继承爸爸六十年手艺!旺角新开家庭风味台湾菜 家传红烧牛肉面、家乡盐酥肉(有片)
2019-09-19

想食正宗台湾家乡味道?旺角呢间新开嘅台湾菜可以助你一解思乡之情,餐厅由台湾人Polly主理,爸妈由外婆时代已经喺台北同基隆开鲁肉饭及牛肉面店,已经有60年历史。而Polly从小到大都喺家中餐厅由卖面、打扫及煮面开始学习,为咗唔想令手艺失传,嫁来香港後就决心将呢种台湾味道带嚟香港,沿用爸爸名字「阿木」开咗呢间餐厅。


店内除咗供应面类,仲有超过二三十款小食、卤味、台式饮品及每日制作嘅手工芋圆甜品。


红烧牛肉牛筋面($69)

汤底用牛骨、牛肉、蔬菜及药材煲足20小时,牛味浓郁。面条沿用老店配方,用高根面粉每日手工制作,弹牙爽口,而且为保新鲜,用唔晒的话绝不留过夜。


牛肉则采用最好嘅金钱腱,每块都有成只手咁大,店主话佢哋一块牛腱只系切开八块,所以宁舍厚身,而且虽然大块但牛腱肉质软腍。牛筋同样软腍入味,但仍保持咬口。


蕃茄牛肉粗关庙面($68)

浓郁嘅牛骨汤加上新鲜蕃茄熬制,蕃茄嘅酸甜令味道更丰富、更开胃。锺意食粗面嘅朋友不妨试试呢款粗关庙面,爽滑弹牙。


麻辣肉燥拌面($43)

麻辣酱系自家炒制, 完全无味精无添加,用家乡手法以及加上新鲜虾皮炒成。味道又香又麻不太辣,而且仲唔油腻添~


家传咸酥饭便当($59)

平时去台湾食盐酥鸡就食得多,有无食过用猪肉造嘅呢?因为Polly唔食鸡嘅关系,佢妈妈就特意为佢用猪肉造出呢款盐酥肉!盐酥肉用松板猪肉制作,外皮酥脆,肉质软腍。而肉燥 采用台湾冠军米台梗九号,米香特别浓,肉燥亦用加拿大自然猪肉碎,加上酱油炖煮5小时,不肥不腻,带阵阵五香味。


芝士玉松蛋饼($42)

即叫即做,肉松由台湾进口,蛋饼混合咗两种鸡蛋,蛋味香浓惹味,系满满嘅台湾味。


台式炸大肠($39)

呢味可以话系功夫菜啊~将原条猪大肠卤6-8小时,卤完後再炸,外皮脆口外仍保持内里软腍。


酱油蕃薯叶($32)、黄金泡菜($29)

蕃薯叶香港就少啲机会有得食啦,系台湾人常食嘅菜,上面嘅油葱用猪油炸过,好香口。黄金泡菜加入红萝卜蓉、蒜、醋、糖及辣椒腌制,系开胃之选。


综合芋圆嫩仙草($38)

又点可以唔食甜品,讲到台湾甜品芋圆都可以话占一席位。芋圆烟烟韧韧,真系可以一解思乡之情啊~


阿木台湾面   

地址: 旺角广华街8号地舖





文、相、片: Yanica


关键字
旺角
台湾菜
家庭味
新店直击
走在最前线,为大家搜罗及报道有关新开餐厅的资讯。
餐厅资料
本月热门
情人节去K11 MUSEA 一文睇晒浪漫餐厅
2020-02-06
美国人气肉桂卷抵港!烟韧原味/朱古力/焦糖胡桃卷(有片)
2020-02-06
全城抗炎 与医护同行!提供医护餐饮免费优惠餐厅一览
2020-01-31
全城抗炎!60间餐厅推$0-$25酒精搓手液换购计划
7天前
有平有贵 情人节餐各级价格攻略
2020-02-04