身撑场!

唔好miss咗呢个影相位呀!

摊位:B221 梦幻银河酒   所需品酒券:1

上年好hit嘅星空酒系列,今年再有新成员──橙色银河酒,味道有啲似桃味,酸酸甜甜。凡试饮橙色银河酒仲可以免费试食西班牙黑毛猪添!

黑毛猪即切即食,咸香味十足。

摊位:B409 帝景酒店

帝景今年继续炮制好多小食,当中最吸引嘅有(左)黑松露芝士烤珍宝菇现香脆帕尔马火腿($50)、(右)香煎法国鹅肝多士配意大利黑醋汁($50)。

摊位:B408 帝都酒店

至於旁边嘅姊妹酒店帝都,就以海鲜为主,例如黄金龙虾钳。

仲有香煎松叶蟹棒,好有鲜味。

摊位:B407 帝京酒店

唔少得帝京酒店啦,有(左)迷迭香烧羊扒、(右)盐烧大虾皇。

金蒜梅酒焗北海道帆立贝,微酸嘅梅酒令帆立贝肉更有鲜味,配埋重口味嘅金蒜,正呀!

韩式炸鸡件,快靓正。

摊位:C204-C207 BAILEYS' Ice Cream and Coffee Station   所需品酒券:1/2/3

女生锺意饮嘅Baileys亦有摆booth,想饮Baileys on the Rock,只需品酒券1张就饮到,或者可以用2张品酒券品嚐Baileys Nitro Coffee,,不过开饭仔就推介需要用到3张品酒券嘅Baileys雪糕,先拣夏威夷果仁或曲奇忌廉口味,再拣番心水Baileys口味,有朱古力或咖啡味!

摊位:B613 城市花园酒店

避风塘风味嘅猪手,好想食呀!($80/半只)

芒萨龙虾冻($40/件)、桂花珍珠露($30/份),都几有特色。

摊位:B338 就是烤菇

大啡菇热潮依然未退,呢个烤菇店设有5款口味,下面仲有少少薯蓉添,有蒜蓉芝士带子烤菇配薯蓉($60)、白汁蚬肉薯蓉烤菇($50)等。

斋睇呢个画面都好想食呀!

摊位:C004 Hitachino HK Trading Limited   所需品酒券:5

从日本到港嘅常陆野猫头鹰手工啤,麦味重兼酒花香。你可以用5张品酒券拎走两支,或者畀$50,一样可以带佢哋番屋企架!

摊位:C202 Heroes   所需品酒券:3

场内都有手工啤酒架,呢款Hygge Bros入口甘香,值得一试。

摊位:B610-B611 SKYE天台酒吧及餐厅 / EBB & FLOW 大堂酒廊

呢边有无得输嘅甜品──法式薄饼,香脆又多料。设两款口味,分别为(左)士多啤梨法式薄饼($60)、(右)香蕉曲奇法式薄饼($60)。

松露爆谷($40),又一新颖小食,松露味几香!

摊位:C306 酒魂株式会社   所需品酒券:3

今年首推嘅山梨县「七贤」杜ノ奏气泡清酒,带有呍呢嗱、枫糖及木桶香,易入口,气泡亦较为绵密啲,限量1,500支。现场即买为$880/枝,唔知味道系点,不妨用3个品酒券试饮下先啦!

今年新增!生活品味馆

新增设嘅生活品味馆主要售卖生活用品,例如有Marimekko围裙、厨具、餐具等。

而门口亦设即场冲制嘅cocktails bar,饮品有(左) Passioned Green Tea,以绿茶、热情果及vodka 调成;(右) Espresso G&T,用Espresso,gin酒及tonic调成,口味独特!要注意,品酒券不适用於生活品味馆呀!

快速睇!各个酒区之最!

摊位:A706-A707优级波尔多  所需品酒券:2

今年国家酒区特别新增波尔多展区,有大量优质红白酒、甜酒首次来港。左边系Chateau Castagnac嘅Cuvee Raphael,系酒庄主人以儿子命名,酒标上面系一幅可爱漫画,获得洛杉矶国际酒评会波尔多金奖。右边嘅SICHEL易饮亦可以陈年,当地代表极力推介,一个token已可试到。

摊位:G13 Wine's Link Ltd  所需品酒券:8

至於喺尊尚名酒区,有获得葡萄酒评家Robert Parker评选为100分嘅红酒Chateau Pavie,呢支上为2005年最佳波尔多酒之一,口感圆润丰厚,一支卖$4,280!

而且,今年亦有另一位知名酒评家James Suckling评选嘅顶级佳酿。


摊位:G17-G20 JamesSuckling.com  所需品酒券:3

三款得到James Suckling评为100分嘅美酒,包括左起智利Clos Apalta Valle de Colchagua 2014、意大利Valdicava Brunello di Montalcino Madoona del Piano Riserva 2010及智利Sena Valle de Aconcagua 2015。

摊位:B219 Alarcon V Ltd  所需品酒券:1

今年新增嘅气泡盛荟区,有好多卖相特别又eye-catching嘅sparkling wine,例如呢个德国Ice Cat系列,有三种唔同口味,香甜而且非常易入口。

摊位:B507 酒窝

巴塞隆拿官方西班牙cava酒,酒套颜色用上西班牙热情颜色,内里嘅cava酒就呈金黄琥珀色,带浓郁苹果香,好清新,雪冻再饮更好味!得返最後几支,球迷要买来储呀!

摊位:G06 Amorous Wines

最後压轴出场嘅,就系呢支全球只有5支、成1.5L重嘅Chateau Beychevelle Grand Vin 2012,好犀利!价钱亦非常有分量,成$400,000/支!

场内亦有多达100名制服工作人员站岗及巡逻,路面舖上人造草或地垫,亦加强照明,令场地更加安全。


建行(亚洲)香港美酒佳肴巡礼Wine and Dine 2017

举行地点:中环海滨活动空间

日期: 10月26日至29日(星期四至日)

10 月26 日 7:30 pm - 11:30pm

10 月27 日 12nn - 11:30pm

10 月28 日 12nn - 11:30pm

10 月29 日 12nn - 10pm 

最後入场及售票时间: 活动结束前半小时


门票资料:

入场券:成人港币$30、65岁或以上长者、3至12岁儿童、全日制学生及残疾人士港币$15

凡在会场以外的销售地点预先购买品酒证,可免费入场

入门品酒证:「品酒券」5张及塑料酒杯1只( $100)

标准品酒证:「品酒券」8张及Stölzle纪念酒杯1只及塑胶杯1只($200)

尊尚品酒证:「品酒券」20张、Riedel纪念酒杯1只及塑胶杯1只($600)


网站:http://www.discoverhongkong.com/tc/winedinefestival/index.html

            https://www.openrice.com/info/hkwineanddine2017/

关键字
Wine & Dine
香港美酒佳肴巡礼
饮食潮流
开饭仔为大家发掘香港这个美食之都的最新美食资讯,分享饮食潮流文化。
本月热门
【随时更新】零食速报 每周新款零食、酒品点评
3天前
全城抗炎! 5间酒店自助餐转型 任点任食海鲜/主食/甜品 变阵保卫生
2020-03-17
【特约分享】超抵外卖陪你抗疫 即睇将军澳饮食地图!
2020-03-10
【随时更新】最後倒数!即将结业的老字号及人气小店
5天前
【随时更新】全城抗炎!多间集团餐厅及老字号宣布 暂停晚巿或休业 (内附名单)
3天前