酒香麻辣一锅满足!湾仔中菜馆新推清啤麻辣火锅(有片)
2017-12-11

最近多间国内麻辣火锅嚟香港开店,唔系Sell特别造型红油就系Sell够麻辣。湾仔呢间中菜馆就换个角度:推出创新清啤麻辣汤底!麻同辣平衡有致,倒埋支啤酒落去香味「升呢」,话唔埋会系各位酒鬼嘅「醉」爱。
 


京川小碟火锅体验套餐

位於湾仔嘅日熹楼今次嘅日熹火锅道——京川小碟火锅体验套餐,顾名思义参考咗西方Tapas小碟嘅元素,套餐选择丰富而且分开呈上,帮传统中菜换个新包装。
 


清啤麻辣锅

话明系火锅,最重要嘅当然系个锅啦!当中最特别嘅一定要数到呢个清啤麻辣锅,首先可以先试下餐厅自家秘制麻辣汤底。用咗花椒粒、乾辣椒、姜片、八角、茴香等多种香料,虽然滚起嘅时候闻落唔算好刺鼻,但辣味同舌头感受到嘅轻微麻痹感平衡得唔错,真系相当刺激㗎。
 


安格斯牛颈脊

麻辣汤底最啱配牛肉,所以开饭仔建议大家肉类可以拣安格斯牛颈脊,脂肪唔多但肉味香浓,口感仲特别爽滑。
 

食到差唔多就可以将支清啤倒落锅,一方面减低辣度,另一方面增加啤酒小麦香,令成个火锅香味更有层次。清啤麻辣汤底就最啱配海鲜,配搭同辣酒煮花螺有异曲同工之妙。
 


不辣口水鸡


醉拿手

食到条脷痹痹地,可以食返啲凉菜舒缓一下。八款凉菜每位可以选择两款,有辣有唔辣任君选择,不辣口水鸡惹味得嚟鸡肉爽嫩,而醉拿手其实即系醉猪手,酒鬼要点呀。
 


手打鲜虾丸


山东家常水饺

丸同饺子都系热门火锅配料,呢个套餐可以畀大家任拣一款手打丸同手作饺子。手打鲜虾丸唔单止清楚见到虾肉,食落亦相当鲜甜弹牙,无俾麻辣汤底完全盖过。而山东家常水饺亦够哂足料,如果水饺皮再薄多少少就更好喇。
 

更多【饮食潮流】:
1. 呢个圣诞最「芝」味!The Cheesecake Factory圣诞推介
2. 快餐店出火锅! 超足料姬松茸花胶鸡锅
3. 首次推出!连锁火锅店新出「蒸笼」料理



新鲜杂菜篮


桂花糕

套餐仲包埋丰富嘅新鲜杂菜篮同甜品桂花糕,特别系桂花糕够清甜,中和返麻辣汤底嘅辣劲。
 


中式鸡尾酒:Earnest 实 


无酒精鸡尾茶:香茅铁观音

每位仲可以拣一杯特调饮品,酒鬼当然唔可以错过佢地嘅中式鸡尾酒,加入中国元素更有特色。唔饮得酒嘅话亦可以一试佢地嘅无酒精鸡尾茶,入口零舍清爽得嚟不失中国茶嘅悠长余韵。所以话传统中式火锅其实都可以完全唔老土!
 




日熹楼
湾仔杜老志道6号群策大厦4楼及5楼




文、相、片:Cathy

关键字
湾仔
麻辣火锅
清啤麻辣锅
京川菜
鸡尾茶
饮食潮流
开饭仔为大家发掘香港这个美食之都的最新美食资讯,分享饮食潮流文化。
餐厅资料
本月热门
【随时更新】零食速报 每周新款零食、酒品点评
7天前
全城抗炎!屋企都叹到三层架下午茶 Tea Set外送/外卖自取推介
1天前
悠闲时光 9月份下午茶推介
2020-09-02
【2020中秋】台式流心奶皇、电车限量版月饼 早鸟优惠及限量预购精选集合 (不断更新)
2020-08-20
和牛及海胆主题菜单 尖沙咀西京烧専门店夏日新菜式
2020-09-02