滑溜香浓嘅鸡蛋配上惹味嘅酱汁同白饭，简直就系最和谐嘅配搭。蛋包饭可以话系日本其中一样具代表性嘅美食之一，喺香港除咗可以食到日式餐厅嘅正宗口味，仲有唔少fusion餐厅同茶记都有供应，一齐嚟睇睇有咩唔同～
目录
► 东京老字号蛋包饭：グリル满天星 |
东京老字号蛋包饭 グリル满天星 
图: 100胃
来自东京、1978年已经开业嘅蛋包饭专门店，糅合日法烹调方式制作和洋料理，上年终於登陆香港，仲有香港限定口味添～滑蛋选用兰王蛋制作，鲜色又重蛋味。饭底有3款，分别系炒焗饭、番茄饭及咖喱饭，选用本米连同竹笋、洋葱、粟米、香菇等8种食材，一齐放入秘制鸡汤中先煮後烤焗，本身已经好够味，配上唔同嘅酱汁又更丰富。香港限定蒲烧鳗鱼蛋包饭，鳗鱼超大条，鳗鱼汁咸淡适中，唔会好似坊间嗰啲太甜而盖过其他食材味道。
湾仔超人气店 猫之眼
图: Thybesals
湾仔街坊或者附近返工嘅人士应该对呢间铺唔陌生啦～由日本人主理嘅人气蛋包饭专门店，招牌三色蛋包饭一份有齐两个口味，分别系咖喱猪肉+浓茄牛肉，咖喱饭甜甜地，浓茄牛肉番茄超浓而且牛肉炆得好腍。汉堡扒配酱汁蛋包饭都好推介，和牛汉堡扒非常厚身，入口肉汁丰富充满牛味，配埋烩牛肉汁送饭一流～
韩式烤肉流心蛋包饭 Banchan and Cook 
图: 唔系净系日式餐厅先有出色蛋包饭！呢间韩国餐厅一样咁高质， 烤牛肉蛋包饭上菜时已经见到佢好有弹性咁，一切开蛋皮入面啲蛋浆好似熔岩咁流出嚟，超滑溜同时蛋香十足，带一点点牛油香！甜甜嘅韩式牛肉配埋番茄炒饭底，无得输呀。另外仲有其他蛋包饭都好值得一试，如明太子慢煮鸡肉同泡菜炖五花肉等。
地道咖喱蛋包饭 华记士多
图: 西湾河一间地道茶记竟然有蛋包饭食？你冇睇错呀，唔单止有得食，网上仲有唔少人吹捧添。佢就只供应两款咖喱蛋包饭，一款原味，另一款就加咗芝士，咖喱汁食落浓郁，蛋都好滑，饭底系鸡粒炒饭，粒粒分明，而且份量又多性价比都几高。
元朗抵食外卖店 风之谷蛋包饭
图: yuchiro
元朗新开嘅外卖店，旋风蛋包饭可以话最受欢迎。推荐黑松露杂菌蛋包饭，一开盒就好香，蛋混咗黑松露酱，杂菌亦用黑松露酱炒过，满满都系黑松露香气！烧汁肥牛蛋包饭都几高质，饭底有用烧汁煮过，肥牛亦有用蒜蓉炒香，诚意满分。
文: Yanica
