香港首推烟韧白布乌冬!大角咀新日本料理研究所(有片)
2020-02-14

乌冬大家就食得多,一块块好似云吞皮咁嘅乌冬大家又见过未?日本达人Meter最近开咗间日本料理研究所,不定期更换餐牌,第一炮就系日本群马县嘅名物白布乌冬!食落口感爽滑烟韧,无论系做沾面定汤面都好有新鲜感。
 


金所位於大角咀,由有「拉面陈」之称嘅日本达人Meter开设,全名系金太郎日本料理研究所,顾名思义系Meter研究唔同日本料理嘅地方。三个月、半年或者最长一年就会更改餐牌,而当中如果有大受欢迎嘅项目,亦会考虑搬出去独立开店!
 


金所1月试业推出嘅就系香港首见,日本群马县桐生市嘅名物白布乌冬(ひもかわうどん),亲身试过之後,Meter同团队用咗半年时间研究,希望自家制作嘅白布乌冬无论大细、厚度都做到最好。
 


南蛮Curry沾白布乌冬($86)


呢度嘅白布乌冬大致可分为暖沾乌冬、冷乌冬,同热汤乌冬三大类,当中店员推介亦系最受欢迎嘅就系暖沾乌冬,即系将乌冬浸入暖汁就食得。

白布乌冬比云吞皮略厚,有咬口得嚟大大块就可以沾上更多汤汁。而且乌冬煮完会过冷河,令口感更爽更滑。咖喱汤嘅香料味突出,入口先食到洋葱嘅甜味,有少少辣味後劲,同嫩滑嘅鸡肉好夹。
 


冷汁山药白布乌冬($76)


冷乌冬会附上冷沾汁、Wasabi、姜蓉、葱,锺意滑捋捋口感嘅话可以点呢个冷汁山药白布乌冬,先按自己口味加入Wasibi等调味料,再将人手即磨嘅山药泥同倒落沾汁度,令爽滑嘅白布乌冬滑上加滑!
 

更多【新店直击】:
1. 蕃茄全蟹意粉/龙虾牛油果多士/开心果Pancake 尖沙咀日本班戟店独家新菜式
2. 夜市的味道!台中过江龙巷口炸鸡抵港 必试九层塔炸鸡+炸甜不辣
3. 大围新开鸡蛋主题爆馅吐司店!牛油果蛋沙律、招牌三重芝士滑蛋吐司

 

鸭肉入热汤白布乌冬($75)


热汤乌冬就会浸喺汤拉面上枱,所以乌冬食落比沾汁食嘅软身啲,不过依然Keep到烟韧口感。酱油汤味道鲜甜带咸香,而鸭肉松化甘香,增加香味。
 





金所
地址:大角咀利得街52号地下




文:Cathy
相、片:Tom Li

关键字
白布乌冬
乌冬
日本料理
金所
大角咀
新店直击
走在最前线,为大家搜罗及报道有关新开餐厅的资讯。
餐厅资料
本月热门
【随时更新】零食速报 每周新款零食、酒品点评
1天前
食豪啲啲 城中5间海鲜+肉扒父亲节自助餐
2020-06-10
至甜初夏 6月下午茶推介
2020-06-15
湾仔新扒房只卖$298黑安格斯牛扒套餐 任食薯条+超松软肉桂牛油餐包
2020-06-11
甜蜜蜜暑假 7月下午茶推介
7天前