2021最新版!葵广扫街攻略
2021-07-16

葵广贵为扫街天堂,新店进驻嘅速度简直有如火箭,追都追唔切。食到闷闷地想试下新意思,不如睇下今次开饭仔为大家搜罗2021至hit嘅小店畀大家,有大热嘅牛角包窝夫、蚬肉粉丝专门店、足料汉堡及韩式饭卷等,快啲mark低咁就唔会走宝喇!


韩国大热Croffle 酥酥

Croffle最近喺香港愈来愈流行,唔少咖啡店同甜品店都见到佢踪影~Croffle即系用牛角包嘅材料制成窝夫,外层香脆、牛油味香浓。葵广呢间专门店就主打唔同创意口味,必食有招牌焦糖炖蛋口味,窝夫放上一层焦糖炖蛋,多咗份蛋香,唔会太甜太腻。肉桂苹果口味嘅肉桂味好香浓,加埋酸酸甜甜嘅苹果更开胃,另外仲有忌廉曲奇、宇治金时同朱古力等十几款口味,锺意食甜品要试下 ~

图: hkersfoodieUren


蚬肉粉丝专门店 煮你只蚬

呢间店就独沽一味只卖蚬,最正系可以追加配料,例如粉丝、金菇等同蚬一齐煮,咁样蚬嘅鲜味就会渗晒入去粉丝,啖啖都系蚬味!而且粒粒蚬肉都好新鲜唔会有沙,味道方面惹味嘅清淡嘅都有,招牌原味爆蒜蒜味好突出,重口味之选。白酒牛油系另一人气口味,有啲似日式清酒煮蚬咁,牛油味劲香,同蚬肉好夹!仲有爱辣人士必食嘅花椒麻辣、清淡番茄同近年爆HIT嘅芫荽口味。

香浓芫荽蚬肉(左为基本版,右为劲荽版)

花椒麻辣蚬肉配粉丝


超足料紫菜包饭 UNNIS韩国小食

喺葵广韩国嘢选择唔多,不过原来喺地下唔起眼位置有一间新开嘅韩国菜,餐厅由韩国人主理,食物选择贵精不贵多,但款款都好有韩式家庭风味。最推系紫菜包饭,有四个口味,分别系原味、猪肉、牛肉同芝士,每份有大约10件,饭嘅软硬度啱啱好,一入口就感受到麻油香,馅料有腌萝卜、红萝卜丝、鸡蛋丝、冬菇丝同青瓜,饭只有薄薄一层,超足料!炒年糕同韩式炒粉丝味道都好正宗,门口仲放咗一盒盒嘅手工泡菜畀大家买走,绝对可以安慰去唔到韩国旅行嘅大家!

图: candylin0617甜妹头


中西合璧甜品店 Chill Sweet

喺青衣开到嚟葵广嘅超多元化甜品店,西式甜品同中式甜品都应有尽有,每一款都系招牌!首先系至啱打卡嘅爆浆蛋糕,有伯爵茶、泰式奶盖、芝士奶盖同阿华田脆脆口味,蛋糕松软又唔会太甜,而且约$50就买到一个蛋糕,劲抵食!朱古力麻糬布朗尼内藏粒粒烟韧麻糬,又几有咬口。不得不提系仲有一系列养颜甜品,如雪燕桃胶鲜奶同椰皇雪燕桃胶鲜奶,前者奶味香浓,後者多咗份椰皇香,加埋雪燕同桃胶口感更丰富,女士们啱晒!

伯爵茶爆酱蛋糕

椰皇雪燕桃胶鲜奶


熊本A5黑毛和牛汉堡 邦爷汉堡

标榜选用澳洲安格斯和牛同西班牙黑毛猪嘅高质汉堡店!不过最吸睛一定系Menu第一行嘅熊本A5黑毛和牛汉堡,面包松软,A5黑毛和牛煎得劲香,一入口就感受到牛嘅油花同香气。另一人气之选鱼子酱鹅肝芝士安格斯汉堡,咸香嘅日本鱼子酱配上入口即溶嘅鹅肝同牛味浓郁嘅澳洲安格斯汉堡扒,成个burger好rich,每一啖都系享受。唔食牛嘅朋友都有好多选择,好似黑松露软壳蟹同芝士菠萝黑毛猪等,连台式刈包都有得食添!

芝士黑毛猪拼烟肉菠萝汉堡

韩式泡菜鸡UFO




文:Yanica



关键字
葵涌广场
葵广
葵芳
韩国菜
汉堡
甜品
蛋糕
开饭专题
开饭仔为你提供各类型最新饮食情报及优惠,全面照顾你的饮食喜好。
餐厅资料
更多
收起
本月热门
【2021生日优惠】持续更新!9月寿星叹Omakase送寿司蛋糕+清酒
2021-08-31
【随时更新】零食速报 每周新款零食、酒品点评
3天前
【特约分享】Happy Hour饮番杯Schweppes®期间限定特饮!9间必去铜锣湾餐厅(上)
2021-08-24
【特约分享】Happy Hour饮番杯Schweppes®期间限定特饮!9间必去铜锣湾餐厅(下)
2021-08-31
自家制作!五间手工意大利面专门店合集
2021-08-24