台灣夜市人氣小食地瓜球嚟咗香港？原來係深水埗新開咗一間每日鮮製，即叫即炸台式地瓜球嘅小食店。最特別嘅係擺咗唔同口味嘅調味粉，等大家可以自己調配心水口味嘅Shake Shake地瓜球！
水見地瓜球位於深水埗桂林街，店主參考過台灣夜市賣嘅地瓜球，返到香港再自己調整食譜。將新鮮蕃薯蒸熟壓成泥，再加薯蓉同木薯粉混合，人手搓成一粒粒地瓜球。有蕃薯、紫薯同雙色共三款。
水見特色地瓜球（大份 $28/13粒，細份$22/9粒）
地瓜球即叫即炸，粒粒飽滿圓潤，口感外脆內Q，煙韌中帶淡淡蕃薯甜香。秘訣係炸嘅時候要不時按壓，壓出空氣令地瓜球脹起。
呢度嘅地瓜球口感偏新派，唔係空心而係有薯蓉煙韌口感。唯一有少少扣分嘅係比較油，擺得耐紙袋會有少少油漬。
最得意嘅係呢度準備咗一系列調味粉：燒烤、紫菜、芥末、青瓜、香辣、番茄、梅粉等，放落紙袋中搖勻，咪就係Shake Shake地瓜球囉！
水見地瓜球
地址：深水埗桂林街48-50號同德大廈地下2號舖
文、相、片：Cathy