抗疫期间,唔少餐厅都纷纷推出优惠救市。好似天后老字号中菜厅咁就新推出呢个「晚市三宝」优惠,$128就可以食到原只片皮鸭,连清蒸沙巴龙趸同冬瓜盅都有优惠。另外最近仲新出咗几款特色点心同小菜添!
原只片皮鸭(优惠价$128)
片皮鸭一向都系港人心目中嘅人气京川沪菜式,喺出面食都几百蚊一只,而呢度只系$128就食到全只,两个人可以叫半只$78,真系抵到烂!片皮鸭皮脆肉香,包埋皮一啖食真系好满足~
清蒸沙巴龙趸、冬瓜盅(优惠价$88)
清蒸沙巴龙趸同冬瓜盅都只系$88,沙巴龙趸蒸得啱啱好,鱼肉嫩滑;而冬瓜盅入面都有好多料,夏天食就最消暑喇。
另外餐厅都推出咗几款创意新点心,包括避风塘虾饺,将虾饺炸过後口感香脆,带香浓避风塘辣味,好惹味。虾芝恋加入芝士,热辣辣最正!洛神花素饺都皮薄馅靓㗎。
仲有两款新嘅小菜,分别系柚池鱼林及瓜芝金球,即系柚子汁炸鱼块同南瓜芝士汁琵琶豆腐~咁多新选择同优惠,带埋屋企人去食就啱晒喇。
地址: 天后电气道22-52号金殿大厦1楼
文: Yanica
相、片: Calvin Kwok