炎炎夏日，有咩正得過食碗冰涼嘅冷麵呢～一齊嚟睇吓香港邊度有出色冷麵食！
爆多蟹籽冷麵 爆辣冷麵
圖：Joyce.sy
睇個名就知呢間小店係以爆辣冷麵做主打，招牌爆多蟹籽冷麵果然係名不虛傳～蟹籽嘅分量佔三分之一，多到滿瀉，加埋秘製辣醬好惹味，每一啖都會食到粒粒蟹籽，好有口感同鹹香。另外仲有爆荽蟹籽冷麵，芫荽控一定唔可以錯過。佢哋嘅「杯麵」就唔係平時嗰啲，而係杯裝冷麵，啱晒想快快手食完嘅朋友。
冷抹茶蕎麥麵套餐 汴涼茶寮
圖：嚟自澳門嘅日式茶室，主打多款日本、中國茶、日式甜品同麵食～呢個冷抹茶蕎麥麵套餐，麵質彈牙帶微微抹茶味，味道清香，沾上冷麵汁又增添層次，簡直係消暑恩物。套餐會包埋厚燒玉子同是日手沖茶，玉子口感軟滑，蛋味濃郁幾甜香。
開胃宜賓涼拌冷麵 麻辣風雲 
圖：以為食川菜一定火辣辣？鍾意惹味嘅你，呢間川菜嘅開胃宜賓涼拌冷麵就啱喇！以醃製菜、花生碎、辣椒醬作調味，香味滿溢，鹹辛味佳，清新又開胃。而冷麵口感冰涼爽滑，彈牙又有嚼口，同朋友當開胃菜share食都唔錯呀。
柚子檸檬冷麵 火土燒肉
圖：想食清爽派嘅，呢個柚子檸檬冷麵就啱晒你！餐廳係一間露營風燒肉店，梗係要食返啲清新嘅配搭，冷麵麵質爽滑又彈牙，有微微嘅柚子同檸檬香，仲食到絲絲柚子肉，嗒晒成碗真係好fresh呀～
文：Yanica
編：Cathy
