葵广扫街有着数! 用Alipay即减$5-$10悭足$115
2018-10-22

各位精明消费者留意返,去开小食天堂葵涌广场,识用一定用Alipay找数!而家做紧特别优惠,香港新用户可享高达$115奖赏,而且可以即场使用,扫小食、买饮品即减$5-$10,都咪话唔抵 !



呢个优惠有四种唔同奖赏,由即日起至14/12分两阶段进行,迎新优惠可享价值$10元之电子礼券5张。而额外奖赏每阶段有$5电子礼券3张,两阶段合共6张,只需扫瞄葵广内的QR code,即可领取使用。而即日起至10月31日,亦可储印花换电子礼券,绑定中银信用卡亦有中银电子印花,总值$115优惠,详情可以去到葵广专柜了解多啲。



场内有大约30间小食店已经接受Alipay付款,扫一扫QR code即可成功俾钱,唔使搵银纸散银,够晒方便,而家仲有减$5优惠,更加抵食!第一站当然要直上三楼最多美食聚集嘅大街,有唯一一间主打台式面线嘅台南皇面线



面线有台北阿宗面线影子,可以拣蚵仔、大肠、赤肉羹等唔同配料。面线做得条条分明唔浆口,汤底咸度适中带木鱼香,而且有齐莞茜、蒜蓉、辣酱及乌醋等调味,味道都唔错。



舖头亦有售鲁肉饭,综合有齐鸡翼、卤水蛋同豆腐,鲁肉落得好慷慨,肉质偏瘦,但都有唔少酱汁吊味,去唔到台湾都可以止吓瘾。



第二站去食个甜品先,呢间呦呦鹿鸣布丁烧专门店,开业约三个月,日卖200个相当受欢迎。店主自行研发多达十种口味布丁烧轮流推出,即日新鲜制作,两小时出一次炉。出炉可以热食,质感如炖蛋加梳乎厘。


布丁烧有三层,包括底层轻芝士蛋糕、布丁以及焦糖酱。店主不惜工本用靓料制作,好似北海道忌廉、牛奶同埋京都宇治丸久小山园抹茶。最好卖系椰爷布丁烧,用泰国新鲜椰青肉加椰青水制作,清甜自然,质感滑溜。



咖啡味都好受欢迎,浓郁少甜,抹茶味就有甘甜茶香,连蛋糕都系抹茶味。不时会推出特别口味如豆腐、伯爵茶,又会自制雪糕请客人食,相当窝心。



食咗咁多都有啲口渴,去到地下饮杯台式饮品先。呢间悟茶茶饮来自国内,专选用靓茶底冲制,煲茶茶叶18号、红黑乌龙、梨山乌龙及茉莉花茶五款,仲引入萃茶机以特制茶包即冲即调。



最出色系奶盖系列,用纽西兰芝士、忌廉及牛奶制作,味道有几分似喜茶,更加入少少玫瑰盐调味,比大陆配方少咸。更可以选择低脂般,好似健康少少。果茶都系用新鲜生果加梨山乌龙茶,味道酸香清爽。



近期好红嘅黑糖珍珠奶一样有,用上日本明治4.3牛奶制作,奶味浓郁香滑。



呢间茶饮店饮品因为用较好食材制作,价钱比出面贵少少,用Alipay减返$5就最好喇。



关键字
葵广
小食
台式
面线
甜品
布丁烧
茶饮
珍奶
开饭专题
开饭仔为你提供各类型最新饮食情报及优惠,全面照顾你的饮食喜好。
餐厅资料
本月热门
【随时更新】便利店寻宝 每周新品速报
5天前
【2019圣诞】早鸟优惠! 圣诞自助餐推介
7天前
【2019圣诞】年尾叉电 圣诞下午茶集合推介
2019-11-19
秋风起!5间大闸蟹放题食店集合
2019-11-19
【2019圣诞】约会之选 圣诞市集推介
2019-12-06