3月份好评餐厅十强
2021-04-08

食咗咁耐外卖同住家饭,上个月嘅疫情有和缓嘅迹象,观察所见就开始多返人出街食喇。十强名单内有唔少都系新上榜嘅餐厅,当中又以café 小店为主,可以话系大家都乐见嘅景象呢。

第10位  京都胜牛(*新上榜)

 图:sharonsharonnyoyo454

嚟自京都嘅吉列牛排店,沿用总店「黄金60秒」嘅做法,以摄氏190 高温炸牛排至三分熟,外层酥脆嘅同时内里肉质依然鲜嫩,牛魔王第一次去嘅话,必试「招牌京都胜牛三味套餐」,咁就可以一次过试匀炸翼板、菲力同薄片酱味牛。

第9位  R.I.M.K(*新上榜)

 图:ManIron5216lankiman6330

呢间café位置有少少难搵,但可能因为3月做紧加$1任食日本福冈蛋糕优惠,深受欢迎而成功挤身十强。餐厅主力提供多款意粉轻食,例如蒜香辣椒蚬肉意大利粉配软壳蟹、点墨汁意大利饭配北海道刺身带子等。加$1就可以任食蛋糕真心几抵,蛋糕有12款味道选择。而且口感轻盈,食多几件都唔怕腻。

第8位  本店(*新上榜) 

 图:iamlotng

将军澳难得有高质日本料理,自然大受区内街坊爱戴,开业冇耐已经打入十强。餐厅由前日本米芝莲星级厨主理,供应多款居酒屋菜式,你数得出嘅寿司、刺身、串烧、关东煮等通通都有,特别推介和牛日本土锅饭,选用日本宫崎县A4和牛,入口即溶,油花又香,加多只生蛋黄就够晒吸引。

订座优惠:全单85折

第7位 Boon (*新上榜) 

 图:Dorodorodorothyahhbe

呢排大家都好锺意搵啲小清新感觉嘅café去打卡,观塘呢间就系其中一间,重有好多乾花摆设。推介灸烧左口鱼边配芦笋意大利饭,平时灸烧左口鱼寿司就食得多,配落risotto度原来一样夹,鱼油渗透饭粒,啖啖香口。虎虾海胆酱意粉亦系另一道必食菜式,意粉弹牙挂汁。

第6位  Lagom Kaffe  

 图:fluffywaeatleungyuen0909

继续留榜嘅乐感,上个月都系第6位。餐厅嘅户外用餐区加藤梳化,悠闲舒服,绝对系一大卖点。推介可试台北炖牛肉意粉,微微辣但麻劲十足,几过瘾。甜品同饮品都做得几出色,戚风蛋糕同巴斯克芝士蛋糕都系好多朋友仔嘅心水呢。

第5位  丰信饺子店(*新上榜) 

 图:JiaweiFanfoodiegor

饺子可以话系香港人其中一样comfort food,又平又快又饱肚。呢间饺子店嘅饺子,每日新鲜制作,有汤饺有煎饺,招牌系芝士粟米鲜肉饺,芝士味香浓,重有肉汁添。另外仲有芫荽党最爱嘅芫荽鲜肉饺,味道够晒突出。煎饺固然脆口,但汤饺嘅汤底同样吸引,系香喷喷嘅椰子海带鲜鸡猪骨浓汤,阵阵鲜甜。

第4位  Urban Coffee Roaster(*新上榜)

 图:wingshuen1123lokyanyan

呢间唔止系咖啡店咁简单,重有好多自家品牌出嘅精品卖。特别highlight下佢哋嘅甜品,法式焦糖班戟,三层嘅班戟厚厚der,完全唔系平时空气感嗰type,系啖啖扎实口感,真系食得饱人嗰种,沾埋微焦微甜嘅焦糖酱同布甸酱,层次更分明。锺意朱古力嘅朋友,可以试下佢哋嘅朱古力,有成85%选择,够晒香浓,甜过後就有回甘。

第3位  茶聊     

 图:yuk_tamhyeataroundwithme

睇个名都知呢度以茶为主题,脏脏黑糖珍珠鲜奶系其中一款几受欢迎嘅嘢饮,卖相最啱打卡,珍珠弹牙,甜度适中。除咗多款特色茶饮外,食物方面亦落足心思。原只龙虾包配薯条最为吸引,混入蛋黄酱、蟹籽等制作,虾肉弹牙,用牛油烘过嘅面包当然零舍香口。

第2位  露面手工拌面料理(*新上榜)

 图:chongjackyOh My Food Bae

呢度主打拌面同汤面,油拨辣子鲁肉biang biang面富有特色,油泼辣辣椒酱系自家制嘅,香辣度高,都唔系话咁容易就挑战到特辣lvl呀。改良过嘅biang biang面,幼身啲薄身啲,比原来嘅更加有咬口同挂汁,要索晒啲辣汁当然冇问题啦,条条都入晒味架!


第1位  Med Chef(*新上榜)  

 图:lankiman6330mc1w43hk

近排好兴CBD,即系大麻二酚,咩嘢食都话可以加CBD落去,而呢间就系全港第一间以CBD为主题嘅多国菜餐厅,跟到个潮流咁贴,难怪咁快就可以登上榜首位置。首推香烤威灵顿三文鱼配秘鲁黄椒酱,酥香肉鲜兼带有甜味,层次丰富。

订座优惠:主菜餐牌 Lunch Set正价9折


文:Kar

关键字
十强报榜
好评十强
十强名单
尖沙咀
湾仔
旺角
小店
cafe
开饭专题
开饭仔为你提供各类型最新饮食情报及优惠,全面照顾你的饮食喜好。
餐厅资料
更多
收起
本月热门
【2021生日优惠】持续更新!5月食日本直送海鲜送西班牙红/白酒
2021-05-07
带妈妈味游异国!母亲节Brunch六选
2021-04-20
期间限定$1抹茶菠萝包、$3竹炭菠萝油 佐敦新开 2500 尺新派点心小厨
2021-04-30
荃湾新开 人气名古屋班戟分店 首推冲绳紫薯梳乎厘班戟+班戟汉堡
2021-04-15
午市$88!佐敦新开台式一人小火锅店 必试老姜麻油鸡锅+牛乳美肌锅
2021-04-23