酒店新出「北欧神话」下午茶 10款咸甜点色彩缤纷 多款海鲜入馔
2022-06-10

北欧系一个充满神话色彩嘅国度,而尖沙咀呢间酒店餐厅,以此为题推出全新嘅「北欧神话馔嚐之旅」下午茶。每款咸甜点分别代表一个北欧神话角色或国度,充满故事性,而咸点更选用多款海鲜入馔,食落好鲜味。


下午茶用2个金色层架分别盛载10款咸点同甜点,感觉好优雅。为贯彻北欧人锺意餐前先饮1杯小杯调酒嘅习惯,餐厅呈上红色迎宾特饮揭开下午茶序幕,味道略甜,酒精度数低,好啱嗜甜嘅朋友。

5款咸点以海鲜入馔

刁草渍三文鱼脆饼代表北欧神话中众神嘅居所Ásgarðr(亚斯格特)|香烤北海道带子代表「雾之国」Niðavellir

味道较淡身嘅刁草渍三文鱼脆饼,系历史悠久嘅嘅经典北欧盛宴菜式之一,三文鱼腌渍一晚後,入口清香软滑。而为咗展现「雾之国」Niðavellir(尼福尔海姆)终年充满浓雾同寒冷嘅感觉,香烤北海道带子特别以厚肉嘅北海道带子入馔,略煎後配上雷莫拉德蛋黄酱几开胃。

圆形嘅三文鱼子蟹肉羊肚菌酥皮盒,代表赋予万物生命嘅华纳神族Vanaheimr(华纳海姆)

带脆口感觉嘅咸点则有3款,其中三文鱼子蟹肉羊肚菌酥皮盒咬落酥脆,内藏唔少蟹肉

冰岛海虾蛋黄酱牛角包代表长年结冰嘅巨人国度Jötunheimr(约顿海姆)|自家制瑞典烟肉薯丸代表永夜场所海姆冥界Hel

另外冰岛海虾蛋黄酱牛角包有满满嘅虾肉,清甜爽口;而自家制瑞典烟肉薯丸系瑞典传统小食,内藏嘅烟肉切到好细,炸起外脆内软。


5款甜点鲜艳夺目

云呢拿吉士柑橘挞代表神话嘅原始世界Múspellsheimr(穆斯贝尔海姆),即「火之国」Flameland|杏仁奶油泡芙代表Álfheimr(亚尔夫海姆),即由女神芙蕾雅统治嘅精灵之家

嚟到甜点亦充满故事性!相传奥丁曾经撷取穆斯贝尔海姆嘅火焰,制作成漫天星辰,所以用色彩鲜艳嘅云呢拿吉士柑橘挞代表以火焰制成嘅太阳,味道柔和唔会过甜,带轻微嘅橙香。而入口清甜嘅杏仁奶油泡芙好多人都锺意食,好似人见人爱嘅精灵。

是日甜品色彩缤纷

北欧神话中仲有人类生活嘅国度Miðgarðr(米德加尔特),以冰、火、空气构成嘅三色彩虹桥Bifrost连接令人向往嘅神国亚斯格特Ásgarðr,以及矮人国Nidavellir(瓦特海姆)。前者以甜蜜又色彩鲜明嘅马卡龙作代表,每日口味都唔同,後者则有甜品主厨每日巧手制作嘅每日精选闪电泡芙,每款有2种口味,开饭仔当日试嘅一款甜度适中,一款则较甜腻;最後食埋自家制松饼都好饱肚。

青春女神特色鸡尾酒

凡享用下午茶可另加HK$88(原价HK$110)品嚐「伊登」苹果特调鸡尾酒1杯

酒店首席调酒师暨Dada Bar + Lounge经理,特别为今次嘅下午茶调配特色鸡尾酒,向青春女神「伊登」致敬。伊登负责掌管让诸神保持青春嘅黄金苹果,所以鸡尾酒亦以苹果为主调,混合深受瑞典皇室喜爱嘅Roslags瑞典宾治酒 (Roslags Punsch),以及多次获奖嘅Gustav芬兰刁草伏特加(Gustav Tilli Vodka)作为基底。


免费亲子活动

「北欧神话馔嚐之旅」涂画纸

酒店以超现实主义为设计概念,并摆放多个相关着名艺术家同作品,当家长享受下午茶时,小朋友可以参加藏宝游戏「超现实游踪」,喺酒店内游走并完成任务,藉此培养对艺术嘅兴趣。而锺意画画嘅小朋友,则可以一边品嚐下午茶,一边为北欧神话嘅画作添上色彩。


同场特设Lovi Tree祈愿

同场展示多款芬兰木制艺术礼品

另外餐厅特别喺下午茶时段,摆放芬兰木制艺术礼品品牌嘅Lovi Tree作为北欧神话概念主轴嘅「世界之树(Yggdrasil)」,等大家挂上心意卡向众神许愿


下午茶设有堂食同外卖自取,现时经OpenRice网上订座更可享8折起优惠。如订座其他餐饮时段,正价单点菜式则享7折同正价饮品5折优惠(酒精饮品除外)。

「FINDS X Lovi北欧神话馔嚐之旅」
供应日期:即日起至2022年8月31日
供应时间:星期一至日,15:00-17:30
价格:星期一至五:HK$568(两位用)/每位HK$328|星期六、日及公众假期:HK$628(两位用)/每位HK$358(另设加一服务费)
- 每位另加HK$150即可享用无限畅饮精选葡萄酒、葡萄气酒
- 每位享用「北欧神话馔嚐之旅」下午茶嘅客人,更可凭优惠码【LOVI15】於木制艺术礼品品牌网站以85折专属优惠购物,以及获得HAUSTAGE HK$50现金券乙张。


FINDS    
地址: 尖沙咀金巴利道39号帝乐文娜公馆1楼


客户专讯
餐厅资料
本月热门
【2022生日优惠】持续更新!8月寿星叹免费生日蛋糕+串烧放题优惠
2022-07-29
【随时更新】零食速报 每周新款零食、酒品点评
7天前
【随时更新】最後倒数!2022即将结业嘅人气餐厅
2022-07-13
尖沙咀最新露营主题日式烧肉店!3700尺室内Glamping体验
2022-07-25
一年一度!全港4大榴槤放题/自助餐集合
2022-07-13