8月份好评餐厅十强
2020-09-09

喺禁晚巿堂食同二人限聚令下嘅8月,餐饮业界继续苦苦坚持,香港人嘅用餐习惯亦要有所改变。以下嘅餐厅能够跑入十强,绝对唔容易,当中有唔少都系茶饮或轻食店呢。

第10位  Twist & Buckle Churros Specialists (*新上榜)

 图:hnhnfoodieKellyC.

呢间啱啱先开业嘅Churro专门店,立马就喺十强榜内占一席位,可以见到香港人对churros嘅热爱程度有几高。冇计啦,香港一嚟本身好少churros专门店(以前有过又执咗),二嚟又冇得飞,所以好多朋友仔知道有新嘅正宗churro店开业就好兴奋啦。加上佢哋嘅churros全部都整得好靓,又有色彩缤纷嘅糖衣又配雪糕咁,系吸引嘅。

第9位   Superhooman (*新上榜)

 图:foodie_bunnychau fanny

同样都系新开业冇耐就上榜嘅餐厅,以pet friendly作招徕,吸引到一众毛孩主人带埋毛孩去朝圣。呢度嘅甜品绝对系打卡之选,特别推介松软小班戟配山楂士多啤梨汁及雪糕,pancake松软,整体酸酸甜甜,冷热交融。

第8位    Nuttea (*新上榜)

 图:chillwithpolafhoikiwong522

以腰果、核桃、杏仁、榛果、 夏威夷果5种坚果,配搭台湾红玉红茶制成嘅坚果茶,健康得嚟又好饮,啖啖都系浓郁嘅坚果香,最紧要系唔使怕肥。紫红色嘅缤纷火龙果奶盖茶 相当受女生欢迎,咸咸甜甜嘅奶盖够晒creamy,火龙果汁又清甜,清新解渴。

第7位  蕃茄仔   (*新上榜)

 图:silverthoughtsGWlovefood

香港有唔少蕃茄控,呢间以蕃茄汤做主打嘅餐厅就啱晒佢哋。制作充满诚意,蕃茄味浓香得嚟,仲要可以食到粒粒蕃茄蓉,就连冷面都有蕃茄汤底呢。配料有约十款选择,包括安格斯牛肩胛、烤厚鳗鱼等。

第6位   汴京茶寮 (*新上榜)

 图:soya1314igfoodtaste

起源於澳门,占地2000尺嘅茶室,空间宽厂,好适合各位茶迷去享受慢活嘅叹茶时光。主打多款日本、中国茶,当中部分更系同当地茶农独家合作嘅茶饮!另外特浓抹茶雪糕茶味浓郁,回甘突出,深得抹茶控欢心。和菓子仲要超靓,由日本职人手工制作,微甜配茶一流。

第5位    HAND3AG

 图:fattyfoodie.kJohnnakawai

隔咗一个月再度上榜嘅铁板三文治店,每款三文治嘅配搭都充满新鲜感同创意。有啲会夹住拉面同叉烧,可以拎住嚟食嘅拉面感觉都几得意。挂住旅行感觉嘅话可以试早安西西里铁板三文治,馅料充满西西里岛特色,有甜酸烩菜、厚烧蔬菜奄列、马苏里拉芝士等,酸甜开胃。

第4位   古早牛肉面

 图:sweetiepeachhilda gunso

 呢度嘅红烧牛肉面个汤底,用成80斤牛骨同蔬菜熬成,肉味当然香啦,仲有淡淡嘅药膳味道,层次丰富。面条烟靭弹牙,挂汤力高。锺意香口嘢嘅话实会锺意盐酥鸡扒肉燥便当,大大块鸡扒,外脆内嫩,阵阵咸香,好惹味。

第3位   Boholic (*新上榜) 

 图:food.chroniclenoknokyuen

长沙湾一带近年多咗好多文青café,呢间就行波希米亚风嘅,主打多国菜。餐牌选择丰富,咩都想食啲又唔想谂嘅话,叫个小食拼盘就啱晒,mini burger又有,炸鱼、薯条、鸡翼等全部都有,一次过满足几个愿望。

订座优惠:消费满$300全单85折

第2位  SuperNormal   

 图:A homemade foodie波子V V

去到呢间位於九龙湾嘅酒吧餐厅,招牌麦啤脆皮德国咸猪手系必食item,猪手用啤酒浸过再焗,再喺面头喷多层麦啤,又香又脆,记得要点埋柚子酱食,精髓嚟。就算外卖走都无损佢嘅惹味程度。另外推介香煎鹅肝露笋牛肝菌意大利饭,满口脂香。

第1位   阿木台湾面  

 图:mylittlegourmandleetszhin

系台湾嘅味道呀!呢间由台湾人主理嘅正宗台湾菜餐厅,已经系第3次上榜喇,仲坐埋榜首添。无论咩时间想去食,门口都会有条人龙喺度嘅就知佢有几受欢迎。面条每日手工制作,弹牙爽口,汤底用牛骨牛肉同药材等熬成廿个钟,梗系入味啦,所以红烧牛肉牛筋面绝对系必食。另外芝士肉松蛋饼都混合咗两种鸡蛋去制作,即叫即做,蛋香味浓。


文:Kar

关键字
十强
十强名单
报榜
旺角
台湾菜
九龙湾
长沙湾
开饭专题
开饭仔为你提供各类型最新饮食情报及优惠,全面照顾你的饮食喜好。
餐厅资料
更多
收起
本月热门
【随时更新】零食速报 每周新款零食、酒品点评
2020-09-11
全城抗炎!屋企都叹到三层架下午茶 Tea Set外送/外卖自取推介
4天前
悠闲时光 9月份下午茶推介
2020-09-02
【9月生日优惠】最低至半价!生日平食放题.韩式炸鸡
2020-09-02
Stephy新开茶饮店 台湾回流 期间限定 联乘Snoopy推棉花糖朱古力特饮
2020-09-11