讲到葵广,除咗系美食天堂外,茶饮店都开到成行成市,最近又有一间加入战团!呢间我是珍奶狗主打多元化,无论系酸奶、珍珠、芋圆、芝士奶盖、鲜果茶都有得你饮,最重要系全部都真材实料,咁先可以突围而出~
夏日限定榴槤酸奶
榴槤控注意!榴槤同酸奶呢个配搭真系够晒新鲜感,酸奶加入满满榴槤肉,饮嗰阵有浓浓榴槤香~负责人话佢地会跟据时令推出唔同嘅鲜果酸奶。
牛油果波霸厚鲜奶
一杯用上半个牛油果,上层奶盖同样加入牛油果,下层就系黑糖珍珠。牛油果系唔少人眼中健康食物,而且营养丰富,可以解除一吓罪恶感~
更多【新店直击】: |
芝芝Oreo奶茶
饮芝士奶盖最重要系咩?当然系要多芝士啦!呢度嘅芝士奶盖做得特别厚身,而且芝士味香浓,加埋Oreo口感再丰富啲啦。
满杯烧鲜草
钟意饱肚感可以试试呢杯满杯烧鲜草,一杯有齐有鲜草、小芋圆、珍珠、花生、黑糖晶冻同红豆,而且款款都好足料,饮完真系会饱晒。
紫薯芋圆鲜牛乳/芋泥芋圆鲜牛乳
紫薯将日本紫薯蒸熟再压成泥,日本紫薯味会浓啲香啲甜啲,另外仲有芋泥选择。加上手作芋圆,每粒都烟烟韧韧~
地址: 葵芳葵富路7号葵涌广场2楼2016号舖
文:Yanica
相、片:Tom Li