5大黑芝麻甜品推介黑芝麻抹茶挞、渐层黑芝麻蛋糕

唔少人都对黑芝麻情有独锺，将佢加入甜品度简直系perfect match！今期介绍5款喺香港几高质素嘅黑芝麻甜品畀大家，甜品控仲唔快啲bookmark～

渐层黑芝麻蛋糕一草一木

深水埗一间好有空间感嘅cafe，更会播放大自然轻音乐，感觉舒服恬静。招牌无常即系黑芝麻蛋糕，用唔同嘅忌廉同比例制成呢个好吸睛嘅六层黑芝麻蛋糕，白色部分有忌廉嘅奶香，黑色就有香浓嘅黑芝麻香气，每一啖都有唔同嘅味道，而且甜度啱啱好，最底仲有加入黑、白芝麻嘅芝麻脆脆，口感又再丰富啲。

已经有接近30年历史嘅甜品店，系港岛区嘅人气之选～呢度嘅甜品结合传统同创新，好似黑芝麻布甸咁，结合咗中式食材同西式制法，口味方面奶味唔重反而黑芝麻味好突出，面层仲会加多一层芝麻糊，浓郁程度再次昇华。

主打法式甜挞嘅甜品店，唔少人都系特登为咗个黑芝麻抹茶挞而去㗎。上层正方形嘅抹茶慕丝软滑细腻，茶味甘香醇厚，食完後香气於舌尖上挥之不去。底层嘅黑芝麻慕丝味道同样浓厚突出，同抹茶互相辉映，而挞底略带可可甘苦，可以中和返甜度。

有时简单就是最好的。呢间糖水店保留返八十年代中式糖水舖嘅格局，只卖20多款传统糖水。招牌芝麻糊以古法制作，每朝都用电动石磨机磨制再用人手炒，加入香米和糯米质地更杰身，入口芝麻味香但味道好自然～

图: 官方图片

非牟利嘅蛋糕网店，店主Tiffany虽然身体上有障碍，但仍然勇敢地追求同实践开设蛋糕店嘅梦想，好值得欣赏。佢哋嘅千层蛋糕足足有30层，每块饼皮都薄到透光，食落唔会太感受到饼皮嘅存在，入口即溶，黑芝麻千层蛋糕香气十足，上层有黑芝麻奶冻，中间有黑芝麻酱会食到沙沙地嘅口感，出色！

文：Yanica