炎夏感bye-bye!6至7月下午茶推介
2019-06-24
六、七月嘅香港真系热到一个点。最惨嘅系打工仔冇暑假放嘛,想「全身暑假投奔初夏」都有心冇力咁……。不过唔紧要!怕热嘅朋友但又想喺summer relax下嘅话,叹住冷气食个tea,都系个避暑圣方呀。

顶级泰国金枕榴槤盛宴 帝都酒店one+one café & bar 

 

 
无时间去泰国享受阳光与海滩?虽然呢个下午茶就带唔到大家飞去泰国,但都叫做带到「泰式」嘅Feel畀大家!用咗顶级泰国金枕榴槤设计咗一系列榴槤甜品。特浓榴槤慕丝蛋糕外型似足迷你榴槤,半熟榴槤芝士挞嘅榴槤香同芝士香超夹,榴槤炖蛋估唔到夹得嚟口感好滑!咸点方面同样以泰式风味为主,酸辣刺激平衡返榴槤甜品,令呢个下午茶丰富得嚟又唔会觉得腻。最後记得饮返杯特饮,特浓榴槤奶昔用榴槤加Mövenpick云呢拿雪糕打成,香滑浓郁。

「仲夏飘香」泰式榴槤下午茶
价钱:$388 /两位(另收加一服务费)
供应日期:6月1日至7月31日,每日供应(15:15-17:15) 

法国专柜品牌BY TERRY联乘 香港朗廷酒店廷廊 
今次嘅下午茶就首次同法国专柜品牌BY TERRY合作,以品牌全新夏日Glow-in-Rose系列产品为灵感,推出呢个气质粉红玫瑰afternoon tea。相信呢个牌子嘅fans一见到呢啲甜品嘅外型,实知道用咗边件product做原型啦~仲要全部嘢食都系粉色Tone,最靓嘅一定系嗰件The Hidden Pearl,贝壳造型马卡龙梦幻独特,仲有银色白朱古力珍珠喺入面!惠顾下午茶嘅客人可获礼券乙张,到品牌指定三个专柜换领限量版化妆袋一个同润唇唇彩旅行装一支。

亮丽玫瑰下午茶
价钱:$ 368 /位, $ 628 /两位(另收加一服务费)
供应日期:6月1日至7月31日,逢星期一至五(15:00-17:30),逢周末及公众假期(14:15-16:15及16:30-18:30)

英伦经典时尚Phase Eight联乘 马哥孛罗香港酒店大堂酒廊
为咗庆祝英国女装品牌Phase Eight成立40周年而设嘅精致下午茶。品牌走优雅古典同时尚路线,所以下午茶嘅甜食、咸点都特别用咗唔少英伦风嘅元素去呈现。例如英国淑女必备-礼帽嘅朱古力伯爵茶慕丝同有连身裙装饰嘅红桑子cupcake咁,全部餐点都化身咗做fashion items,叹紧呢个下午茶就好似去咗转舖头睇衫咁!凡惠顾下午茶嘅客人可获赠港币100元优惠券一张,喺品牌嘅香港店购物享受优惠,首150位客人更可获赠品牌精美镜子!

英式衣橱下午茶
价钱:$ 368 /位, $ 488 /两位(另收加一服务费)
供应日期:即日起至8月31日,每日供应(15:00-17:30)

优雅玫瑰金下午茶 中环・石板街酒店Gradini Ristorante Italiano

玫瑰金控要特别注意啦!今次,餐厅就同咗英国高级珠宝品牌 Annoushka合作,推出由「Dream Catcher 捕梦网」限量版 18K 玫瑰金首饰系列为灵感而设计嘅下午茶。下午茶嘅餐点同品牌首饰嘅整体色调非常夹,特别系一众甜品同朱古力嘅色Tone,都畀人有种淡雅嘅感觉。而讲到最吸引嘅咸点一定系「鹅肝慕丝脆脆筒」,拎上手系咪劲似雪糕呢~惠顾下午茶更可获赠$2,000 Annoushka礼券!数量有限,送完即止。

捕梦仙园下午茶
价钱:$238 /位(另收加一服务费)
供应日期:即日起至7月31日,每日供应(15:00-17:30)

边打卡边欣赏艺术设计 英皇骏景酒店Monkey Cafe 
Monkey Café特别设计咗8大打卡位,仲有埋靓靓嘅户外花园位置,唔止畀你尽情影完放上网呃Like,仲顺便考埋你点样喺呢啲由酒店精心布置嘅艺术设计入面影出属於自己嘅style同创意~Btw影景之外,仲有唔少吸睛港式下午茶等你影埋添!包括泡泡鸡蛋仔雪糕、格仔饼雪糕,全新造型同口感都系出面冇㗎!外脆内软嘅鸡蛋仔配上冰冻嘅雪糕,劲消暑嘅呢~

甜心下午茶
供应日期:即日起至8月,每日供应(14:30-17:00)

殿堂级美白盛宴 香港洲际酒店大堂酒廊
对美白有追求嘅女士们实听过呢个日本殿堂级品牌:POLA!呢个品牌仲系首次同酒店联乘,设计出以「净白、通透」为题嘅下午茶。当中嘅茶点口味都比较清新,例如用青柠、荔枝、红莓等制作咗嘅一系列蛋糕甜点,而咸点最Fresh嘅就一定系蟹肉伴菠萝配柚子酱!食之前记得同个下午茶影返辑相先啊~因为除咗茶点之外,今次POLA更特别设计同订制呢个动力学艺术茶点架,劲有品牌标志性㗎。而每位享用下午茶嘅客人均可获得品牌「能量美白」体验套装!

美的承诺下午茶
价钱:$688 /两位(另收加一服务费)
供应日期:6月24日至7月31日,星期一至五(14:30-18:00),星期六、日及公众假期(13:30-18:00)

炎夏消暑芒果宴 Mirage Bar & Restaurant
讲到夏天必食嘅生果,芒果一定系你个list入面嘅~今次嘅芒果主题下午茶又点止芒果布甸呢啲行货咁简单!餐厅就特别设计咗一系列嘅特色芒果甜品,有层次丰富嘅芒果乳酪蛋糕、香脆嘅夏威夷果仁芒果挞、芒果热情果马卡龙等。芒果主题咸点仲够晒特别,就好似有芒果冻汤,青芒沙律咁,食完暑气全消!而且喺7月2号至9月30号期间(9月14号除外),每日嘅首80位客人可凭指定信用卡享受半价优惠;每日第81位客人起凭指定信用卡亦可享买3送1优惠!不过要预先订座,详情请向餐厅查询。

芒果狂热夏日下午茶
价钱:星期一至五$198/位,星期六、日或公众假期$218/位(另收加一服务费)
供应日期:即日起至9月30日,每日供应(15:00-17:30)

文:Yanny

关键字
下午茶
榴槤
玫瑰
芒果
开饭专题
开饭仔为你提供各类型最新饮食情报及优惠,全面照顾你的饮食喜好。
餐厅资料
更多
收起
本月热门
【2021生日优惠】持续更新!9月寿星叹Omakase送寿司蛋糕+清酒
2021-08-31
【随时更新】零食速报 每周新款零食、酒品点评
1天前
【特约分享】Happy Hour饮番杯Schweppes®期间限定特饮!9间必去铜锣湾餐厅(上)
2021-08-24
【特约分享】Happy Hour饮番杯Schweppes®期间限定特饮!9间必去铜锣湾餐厅(下)
2021-08-31
自家制作!五间手工意大利面专门店合集
2021-08-24