美国人气连锁汉堡店登陆湾仔 15款汉堡配料免费任加
2018-11-16

又多间美国汉堡包店嚟到香港啦~ 话说佢哋喺全球包括喺意大利、比利时等欧洲、北美嘅地区已经有超过1500间分店,而香港呢间系全亚洲第一间分店呀威威猪~ 餐厅主打无添加嘅汉堡包同薯条,而且仲有成15款配料免费任加,就连汽水都系免费无限添饮啊。

佢哋同一般快餐店最大嘅分别,应该就系舖头既冇冷藏柜,亦冇微波炉,所有汉堡包同薯条都系每日新鲜即场炮制。客人可以根据自己嘅食量选择要单层汉堡定双层汉堡,要唔要芝士、烟肉,之後就免费任加配料啦。配料种类一共有15种,包括洋葱、煎炒洋葱、生菜、蕃茄、酸瓜、煎炒蘑菇、墨西哥辣椒、青椒、茄汁、芥末酱、蛋黄酱、酸瓜酱、牛扒酱、烧烤酱同辣酱。锺意嘅话加晒15种配料都得架!当然,如果你有严重选择困难症嘅话,你同店员讲声「All the way!」佢哋就会有个预设嘅官配汉堡畀你啦。

热狗同样都可以自选配料,值得一提嘅系,呢度嘅热狗肠,系全牛肉肠嚟呀,不过就唔算话好浓味。

至於薯条嘅用料都相当讲究。薯仔取自多个外国农场,舖头里面仲会有块牌写住当日嘅薯仔系嚟自边度。啲薯条全部都系由人手切,喺100%花生油中炸两次,厚切令薯条更有质感,保留薯皮亦令口感变得丰富,外韧内软。薯条有两种口味,一系就都颇重盐味嘅five guys style,一系就微微香辣嘅cajun风味。

免费任加嘅除咗有汉堡配料之外,汽水都系可以无限refill,不过成30蚊一杯,都应该要斟返几转先抵喇。迟下仲会推出milkshake,包括朱古力、士多啤梨、花生酱等味,士多啤梨嗰只仲系用新鲜士多啤梨打成架~ 呀,争啲唔记得讲,milkshake同样可以免费任加10种配料,官方单张仲介绍话「试试添加烟肉到任何奶昔!」添~ 好奇心重者欢迎挑战。

Btw,如果去到嗰阵要等位嘅话,可以喺门口位置食住花生先呀!呢个唔系gag嚟架,佢哋真系有大量花生放咗喺度,畀大家免费享用。舖头负责人话,预计嚟紧会喺香港继续开多10-15间分店,计划下间可能喺九龙开喎,粉丝继续期待吧。


Five Guys
地址:湾仔庄士敦道60号地舖
正式开业日期:11月19日


文、片:Kar
相:Cathy


关键字
湾仔
美国菜
过江龙
汉堡
burger
新店预告
走在最前线,为大家搜罗及报道有关即将开张的话题新餐厅资讯。
餐厅资料
本月热门
【随时更新】便利店寻宝 每周新品速报
3天前
给自己一个休息时间 10-11月下午茶推介
2019-10-25
鼎王来了!味道服务媲美台湾 必食麻辣鸭血锅及员工教路秘制鼎王饭(有片)
2019-11-01
秋风起!5间大闸蟹放题食店集合
4天前
粮尾打气!5间湾仔平价饭堂推介
2019-10-24