荃湾新开无敌海景日式放题 占地过万尺 新张期间88折!(有片)
2020-01-03

喺香港地讲到日式放题,选择真系多到数唔晒,不过可以睇埋靓景的话就唔多啦。荃湾最近新开一间日式放题,卖点就系食客可以饱览无敌海景,而且位置相当阔落,食都食得舒服啲啦。


餐厅占地过万尺,除咗室内位置外仲有户外露台餐座,近排凉凉地就最啱啦!室内装潢以日式和室风为主,设有卡位及厢房,整体感觉简单舒适。价钱方面就系正常日式放题价钱,平日晚市放题特惠时段成人$258一位;高峰时段$278,不过有埋呢个海景即刻抵返晒。


食物方面,供应过百款食物、甜品及饮品无限量供应。讲明放题,当然唔少得回本嘅刺身,刺身质素达标,值得食嘅有油甘鱼、马刀贝、帆立贝及赤贝刺身。至於寿司亦有不少选择,如芒果软壳蟹、芝士炸虾卷及店舖独有的品川寿司。另外有海胆寿司选择,不过海胆质素尚有进步空间。


更多【新店直击】:
1. 创造最快摘星纪录!米芝莲一星日本法国菜进驻尖沙咀
2. 韩国国民早餐Isaac Toast登陆沙田!香港限定三款新吐司(有片)
3. 湾仔新开大排档风味镬气小炒!必试金牌煲仔饭、拔丝咕噜肉、避风塘炒肉蟹


熟食方面表现就唔错,如黄金烧帆立贝大粒厚肉,而且好惹味,都系其中一个回本之选;芝麻鸡翼炸得香脆,鸡肉亦充满肉汁。炸蚝亦热辣辣呈上枱,炸得松脆,盐烧牛舌水准亦正常。


另外较特别有呢个盐烧油甘鱼头腩,油甘鱼头腩充满鱼油香,连埋柠檬汁食恰到好处。而粟米虾粥都清淡鲜甜~


而出面都设有自助区,供应热食及多款冷盘,雪糕方面除咗朱古力同云呢拿,仲有港式奶茶及菠萝椰子呢啲特别啲嘅口味,仲有日本清酒任饮啊!



品川日本料理

地址: 荃湾大河道100号海之恋商场3楼3013号舖








文: Yanica

相、片: Tom Li


关键字
日式
放题
荃湾
海景
新店直击
走在最前线,为大家搜罗及报道有关新开餐厅的资讯。
餐厅资料
本月热门
情人节去K11 MUSEA 一文睇晒浪漫餐厅
2020-02-06
【随时更新】零食速报 每周新款零食、酒品点评
3天前
全城抗炎 与医护同行!提供医护餐饮免费优惠餐厅一览
2020-01-31
全城抗炎!卫生保障 推行防疫措施餐厅一览
2020-02-07
美国人气肉桂卷抵港!烟韧原味/朱古力/焦糖胡桃卷(有片)
2020-02-06