鸡蛋仔艺术节又返嚟喇 威士忌鸡蛋仔+芋圆奶茶布丁
2019-03-26

鸡蛋仔呢种经典嘅港式街头小食,近年已经不停升lvl到有唔同嘅口味,更有商场每年都举办鸡蛋仔艺术节,一次过集晒咁多款邮!今年,呢个鸡蛋仔艺术节又嚟喇,多款新潮口味同场之外,仲加入咗其他以「蛋」为元素嘅菜式,好似蛋饼呀布丁烧呀咁,各位吃货Mark低日子啦。

叉烧鸡蛋仔  香港街食x好烧味

首创急冻鸡蛋仔嘅网店,连同新派烧味店联乘合作,推出活动限定嘅叉烧鸡蛋仔!呢款鸡蛋仔方便在於,唔一定要喺街先食到呀,买到返屋企再用焗炉焗一焗先食都得~ 蜜汁烧味捞落鸡蛋仔度又几过瘾。另外,仲有期间限定嘅陈皮鸡蛋仔同威士忌鸡蛋仔,前者甘苦而後者带淡淡酒香,好新嘅体验!

避风塘樱花虾咸蛋王    Cubus 28

新派中菜厅一向主意多多,今次就推出黑松露磨菇、避风塘樱花虾咸蛋王等新口味,後者食落咸香惹味,好似食紧中菜咁。

阿华田脆脆麻糬 ICE PUFF

呢间餐厅主打以Gelato 雪糕配鸡蛋仔,今次就4款新口味,包括流心蜂蜜伯爵茶、阿华田脆脆麻糬、70%黑朱古力蓝莓同pizza版!开饭仔试过阿华田嗰只,好脆口,每粒都有烟烟韧韧嘅麻糬,又几好咬口。

大白兔糖   茶作

前排兴起一阵大白兔糖雪糕嘅热潮,茶作就即刻为大家带咗嚟喇。鸡蛋仔配大白蛋糖味雪糕,谂起都甜~  另外,当然唔少得同茶嘅结合啦,凤凰单枞茶同大红袍朱古力等茶味鸡蛋仔都有,以茶叶混制浆,自然渗出阵阵茶香。

冰火鸡蛋仔 喜茶

想试喜茶唔一定要去舖头排队嘅,今次活动都有呀!除咗有新出嘅MINI喜茶外,仲有香港限定小食,冰火鸡蛋仔~

 火焰鳗鱼起司玉米蛋饼   Check-In Taipei

新式台湾料理餐厅摊档则有两款蛋饼同几款甜品,蛋饼分别系火焰鳗鱼起司玉米同芋泥咸蛋黄肉松,前者睇住佢同火枪烧溶芝士再放上成条大鳗鱼,坚系会令人食指大动嘅。至於甜品,则系芋泥士多啤梨蛋糕杯同芋圆奶茶布丁等,前者一层一层咁几多料,好丰富!後者嘅奶茶布甸奶味偏重,口感顺滑。

酥皮双层芝士蛋糕   酥妃皇后

以368层酥皮蛋挞闻名嘅饼店,蛋挞梗系有带埋嚟啦,仲有多款卖相靓靓嘅杂坚果枫糖酥挞同tartcake,有啲仲好似星球镜面咁。另外芝士控唔好miss咗佢哋嘅酥皮双层芝士蛋糕啊!

Baileys甜酒布丁烧   呦呦鹿鸣布丁烧

葵广小店过咗海嚟参展,带嚟主打嘅布丁烧,原味以外,Baileys甜酒或榴槤味都好值得推介,

食咗咁多嘢都会口渴嘅~ 香港地同金茶王都分别地提供即冲港式奶茶兼特色饮品,前者有蛋白奶茶、小朋友鸳鸯等,後者则有滚水有机蛋、奶水有机蛋。

「利园鸡蛋仔艺术节 - 七人榄球升级版」活动详情
日期:   3月30日至31日(星期六至星期日)
时间:   上午11时至下午7时
地点:   铜锣湾利园一期地面私家路(希慎道33号)


文、相、片:Kar



关键字
湾仔
鸡蛋仔
甜品
芋圆
饮食潮流
开饭仔为大家发掘香港这个美食之都的最新美食资讯,分享饮食潮流文化。
餐厅资料
更多
收起
本月热门
【随时更新】便利店寻宝 每周新品速报
2019-11-29
【2019圣诞】早鸟优惠! 圣诞自助餐推介
1天前
秋风起!5间大闸蟹放题食店集合
2019-11-19
【2019圣诞】年尾叉电 圣诞下午茶集合推介
2019-11-19
【2019圣诞】约会之选 圣诞市集推介
4天前