秋风起，唔单止可以食大闸蟹，更系约闺蜜一齐食Afternoon Tea嘅好时机！今次开饭仔就帮大家精选其中六款下午茶套餐，唔少更系同护肤品牌联乘，可以享受秋日午後甜蜜时光，同时有礼品收啊。
花漾之秋下午茶 Alibi – Wine Dine Be Social 
旺角呢间酒店餐厅同法国有机护肤品牌Melvita合作，以玫瑰为主题设计出今次嘅花漾之秋下午茶，当中会有玫瑰造型嘅玫瑰野草莓慕丝配杏仁脆饼，可爱心形嘅玫瑰荔枝红桑子杏仁蛋糕等。其他茶点亦加入花嘅元素，包括清酒蒸鲍鱼鞑靼配紫苏叶及洛神花、接骨木花柠檬芝士蛋糕。每位客人更可获得Melvita精美礼品一份。
供应时间：即日起至2022年10月30日，下午3:00至5:30
价钱：$598/两位
Chantecaille限定联乘下午茶 The Lounge
呢间位於金钟嘅酒店餐厅就同法国奢华护肤及彩妆品牌Chantecaille合作，品牌最新彩妆系列同黑豹及美洲狮相关，因此下午茶当中会见到猫爪造型嘅黑芝麻玛德莲，西柚白芝士蛋糕更印上黑豹同美洲狮图案。其他精选茶点包括栗子伊予柑、樱桃朱古力、龙虾沙律配芒果酱、虎虾春卷等。每位客人更可获得Chantecaille皇牌礼品套装一份。
供应时间：即日起至2022年11月30日，下午3:30至5:30
价钱：星期一至五$318/位，$598/两位；星期六、日及公众假期$358/位，$648/两位
水漾滋味泰式下午茶 Mango Tree Kitchen
秋天天气特别乾爽，呢间喺太古同元朗都有分店嘅泰国菜餐厅就同瑞士护肤品牌GLYCEL联乘推出水漾滋味泰式下午茶。以藤篮奉上牛油果柚子沙律、炭烧鸡全翼、牛柳串烧、炸鱼饼汉堡等咸点，同泰茶及泰啡奶冻、斑兰千层糕、椰汁西米糕等甜品，更有迷你海鲜黄咖喱捞面作为主食！每份下午茶更奉送GLYCEL活肤润肌体验装连礼券。
供应时间：即日起至另行通知为止，下午2:30至5:00
价钱：$288/两位
更多【开饭专题】： |
新增手工朱古力餐车 SAVVY
朱古力控注意啦！尖沙咀呢间酒店餐厅推出全新下午茶，一大亮点就系「SAVVY's Chocolley」餐车，上面系由糕点总厨自家炮制、唔同口味嘅手工朱古力，客人可以从中挑选六款试食，锺意嘅话更可以即场买走啊。而精致嘅三层架就放满蟹肉红椰菜三文治、鸭肝慕丝配山羊芝士、云呢拿野莓泡芺、经典法式蛋白杏仁饼等茶点。
供应时间：即日起至另行通知为止，星期一至五下午3:00至6:00，星期六、日及公众假期下午3:30至6:00
价钱：星期一至五$478/两位，星期六、日及公众假期$498/两位
奢华下午茶套餐 HUSO
中环呢间以香槟及鱼子酱为主题嘅地中海餐厅新推奢华下午茶套餐，以法国地中海沿岸餐厅为灵感，设计出西班牙冻汤、三文鱼抹酱佐面包、手切牛肉他他等咸点。甜品更有惊喜，鱼子酱牛奶雪糕佐香槟啫喱、法式马卡龙、芝士蛋糕等都非常精致。想更奢华嘅话，可以加$388加购两杯Laurent-Perrier La Cuvée NV香槟及10克法国鱼子酱。
供应时间：即日起至另行通知为止，下午2:30至5:00
价钱：$528/两位
Joie-de-Vivre下午茶 Bifteck
为咗庆祝开业一周年，湾仔呢间精致法日扒房推出期间限定嘅Joie-de-Vivre下午茶，当中包括七款咸点同三款甜品，最啱带埋唔太锺意食甜品嘅伴侣或者家人一齐叹！下午茶以木盒送上Bite Size嘅法日风格茶点，包括迷你和牛夹饼、甜虾及三文鱼子配日本豆腐奶冻、日本蟹肉可乐饼、芝士樱花虾松饼、柑橘清酒沙冰。
供应时间：即日起至2022年12月31日逢星期六丶星期日及公众假期，下午3:30至5:30
价钱：$398/两位
文: Cathy.H
