芋圆控注意!90後情侣每日鲜制芋圆 观塘新开手工甜品店(有片)
2019-12-13

观塘新开一间小店,主打台式芋圆甜品。由一对90後情侣主理,每日亲自买食材整芋圆、地瓜圆、紫薯圆等,唔加任何防腐剂、色素或添加剂。蜜薏米、蜜芋头等都系自家熬制。芋圆烟韧又食得出淡淡芋头香味,真材实料值得支持!
 


芋圆控两位店主拍拖嘅时候锺意扫街食芋圆,自己试过自己整口碑都唔错,机缘巧合之下就决定开店卖手工芋圆,用新鲜芋头、地瓜、紫薯配韩国白砂糖同木薯粉,用自己研究得出嘅食谱制作,一粒粒芋圆都系手工切㗎。
 


招牌手工芋圆($44)

配料选择都多,唔想谂嘅话可以拣最受欢迎嘅配搭招牌手工芋圆,有齐仙草冻、芋圆、地瓜圆、紫薯圆、小丸子、粉圆,同西米,可以配椰汁、淡奶、黑糖汁或者仙草汁。唔好见睇落好似唔大碗,其实系椰汁遮住咗啲配料!
 


芋圆口感软Q,芋圆食得出芋头原味,地瓜圆试真啲亦有淡淡天然甜味。相比起嚟紫薯圆就真系无咩味道,但胜在几好咬口。小丸子系最烟韧嘅一款,烟韧控必点。仙草冻同样系店主自己整,食落滑溜带甘味。
 


桂花蜜芋圆($36)

另一个受欢迎嘅配搭系呢碗桂花蜜芋圆,有桂花冻、芋圆、地瓜圆、蜜薏米,同蜜红豆。店主特别制作桂花冻,系因为佢哋试过,觉得同芋圆都几夹。
 


桂花冻口感比较爽口,闻起嚟同食落都有浓郁又自然嘅花香,感觉比较清新。开饭仔觉得另一亮点系店主们自己煮嘅蜜薏米,一粒粒好好咬,配埋蜜红豆嘅甜味平衡啱啱好。
 

更多【新店直击】:
1. 吹住海风叹串烧+鳗鱼饭 中环码头新开日式居酒屋
2. 英国茶室Fortnum & Mason登陆尖沙咀 无敌海景+三层架下午茶可无限追加
3. 24小时营业抵食牛丼!日本直营すき家进驻旺角

 

芋泥鲜奶($30)

开咗两个月有改良Menu,例如新出呢杯芋泥鲜奶,差唔多三分之一杯都系手工芋泥!打卡後记得搞一搞先饮,芋泥同样有淡淡香味同甜味。牛奶就系一般鲜奶,奶味无咁香浓,不过就唔会盖过芋泥原味,而且饮完一杯都唔会觉得腻吖嘛。
 





芋圆控
地址:观塘协和街161号协和大厦地舖




文、相、片:Cathy

关键字
观塘
芋圆
甜品
芋圆控
新店直击
走在最前线,为大家搜罗及报道有关新开餐厅的资讯。
餐厅资料
本月热门
【随时更新】零食速报 每周新款零食、酒品点评
3天前
全城抗炎!送上门懒人煮食包及套餐大合集2.0 花胶炖汤/火锅/铁板烧
2020-10-07
牛大人火锅姊妹店!旺角新开台式烧肉吃到饱 任食澳洲 M5 和牛、SRF极黑牛霜降牛肉眼
4天前
【即睇10月生日】酒店半价放题 Tiffany & Co.旗舰店导赏
2020-10-06
高级意大利菜餐厅尖沙咀重开 拥无敌海景 即席炮制经典芝士黑松露意粉+抵食3道菜午餐
2020-10-12