红磡新台式咖啡室x复合空间 旅游Blogger开设 必试冬瓜茶拿铁+大甲芋泥卷!
2020-11-11

九龙区又多一间咖啡店!新店走台日风格,以纯白同木为主调,主打精品咖啡同手工甜点。咖啡从台湾各区烘焙再直送到港,有唔同风味选择;甜点就系香港每日新鲜人手制作,少甜配方啱晒香港人口味又更啱配咖啡。当中亦糅合台湾特色,例如用台湾老店冬瓜茶调配嘅冬瓜茶拿铁!
 


鸟山。商号由几位旅游Blogger开设,店名当中「鸟山」即系「岛」以代表宝岛,而商号系指呢度唔单止得咖啡,更糅合艺文、选物、旅游等概念,系一间充满台湾风格复合式Cafe!其中一位店主曾经旅居台湾研究咖啡,希望喺香港都可以开一间咖啡店,唔系一般Grab & Go,而系好似台湾咁可以有更多互动同交流,畀大家一个休闲舒适嘅空间。
 


一加一($55)

咖啡由厚啉。咖勹一主理,采访当日嘅House Blend系从高雄烘焙、埃塞俄比亚日晒同水洗豆嘅拼配,中浅烘焙带出咖啡风味层次。一加一系指Espresso同Piccolo,建议先饮Espresso,酸甜平衡;Piccolo嘅花香同甜感更为突出,带Nutty风味。
 


手冲咖啡($70起)

手冲咖啡用嘅单品豆可以选择厚啉。咖勹一从台北、高雄、宜兰嘅烘焙咖啡豆,亦有本地烘焙嘅Guset Bean。拍摄呢款系高雄程式咖啡帮佢哋烘焙嘅埃塞俄比亚日晒咖啡豆,前段花香同甜味突出,中段乾净酸甜似蓝莓汁,後韵香甜带提子风味,层次分明。
 


冬瓜茶拿铁(价钱待定)

即将推出嘅冬瓜茶拿铁最有台湾特色,冬瓜茶选用高雄老店天池传统古法制作,以原片冬瓜炒12钟头嘅黑糖冬瓜煮成,无添加任何化学香料或防腐剂。用可爱嘅玻璃樽装住,入口先有黑糖香同冬瓜嘅清甜感,之後系奶啡嘅香醇,口感柔滑而整体感觉清爽,甜而不腻。
 

更多【新店直击】:
1. 伦敦过江龙西班牙餐厅Aqua Nueva大馆开设期间限定店 必试得奖招牌五款口味炸丸子
2. 旺角人龙台湾菜新店首推台湾杂货区 必试自家品牌乾拌面、酥脆重奶香太阳饼
3. 荃湾新开健康主题海景多国菜!自选三菜一汤午市定食+必食牛油果温泉蛋

 

台式芋泥卷($45)

手工甜点就由月食·甜点研究所主理,每日新鲜制作而且系低糖配方,希望突显食材原味,而且更适合配咖啡享用。台式芋泥卷选用台湾着名大甲芋头制作,剩系整手工芋泥就要整三个钟!绵滑嘅芋泥当中特别保留一部分芋头原粒增加口感层次,微甜富芋头天然香气。配搭湿润松软带蛋香嘅蛋糕,同香甜富奶味嘅忌廉一齐食,无论味道同口感层次都好丰富。
 



黑芝麻戚风蛋糕(季节限定,$55)

选用屏东金弘麻油花生行无糖无添加嘅古法柴烧纯黑芝麻酱制作,外层嘅忌廉更咬得到黑芝麻颗粒,里面嘅戚风蛋糕口感松软回弹,黑芝麻香越食越明显。加上自家制嘅芝麻脆脆,增添香脆口感。提提大家,因为甜点系人手制作,数量有限,想试齐咁多款建议早少少去呀。
 



店主选物包括新竹地方志《贡丸汤》,香港上善若陶手工陶器,厚啉。咖勹一咖啡挂耳包礼盒等
 




鸟山。商号
地址:红磡芜湖街111号芜湖居地下C2号舖




文、相:Cathy

关键字
红磡
咖啡
精品咖啡
冬瓜茶拿铁
甜品
台式芋泥卷
鸟山。商号
新店直击
走在最前线,为大家搜罗及报道有关新开餐厅的资讯。
餐厅资料
本月热门
情人节爱意满泻 甜蜜蜜堂食/外卖下午茶推介
2021-02-01
【随时更新】零食速报 每周新款零食、酒品点评
1天前
日本吉列牛排店京都胜牛进驻铜锣湾 黄金六十秒炸法 推介京都胜牛三味套餐
2021-02-18
楚捻记新line!荃湾新开饺子店 必试黑松露什菌饺+香煎潮汕韭菜粿
2021-02-10
1月份好评餐厅十强
2021-02-09