秀茂坪35座前车仔面档九龙湾重开 必试鸡翼尖、秘制辣鱿鱼、入味冬菇(有片)
2019-01-15

三十几年前,喺秀茂坪邨35座对开就有个车仔档卖车仔面,一做就十六年,秀茂坪邨唔少街坊都系佢地熟客,不过因为拆楼关系不得不结业。不过最近佢地喺九龙湾重开啦,负责人就话,当初嘅车仔档就系由佢地爸爸妈妈负责嘅,为咗令两老开心同埋想将回忆嘅味道带返比街坊,所以就决定重开。



新店净卖车仔面,汤底就用咗30磅猪骨,每日新鲜由朝熬到晚。车仔餸方面,有唔少系呀爸呀妈教落,由以前开始就有嘅怀旧餸,亦都有而家新店先有嘅车仔餸。



车仔餸就有成28款拣,如鸡翼尖、牛腩、卤水猪肠、五香牛肚同南乳猪手。鸡翼尖可以话系家的味道,用咗咖哩粉同黄姜粉等材料整,够哂入味同离骨。



牛腩就用上牛坑腩,再用柱候酱加各式香料炆淋,软腍入味。南乳猪手炆咗3-4小时,够腍之余仲好重骨胶原添。另外卤水猪肠都处理得好乾净。




更多【新店直击】:
1. 尖沙咀新开烧肉店 A4和牛 + 自助啤酒机
2. $6件即做火炙三文鱼寿司!深水埗新开街坊价寿司店
3. 经典豉油西餐重现 必试火焰铁板七打扒


另外仲有一啲新嘅车仔餸,如秘制辣鱿鱼,鱿鱼爽口,辣汁惹味。店主话因为鱿鱼放得太耐就会缩,所以佢地每次都净系可以整少少,卖完先重新再炒过。另外开饭仔私心推介蚝皇小花菇,炆到入哂味好淋。




另外锺意辣嘅人就要试下佢地嘅秘制辣汁,加埋後又香又辣,成碗面个味道又提升咗!


负责人就话,有唔少旧街坊见到佢地重开嘅消息都好开心。最令佢感动嘅系,有位坐住轮椅嘅旧街坊都特登返嚟搵返旧时嘅味道。



35座车仔面

地址: 牛头角牛头角道3号得宝商场地下A1 号铺

文、相、片: Yanica


关键字
车仔面
九龙湾
秀茂坪
新店直击
走在最前线,为大家搜罗及报道有关新开餐厅的资讯。
餐厅资料
本月热门
【随时更新】零食速报 每周新款零食、酒品点评
7天前
【2021生日优惠】持续更新!5月食日本直送海鲜送西班牙红/白酒
3天前
带妈妈味游异国!母亲节Brunch六选
2021-04-20
期间限定$1抹茶菠萝包、$3竹炭菠萝油 佐敦新开 2500 尺新派点心小厨
2021-04-30
荃湾新开 人气名古屋班戟分店 首推冲绳紫薯梳乎厘班戟+班戟汉堡
2021-04-15