潮食特色中菜
2019-10-17
近年有唔少新派中菜登陆香港,令中菜飞甩老士形象,中菜餐厅都可以环境舒适、菜式精致、风格新潮、口味上新奇有趣同卖相抢眼!难怪开始有很多年轻人都迷上吃中菜啦!无论你想品尝客家菜、社企中菜厅还是精致淮扬私房菜都应有尽有!

田会馆 (尖沙咀)
籽由会馆主打中国四大传统菜系之一嘅扬州淮扬菜,菜品多以江湖河鲜为主料,选料严谨、因材施艺,厨师用心制作、追求本味、装修格调高雅,为食客供应素有「东南第一佳味,天下之至美」美誉嘅淮场私房菜!

文思豆腐
一道用自家制豆腐、金华火腿同鸡汤煮成嘅汤羹。刀功精湛嘅大厨将软滑嘅豆腐切成到细滑如丝,豆腐唔单只绵滑,更入口即溶!汤羹鲜甜有咸香,令人齿颊留香! 

红烧狮子头
用上等猪绞肉做成拳头大小嘅肉丸,以文火焖煮5小时以上,食材简单,但少啲功夫都唔得!肉丸焖到软稔,并吸收晒汁料嘅精华,无论公公婆婆定小朋友都食到!餸饭一流!

淮安软兜
江苏地区嘅传统名菜之一,选用肉嫩味美、营养丰富嘅小黄鳝鱼烹制而成,鱼肉非常软嫩,用筷子夹起,两端下垂,就好似古代小朋友嘅肚兜带,所以被称为「软兜鳝鱼」。用上黑醋、姜米、胡椒粉等调味,口感弹牙,味道鲜嫩仲一啲腥味都冇,更可以补气血、调理身子,特别适合营养不良同产後妇女食用!

自酿八珍豆腐
籽田会馆自家制豆腐,坚持全天然制造,唔加任何防腐剂,保证新鲜健康!将自家制鸡蛋豆腐煎到外焦内嫩,再加入河虾仁、鲫鱼球、淮山、白、木耳等八种原料同浓鸡汤一齐烩到入味,难怪鲜味十足!

红烧鲫鱼
选用每日新鲜送到嘅游水鲫鱼,加上酱油同糖烧出嚟嘅红烧酱汁,味道回甘唔会死咸,更能提升整体味道!鱼肉肉质酥软入味,口感嫩滑,无腥味,酱汁仲超惹味! 

康姨小厨 (红磡)       

喺高山剧场以中式戏曲为装潢主题嘅康姨小厨由扶康会经营,系少有嘅社企中菜厅,服务亲切,座位雅致舒适,可容纳逾百位顾客,严选用时令新鲜食材,适合小菜晚饭、聚餐庆功、家人宴席等。餐厅为弱势社群提供就业机会,喺度享受美食仲可以帮助弱势人士,真系别具意义!

杏汁炖白肺汤 (需两天前预订)
滋润养颜嘅杏汁白肺汤,由於工序繁复,现令供应嘅餐馆已买少见少。康姨小厨嘅大厨却坚持自家用上至少半斤杏仁磨汁,慢火炖足四小时,煮成奶白色嘅超浓郁白肺汤!大家仲唔快啲嚟饮翻碗清热润肺!

椒盐鲜鱿
惹味嘅椒盐配上炸到外脆内软、爽口弹牙嘅新鲜鲜鱿,香气十足,系店内嘅招牌菜之一,值得一试!

潮式家乡咸鸡
特别选用大大只嘅三黄鸡,用盐腌制超过3小时,然後蒸熟,入口嫩滑,咸香又鲜美! 

冰梅骨

冰梅酱、茄汁、砂糖、醋制成嘅酱汁,配上巴西猪扒,味道清新,酸酸甜甜,超开胃!无论大人定小朋友都一定会爱上!

梅菜蒸鲩鱼
选用大大条至少五六斤以上嘅新鲜嘅原条鲩鱼,加上梅菜即叫即蒸,又香又有鱼肉嘅鲜味!可以轻松餸多两碗饭! 

客家人 (长沙湾)      
2008年开业嘅客家人近年由太子迁移至长沙湾,老板同侍应讲都系客家人,主打精美传统加以改良嘅客家菜,装修舒服宽躺,楼上设有几间VIP房,有卡拉ok、音响、麻雀设施,私稳度极高,可以开嚟party或者同屋企人嚟打翻两圈! 更营业到晚上十一点,最啱放工嚟同三五好友吹吓水,饮吓啤酒、食下家常小菜!

客家酿蚝豉
猪肉打至起胶,酿入用猪网油包住嘅蚝豉、猪润冬菇,煎至金黄色,系客家人特有嘅传统年菜! 滋味好食到难以形容!

梅菜扣肉
客家经典菜色之一,扣肉入口肉烂味香,吃落咸中略带梅菜甜味,肥而不腻,佐饭一流!

客家咸鸡
一道极具客家特色嘅美食,选用肉质紧实嘅,龙岗鸡,难怪食落满口回香!

炆猪肉

肥而不油腻嘅五花腩,皮脂同肉层次分明,每块猪肉色泽均匀,入口非常惹味,绝对系心机之作!

黄酒煮鸡汤
打开煲盖,一阵香味扑过嚟,黄酒汤又甘香又甜,药材十足,特别选用龙岗鸡,难怪鸡肉咁嫩滑! 


心动不如行动!有兴趣就快啲约埋三五知己去叹下美食啦!快啲bookmark定啦!

*以上图片只供参考,所有食品以实物为准. 食品供应因餐厅而异

相、文:Tiffany


关键字
特色
中菜
新派中菜
私房菜
淮扬菜
社企
开饭专题
开饭仔为你提供各类型最新饮食情报及优惠,全面照顾你的饮食喜好。
餐厅资料
本月热门
情人节去K11 MUSEA 一文睇晒浪漫餐厅
2020-02-06
【随时更新】零食速报 每周新款零食、酒品点评
3天前
美国人气肉桂卷抵港!烟韧原味/朱古力/焦糖胡桃卷(有片)
2020-02-06
全城抗炎 与医护同行!提供医护餐饮免费优惠餐厅一览
2020-01-31
有平有贵 情人节餐各级价格攻略
2020-02-04