百年茶叶品牌英记Young Line 尖沙咀新店卖氮气普洱、足料鲜果茶(有片)
2019-04-18

迎接初夏,当然唔少得一杯解渴饮品啦。尖沙咀呢间新店主打唔同茶饮, 不过唔系台式珍珠奶茶,而系港式普洱茶!原来系香港百年茶叶品牌嘅新Line,茶底全部都有品质保证。加上有氮气、鲜果茶、奶盖大理石等选择,总有一杯系你嘅Cup of tea!
 


iTEA由英记茶庄第五代传人主理,主打近年大热嘅手摇茶饮,特别在所有茶底都由拥有超过130年历史嘅英记茶庄团队开发,以品牌最出名嘅普洱为主,配搭唔同材料同冲调方法炮制出新派茶饮。
 


氮气泡泡云南纯普洱($30)

纯茶都可以变出新鲜感!杯底系梳打水同糖浆,上面嘅普洱茶亦特别打入特定比例嘅氮气,有抢眼嘅分层渐变卖相之余,独特嘅气泡口感亦令呢杯普洱茶更Refreshing。打卡後建议搞匀先饮,饮落先有淡淡甜味,之後系普洱嘅茶香,回甘生津。味道香醇,口感顺喉幼滑。
 


茶啡红豆冰($34)

茶啡红豆冰顾名思义就有齐普洱茶、意大利Arabica咖啡同红豆,上面再加一层奶泡,可以话系Fusion版嘅鸳鸯。饮落咖啡香同普洱茶香都突出而平衡,比起茶餐厅鸳鸯少一分奶香但多一分余韵。特别锺意普洱茶或者咖啡香,亦可以要求多茶或者多啡。红豆保留粒粒口感,咬落软棉香甜。所以建议点半糖就得,而且最好喺20分钟之内享用完。
 


凤梨奶盖大理石($47)(棉棉奶盖+$5)

打卡另一推介系奶盖大理石系列,即系鲜果香片沙冰加上奶盖,因为沙冰天然纹路同大理石相似因而得名。凤梨系坊间比较少见嘅口味,饮落有菠萝果肉一丝丝口感,味道清甜。奶盖本身就用明治牛奶同芝士调制,想再特别啲可以好似开饭仔咁拣棉棉奶盖,即系棉花糖奶盖,更甜更厚身!
 

更多【新店直击】:
1. 食印度式全日早餐+$75自选四款手工啤 西环新开新派印度餐厅
2. 尖咀浜烧专门店 新店优惠$98任食味噌蟹甲罗烧
3. 全民造星Jason中环开茶主题玩味餐馆 入味普洱鸡翼+冻柠茶Cocktail

 

鲜果香片($45)

超足料鲜果茶!店家每日从果栏购买新鲜时令水果,好似开饭仔今次采访就有青提、西柚、西瓜、菠萝、士多啤梨、奇异果,同青柠,多到当生果杯都得。香片茶汤清澈,味道清新带少少青柠酸香,够晒开胃。而且佢地用嘅系由天然甘蔗转换嘅糖浆,同阿尔卑斯山泉水酿制嘅法国天然风味糖浆,饮多几次都唔会有罪恶感啦。
 


纯品冷泡系列($32-38/支)

最啱畀品嚐茶叶或者咖啡原味嘅朋友,系列包括云南纯普洱、极品铁观音、特级寿眉王、石地香六安、雨前龙井,同有机咖啡。全部用经过滤嘅氢水冷泡至少八小时,冰冻清爽。
 


爱茶之人更可以喺度买到英记茶叶,最後提提大家4月23号新店正式开张当日,所有饮品都有买一送一优惠!想试下港式新派茶饮滋味嘅话记得把握机会。
 




iTEA 爱茶
地址:尖沙咀金马伦道21号地下D舖




文、相、片:Cathy

关键字
尖沙咀
英记
普洱
茶饮
咖啡
鲜果茶
新店直击
走在最前线,为大家搜罗及报道有关新开餐厅的资讯。
餐厅资料
本月热门
【随时更新】零食速报 每周新款零食、酒品点评
2天前
食豪啲啲 城中5间海鲜+肉扒父亲节自助餐
2020-06-10
至甜初夏 6月下午茶推介
2020-06-15
湾仔新扒房只卖$298黑安格斯牛扒套餐 任食薯条+超松软肉桂牛油餐包
2020-06-11
甜蜜蜜暑假 7月下午茶推介
7天前