喺开中环搵食嘅朋友应该都对呢间已经开业十五年嘅人气意大利餐厅唔陌生，最近餐厅请咗意籍大厨 Alessandro Tonin担任行政总厨， Alessandro Tonin系土生土长嘅米兰人，曾於意大利多个城市当厨，亦先後於东京、伦敦、上海等城市工作，特别擅长烹调地中海海鲜菜式。今次亦为餐厅设计咗全新Menu，包括超巨型嘅海鲜盘及斧头扒等，啱晒一众海鲜控及食肉兽。
炭烤精选海鲜拼盘($888)
海鲜拼盘集合多款海鲜，包括烤龙虾、螯虾、北海道带子、大西洋虾及鱿鱼仔，每款海鲜都烤得啱啱好，睇得出大厨功架！烤龙虾超大只，肉质鲜甜，仲好多虾膏。而且呢个海鲜拼盘够晒巨型，最啱就系同朋友分享！
澳洲谷饲带骨和牛斧头扒
牛魔王心心眼未呢？呢个斧头扒用咗西班牙国宝级烤炉 Josper Grill烤制，加入新鲜迷迭香、黑胡椒粒等，肉质烤至微微粉红色，入口充满炭香。而且份量一样咁巨型！
西西里红虾配自家制幼意粉($328)
传统大虾意粉嘅升级版，选用西西里红虾，虾味好重！而自家制幼意粉亦充满蛋香，吸收晒红虾鲜味，入口有甘浓虾香。
Campagnola 薄饼($198)
薄饼即叫即烤，Campagnola 薄饼加入薯仔、意式烟肉、迷迭香及水牛芝士，材料简单，但味道咸香有惊喜。
炭烤巨型八爪鱼须($268)
经典地中海菜式，八爪鱼口感软腍，配上红灯笼椒酱就更惹味。
地址: 中环港景街1号国际金融中心2楼2075号舖
文、相、片: Yanica