鹿儿岛直送和牛!必试吉列和牛三文治 尖沙咀新日式烧肉店(有片)
2020-01-22

各位牛魔王注意啦,尖沙咀最近开咗间烧肉店,主打JA鹿儿岛直送和牛!霜降脂肪分布平均,而且肉味浓郁。除咗有唔同部位嘅和牛畀大家自己烧,仲有唔同和牛菜式,包括近年大热嘅吉列和牛三文治,同大份够抵食嘅Lunch Set呀。
 


Wagyu Ya主打日本鹿儿岛直送和牛同美国和牛,细节位相当用心,例如每个烧炉都有独立抽风机,无论系舖头定食完烧肉件衫都唔会有烧肉味。无论系Lunch Set定烧肉拼盘上都加上唔同颜色嘅蔬菜,希望各位食肉兽享受和牛嘅时候同时食多啲蔬菜。
 


黑松露和牛他他($98)

轻轻炙烧过和牛嘅油香更为突出,呢份他他有五重味道:入口口腔瞬间会充满黑松露油香气,之後Wasabi芝麻嘅辛辣会攻上嚟,然後系和牛嘅肉味同酱油嘅香味,最後带啲啲柚子嘅酸味同芝麻嘅香气,层次分明。
 


Wagyu Ya和牛三明治($388)

近年日本红到过嚟嘅吉列和牛三文治呢度同样有,牛扒选用A5和牛西冷,炸成吉列牛扒就外面香脆里面肥美肉嫩!秘制酱汁蜂蜜、芥末籽、蛋黄等调配,甜中带微辛平衡油腻感。面包亦烘至薄身香脆。串起後加上金箔点缀,卖相更加分。
 


牛More拼盘 - Carnivore($888)

牛魔王最爱嘅牛肉拼盘!呢份有齐牛舌、美国和牛牛小排、日本A4和牛肩脊、日本A4和牛三角,同日本A5和牛西冷。美国和牛油花少但肉味会比较香,日本和牛、特别系A5就油花分布均匀细密,不过肉味就无咁突出。牛舌亦有厚切同砌到好似朵玫瑰咁嘅薄切,厚切食落爽、弹、香口,薄切嘅就再韧少少同更爽口,而无论厚切定薄切都保留到肉汁!
 


三款日本和牛各有特色,A4肩脊脂香同肉味平衡,A4三角油花多食落特别有入口即溶感、越咬越香,A5西冷口感软嫩多汁。特别一提拼盘上有唔少色彩缤纷嘅蔬菜系畀大家烧嚟食,中场畀味蕾清爽一下,粟米同番薯亦已经蒸熟,烧返热就食得,特别系番薯烧完点少少盐食味道更香甜!
 


食烧肉会配烧汁、酸汁同岩盐,好似牛舌咁点少少岩盐已经非常香口,油花比较多嘅和牛就可以按自己口味点烧汁或者酸汁。
 

更多【新店直击】:
1. 电竞女神RoseMa开女仆café 亲自驻场 施魔法蛋包饭
2. $440叹尽十道铁板烧料理!观塘新开抵食铁板烧专门店
3. 台湾富豪饭堂名厨主理!山顶新开面食专门店 必试清炖鸡汤面

 

(午餐)和牛温泉蛋丼($98)

想食平啲拣Lunch Menu就得,多款日式丼饭最平都系$78/份!用料同样讲究,选用日本鸡蛋、日本珍珠米同美国和牛西冷。酱汁味道偏甜,有少少似寿喜烧嘅酱汁。原来师傅系用日本酱油加日本酒调配,一滴水都无加,加埋甜甜地嘅洋葱同流心温泉蛋捞饭食一流!
 


而且午餐包埋沙律、前菜、汤同茶碗蒸,前菜都系自家制作。茶碗蒸嘅鸡蛋嫩滑到好似鸡蛋布甸咁,里面仲有鸡肉、虾仁、蟹肉等等,鲜味十足。前菜会不定期更换款式,保持新鲜感。
 








Wagyu Ya
地址:尖沙咀金马伦道29A号地舖




文、相、片:Cathy

关键字
尖沙咀
和牛
烧肉
和牛三文治
Wagyu Ya
新店直击
走在最前线,为大家搜罗及报道有关新开餐厅的资讯。
餐厅资料
本月热门
【随时更新】零食速报 每周新款零食、酒品点评
2020-09-11
全城抗炎!屋企都叹到三层架下午茶 Tea Set外送/外卖自取推介
2天前
悠闲时光 9月份下午茶推介
2020-09-02
【9月生日优惠】最低至半价!生日平食放题.韩式炸鸡
2020-09-02
Stephy新开茶饮店 台湾回流 期间限定 联乘Snoopy推棉花糖朱古力特饮
2020-09-11