英国茶室Fortnum & Mason登陆尖沙咀 无敌海景+三层架下午茶可无限追加  (有片)
2019-12-12

相信各位粉丝都等咗好耐,几个月前已经开放订位嘅英国着名茶室Fortnum & Mason,终於正式开业喇。

两层高,占地7000平方尺,地下嗰层系茶品、饼乾、朱古力等特色产品嘅专门店,上层则系茶室,供应午餐、晚餐同下午茶,装修高雅,坐拥维港景色,环境方面加咗唔少分。

餐牌选择同英国大致相同,经典菜式必试苏格兰蛋配黑布丁及英式酸辣酱($208),外层相当脆口,黑布丁口感柔软。

英式传统新地($118) 大大杯最啱sharing,轻轻烘焦过嘅半溶棉花糖,连埋士多啤梨雪糕一啖放入口,甜中带酸,下层放满新鲜士多啤梨同菠萝,仲有自家品牌嘅士多啤梨果酱,感觉丰富。

下午茶时段更会有现场钢琴演奏,三层架英式下午茶($588)由最底层嘅手指三文治食起,中间嗰层系松软嘅松饼,有原味同果味,配凝脂奶油同自家品牌嘅草莓酱、柠檬酪;最後顶层则有5款精选甜品,全部嘢都可以无限添加啊!

 (左)南瓜意大利云吞配松子仁及鼠尾草 $248、(右)蟹肉配蛋白、香菜及蛋黄 $218

 乔治国王布甸白兰地酱(圣诞限定甜品)即将推出

 Royal Blend,配搭各款朱古力或朱古力曲奇时,更可有中和甜腻度嘅效果。

嚟得茶室,茶品当然系重点啦,逾百年历史嘅招牌皇家红茶(Royal Blend),以嚟自斯里兰卡低海拔白毫嘅芽叶,同印度阿萨姆茶调配而成,口感顺滑,味道浓郁仲有啲蜜糖甜香。伯爵夫人红茶(Countess Grey)则系带有柑橘清甜嘅earl grey版,同样推介。

 Musea混合茶,适合配搭圣诞限定版曲奇或朱古力。

除咗各款招牌茶品之外,更有一款特地为新店独家调配嘅新茶:Musea混合茶,呢款红茶(black tea)混合咗云南金芽、安徽祁门红茶同红花花瓣,口感清爽、甘凉,仲有少少辛口。

至於地下嘅专卖店,亦设有tea salon,每日都会有唔同嘅茶品畀大家品嚐。香港店更系全球第一家每日喺早上11点提供新鲜现烘饼乾嘅分店,三款口味包括燕麦、冰凉薄荷朱古力同云呢嗱奶黄夹心饼乾,口感轻脆松软。

舖头内近千款产品中,唔系净得茶叶或茶具㗎,仲有红白酒啦威士忌啦等各款酒类、英式饼乾、朱古力、果酱等等,迟下仲有有个人化服务,可以喺指定嘅香槟或茶罐上加上个人化标签,送礼一流。


FORTNUM & MASON
地址:尖沙咀梳士巴利道18号Victoria Dockside K11 Musea 地下002&122号舖

文:Kar
相、片:Tom Li


关键字
尖沙咀
英国菜
过江龙
下午茶
新店直击
走在最前线,为大家搜罗及报道有关新开餐厅的资讯。
餐厅资料
本月热门
全城抗炎! 5间酒店自助餐转型 任点任食海鲜/主食/甜品 变阵保卫生
2020-03-17
【特约分享】超抵外卖陪你抗疫 即睇将军澳饮食地图!
2020-03-10
尖咀Omakase 独创三文鱼子海胆日式糯米饭 新开业优惠 第2位半价
2020-03-19
$52 车仔面+小食任食放题60分钟 逾60款餸料选择
2020-03-17
日本过江龙寿司店推$720十八道菜Omakase 必试烧大拖罗刺身、深海赤鯥寿司
2020-03-12