去唔到日本又想止下瘾?观塘呢间日式居酒屋就啱哂啦。佢系全港第一间有室内钓鱼池嘅餐厅,餐厅用木船打造巨大嘅船坐席,内设两个海水鱼池。所有食物由高级日本料理老牌师傅主理,客人成功钓到鱼的话,就可以自行选择点煮嚟食,真系够哂日本风味!
鱼池入面有赤鲷、黑鲷、鱆红同左口鱼等,用$20买鱼饵就可以开始钓!成功钓到的话就可以七折买条鱼,然後师傅就会帮手炮制,锺意活鱼刺身定ShabuShabu都得,唔驶另外收费,加80蚊就可以改汁煮同炸物。
钓鱼船屋刺身盛(松)($880)
刺身盛有池鱼、拖罗、牡丹虾、带子、海胆同三文鱼子等,刺身全部都厚切,而且够新鲜,刺身会根据时令而有变化。
更多【新店直击】: |
A4和牛∙马粪海胆名物卷($168)
卷物上面系鹿儿岛A4和牛蓉,马粪海胆,入面就系蟹肉。一啖食落去好满足!
花鱼一夜干、海胆天妇罗($88)
花鱼一夜干微微嘅咸味,食到鱼嘅鲜味。海胆天妇罗炸得香脆,仍然食到海胆鲜味。
地址: 观塘骏业街56号中海日昇中心2楼H室
文:Yanica
相、片:Tom Li