自家制作!五间手工意大利面专门店合集
2021-08-24

讲到食西餐一定唔少得意大利面!对意粉有少少要求嘅,相信都食得出手工意粉同普通包装意粉嘅分别,通常手工意粉都系每日新鲜制造,口感会较烟韧,蛋味亦浓郁啲。唔好以为食手工意粉一定去要传统意大利餐厅先食到,近年香港已经愈开愈多手工意粉小店,等大家用较平民价钱都享用到高质嘅意大利面,一齐睇下有咩选择先~


荔枝角亲民之选 Up a Notch Homemade Pasta & Pizza 

位於文青集中地D2 Place嘅手工意粉及薄饼专门店,主打以意大利最幼滑嘅00号面粉制作嘅意粉。餐厅由一班曾於港岛区人气餐厅任职逾10年嘅资深经验厨师组成,大厨更曾於米芝莲三星餐厅学艺,食物质素可媲美高级意大利餐厅,但价钱就相当亲民!主角意粉分别有自家制阔面同幼面,前者口感烟韧啲,後者就更能吸收酱汁味道。招牌慢煮龙虾配自家制阔面嘅酱汁特意用龙虾头制作,龙虾鲜味好突出,波士顿龙虾先抽真空後慢煮,肉质鲜嫩。


香浓海胆意粉 Dough Kitchen

大坑系近年嘅美食集中地,原来呢度藏有一间咁有质素嘅手工意粉~个个都为咗招牌手工海胆意粉去朝圣,呢度嘅意粉比较粗同有咬口,质感有啲似烟韧啲嘅乌冬;海胆酱汁浓郁creamy,所以每条意粉都挂晒海胆汁!另外虎虾配樱花虾扁面都好有惊喜,虎虾新鲜弹牙,而且虾肉嘅鲜甜同酸甜嘅番茄搭配得好好,愈食愈开胃。

图: JoyfullFoodstagram


米芝莲推介姊妹店 JEP by Involtini

锺意食意粉嘅朋友一定对呢间餐厅唔陌生,上年10月於屯门开业时风头简直一时无两,最高峰时期要早两个月book位先食到!点解咁人气?原来系获得米芝莲餐盘推介Involtini Italian Cuisine嘅姊妹店,同样由任职米芝连三星餐厅嘅厨师Jack主理,意粉选用意大利00面粉、意大利蛋黄、Semolina小麦粉制作。必试西西里小红虾手造意大利幼面,比起常用嘅红虾更鲜甜,先将虾肉烧煎香再压出虾汁,每食一啖意粉都食到虾肉嘅甜味。

图: Nei bb


摩登复古风意粉店 Attic Handmade Pasta 

尖沙咀呢间手工意粉开咗几个月,整体环境舒适,餐厅楼底高,以酒红色及金色为主,摩登得嚟又带有复古感觉。意大利面条同样每日新鲜即制,柔韧弹牙,而且大厨擅於配搭时令食材烹调,所以唔少菜式都好有惊喜。招牌菜都系海胆酱手打意粉,对比起坊间嘅海胆意粉,呢度加咗更多食材,酱汁先用日本海胆、面豉同清酒煮成,最後再加上新鲜海胆同冲绳特产海葡萄,令到海胆味更浓,又可以增加口感同鲜味,最後加埋日本乌鱼子增加咸香感觉,味道好rich!


订座同时订餐优惠: [2位用] $1,094.8 精致手工意大利面2人套餐 (原价:$1,416.8)


观塘工厦高质意粉 Pasta Zone

口碑唔错嘅平民意大利菜,位於观塘工厦,装修好简单,主打意大利面及意式云吞。但原来主厨来自意大利北部,希望将最地道嘅意大利面以亲民价带入香港。除咗常见嘅意大利面外,餐厅重有少见嘅Gnocchi薯团粒、猫耳朵粉同扭纹粉等款式,如意大利手工长通粉配帕尔玛火腿香草汁及5mm宽条面配蕃茄汁猪肉丸等。全部意粉价钱都系$68或$75,呢个价钱咁高质素,性价比超高!食完重有空间嘅话,要试埋人气甜品tiramisu,creamy得嚟又唔会太甜腻。

图: happyducklingsweety07



文: Yanica


关键字
cafe
手工意粉
意大利面
意大利菜
尖沙咀
荔枝角
大坑
屯门
观塘
开饭专题
开饭仔为你提供各类型最新饮食情报及优惠,全面照顾你的饮食喜好。
餐厅资料
更多
收起
本月热门
【2021生日优惠】持续更新!10月寿星半价叹自助晚餐/免费放题
2021-09-30
【随时更新】零食速报 每周新款零食、酒品点评
2021-10-15
4间大闸蟹食店集合!米芝莲食府大闸蟹宴+最平$368任食大闸蟹
2021-10-06
9月份好评餐厅十强
2021-10-08
初秋甜蜜蜜!10月份下午茶提案
2021-10-07