蟹迷出动!湾仔蟹店首次引入鲜甜北海道野生大闸蟹(有片)
2017-10-10

又到咗食大闸蟹嘅季节喇,湾仔有间食蟹嘅专门店,首次引入咗北海道石狩川嘅野生大闸蟹,第一日开卖,一个下昼已经卖晒500只喇!不过,这些机会仲有可能属於你哋嘅……嚟紧仲会陆续抵港嘅。

介绍下呢种北海道石狩川野生大闸蟹先,一年两季当造,分别系4、5月,同9月尾到11月头,即系而家。同其他大闸蟹相比,野生大闸蟹个肚有坑纹,颜色灰白啲。

蟹膏都几多呀,鲜橙色几creamy,都几甜,如果细蟹嘅话,分分钟啲膏仲多过啲肉呀。堂食嘅话,跟餐加钱($350,6两)就有得食,师傅会用木箱原只蒸熟。

懒猪唔想自己拆嘅话,可以请师傅帮手呀,拆完之後砌到靓一靓,还原返晒落个蟹壳度,一匙一匙咁哔嚟食,正。


想再开心啲,就可以叫黑鱼子海胆大闸蟹,同样都系拆晒肉,肉同膏捞埋一齐,on top再加一层黑鱼子同北海道利尻海胆,一啖食到三种口感,更见鲜甜!

除咗堂食,外卖都得,早啲预订就得。外卖盒会送埋蟹醋同紫苏叶呀。最平160蚊4两就有交易,大只啲去到11、12两嘅就500零蚊只。

餐厅提供

有晒健康证明㗎可以放心,大闸蟹迷出动喇!BTW,唔好话开饭仔唔提你,佢哋大约每星期返货两次,想食要早啲预订呀,嚟紧最快就应该系今个星期五晚有得食喇。


蟹膳
地址:湾仔谭臣道3号地下


文、相:Kar


关键字
湾仔
大闸蟹
海胆
日本
饮食潮流
开饭仔为大家发掘香港这个美食之都的最新美食资讯,分享饮食潮流文化。
餐厅资料
本月热门
【随时更新】零食速报 每周新款零食、酒品点评
2020-09-11
全城抗炎!屋企都叹到三层架下午茶 Tea Set外送/外卖自取推介
7天前
悠闲时光 9月份下午茶推介
2020-09-02
【9月生日优惠】最低至半价!生日平食放题.韩式炸鸡
2020-09-02
油麻地新开小木屋Cafe 叹西日Fusion龙虾汤乌冬配咖啡
2020-09-08