8月份好评餐厅十强
2021-09-08

睇嚟肉食兽喺8月份都几勤力出动,十强入面有近半都系以烧肉或肉扒、汉堡等作主打嘅餐厅。放题餐厅得到榜首位置并唔意外,但有间古早蛋糕小店上榜,都几有惊喜呢。

第10位  我爱慢煮(*新上榜)  

 图:foodie illustratorlan g

众所周知,慢煮可以尽量保持食物嘅原汁原味。呢间主打慢煮嘅餐厅,就完全做到慢煮嘅精髓,慢煮红酒香草羊後膝肉质软腍重好有肉汁,法式油封鸭髀亦满满油香。

订座优惠:每枱可获赠Haagen-Dazs雪糕一杯 (100ml)

第9位  肉肉强食 by 锋膳(*新上榜)

 图:tracy19950103JamesSkiSnowboard

要打入十强,通常一系就好食,一系就好靓,再唔系就好平。呢间长沙湾嘅港式扒房,绝对系平价嘅代表。廿蚊一客铁板宫崎吉烈猪柳!每日限定50份,虽然卖得平但用料绝对唔曳,猪柳爽滑,肉味突出。而西冷牛扒都只系$88,够晒抵食。

第8位  B.O.T.H. by Texas Burger    

 图:kyanxxeggiepiggy

荃湾呢间汉堡店,环境甚chill,落地大玻璃窗透进阳光,感觉开扬光猛。招牌菜当然要试德州手工汉堡,肉堡juicy厚身,包面微脆松软。而烧骨髓牛肉芝士汉堡更系呢度嘅限定菜式,每日限量供应,一啖油香一啖肉香,配埋特制威士忌烟肉洋葱果酱就更惹味,难怪吸引咁多汉堡控嚟支持。

订座优惠:9折 (每人消费满HK$80)

第7位  济洲烧肉食堂  

 图:Wincyholicchow928

几乎每个月都会有烧肉餐厅入围十强,可见香港人对烧肉嘅热爱程度。今次呢间烧肉店再度上榜,相信佢哋嘅海景view绝对为佢哋赢得唔少分数。另外餐厅供应高质素烧肉,款式又多,想要肉味浓定油花香等嘅肉都有得拣。懒得拣就拣济州烧肉套餐,各款牛、猪、海鲜都可试匀。

第6位 囍源古早蛋糕(*新上榜) 

 图:Voraciousgodfreyheacook

首次上榜嘅呢间古早蛋糕店,标榜正宗古早蛋糕做法,以水浴法制作,每日低温烘焙,而且少油低糖,口味多多,例如特级肮脏朱古力、芋泥、金枕头等味都有。最特别嘅重有双层蛋糕,口感依然松软,蛋香十足,好多客人食过都会翻转头呢。

第5位  HIKARI(*新上榜)   

 图:ki918hilda gunso

Hikari喺日文有「光」嘅意思,楼高两层嘅呢间café,的确几光猛,上层感觉重好chill𠻹。主打嘅吐司有分荞麦酸种面包同五谷酸种面包,客人可按个人喜好选择,再自行选配心水酱汁同材料,蒜香蛋黄酱、鸡胸、菠菜等都有得拣。难怪新开业冇耐已经吸引到唔少café控专诚去打卡同拜访。

订座优惠:全单9折

第4位  韩屋

 图:bellofoodvickykakaka

由韩国人大厨主理嘅韩式料理,当然有最地道嘅韩国风味。餐厅标榜无味精亦无防腐剂,主打各样韩国家常便菜。去到必饮养生热汤,例如雪浓汤同蔘鸡汤。前者即系牛肉汤,肉味香浓;後者相当足料,既有蔘片,更有酿入糯米嘅原只鸡,味道甘甜。

第3位  薄饼怪兽(*新上榜)

 图:CrazyFrancesChang士多啤梨大作战

自从屯马线开通後,多咗人认识土瓜湾一带嘅餐厅。好似呢间以自家制薄饼作招徕嘅小店,今个月更首登十强三甲位置。佢哋嘅薄饼最特别就系制作成心形(每日限量供应),边皮香脆,即使系厚批都脆卜卜。最多人拣嘅就系怪兽多宝,咩料都有啲,感觉丰富。另外亦有炸鸡同意粉等选择。

第2位  Mo Mo Kushiage(*新上榜) 

 图:花生mamaJeremyB777

呢间关西风串扬专门店,由超过10年日本料理经验嘅总厨主理,供应肉类、海鲜同时令蔬菜等串扬,配搭自家制酱汁。八成材料均由日本新鲜直送,即叫即炸,格外脆口。特别推介虾饼三文鱼子,虾饼嘅鲜甜加埋三文子鱼嘅咸鲜,使鲜味爆发。

第1位 牛之锅(*新上榜) 

 图:yyc1014justforshan

放题几时都系香港人嘅至爱,今次榜首位置系属於呢间位於铜锣湾嘅放题餐厅。两小时内可以任食日本料理同打边炉,一人一锅又得,一班人一大锅又得,灵活度高。而比起一般放题餐厅更得人欢心嘅系,呢度特别多甜品选择,而且样样吸引,包括日式宇治抹茶芭菲、雪糕刨冰、芝士蛋糕、榴槤班戟、杨枝甘露、泰式芒果糯米饭等。

餐饮券:早鸟及猫头鹰时段优惠放题 丰盛高质日式料理 火锅甜品放题 (2小时)(铜锣湾店)


文:Kar

关键字
十强名单
好评十强
报榜
铜锣湾
土瓜湾
放题
开饭专题
开饭仔为你提供各类型最新饮食情报及优惠,全面照顾你的饮食喜好。
餐厅资料
更多
收起
本月热门
【2021生日优惠】持续更新!10月寿星半价叹自助晚餐/免费放题
2021-09-30
【随时更新】零食速报 每周新款零食、酒品点评
3天前
4间大闸蟹食店集合!米芝莲食府大闸蟹宴+最平$368任食大闸蟹
2021-10-06
9月份好评餐厅十强
2021-10-08
初秋甜蜜蜜!10月份下午茶提案
2021-10-07