滋味到家!新鲜海野海鲜+逾200款蔬果肉类 食材直送上门网站推介2.0
2020-10-08

疫情虽然开始回落,但唔少朋友都开始转为上网买餸同订海鲜,方便快捷仲可以有专人送埋上门,悭水悭力。最近都开咗好多新嘅网店,海鲜、牛扒、蔬菜、意大利食材等都有得一click就买,连即日出海捕获嘅新鲜海野都有呢!

网上街巿 卖菜仔

早喺4月正式开张嘅卖菜仔,算系比较早期开始嘅买餸网店。两位老板阿Bell同Wilson都系演艺圈嘅幕後人员,因为见到当时疫情严峻,导致好多家庭出街买餸都有困难,於是就开设咗呢个网店,希望可以将多款新鲜蔬菜、生果、冻肉等,直接送到去佢哋屋企。

由初开业时只有廿款菜,到而家货架上已经超过200款选择,净系蔬菜类都细分埋外国蔬菜同有机蔬菜类,另外仲有生果、汤包、冰鲜肉、本地新鲜肉、海鲜、豆制品、新鲜蛋、即食食品同面粉小食等逾10类嘅货品,绝对可以话系将个街巿搬咗上网。由於阿Bell嘅爷爷嗰代开始已经做紧蔬菜批发,所以佢哋嘅蔬菜款式都特别多,而且仲系每日新鲜到港,价钱贴近街巿巿价,仲包送货,CP值高。

呢期特别推介当造嘅清甜多汁嘅韩国蜜瓜同爽甜嘅西班牙杮子。仲有新引入嘅日本兰王鸡蛋,系日本蛋中含菌量最低嘅蛋,蛋香味重,生食都得,鸡蛋控实锺意。另外有多款使用冷冻技术保鲜嘅即食食品,好似卡邦尼意粉、清汤萝卜炆牛腩等,只需要浸喺滚水度几个字,就食得啦,非常方便而且味道调得唔错,间中想偷懒一晚唔花咁多力水煮饭嘅就啱晒。

嚟紧10月10号开始,仲会有大闸蟹开卖添喇!开饭仔率先试食过,只只爆膏,相当鲜甜。

网站详情(按此

新鲜海野  Hungry Monkeys

受疫情影响,香港职业足球员欧阳耀冲未有波踢,又见到朋友仔搞网上卖菜嘅生意都好成功,於是就开咗呢间主力卖本地新鲜海鲜嘅网店喇。由搵供应商、搞网站、拣货、处理海鲜等,欧冲都自己一脚踢搞掂晒。佢坦言好多嘢都系从未接触过,边做边学。

本地新鲜海鲜都系由船家每日出海捕获,再即日送到,所以价格同份量都比较浮动,但亦因为咁,先至够新鲜!送货去到客人手上时,啲海鲜都仲系好生猛。每只虾同波士顿龙虾都系爆晒膏、鲍鱼大大只又弹牙,招牌蛏子王亦好鲜甜。另外都会有进口嘅阿拉斯加长脚蟹、日本海胆、A5和牛等供应。全部海鲜都会洗乾净、处理好晒啲内脏先至送出,方便客人只需再进行简单清洗即可打边炉或烧烤等。

一般打边炉都贪方便用汤包,但呢个网站仲可以订埋汤底,好似白萝卜汤底咁,简单得嚟就已经好清甜,渌完海鲜当埋汤饮都得!

网站详情(按此

新鲜牛扒   Steak With Us

牛魔王就要mark实喇,店主亲自搜罗世界各地优质嘅牛肉,包括美国、澳洲、西班牙等地,再亲自送货,务求令大家安坐家中都可以叹到靓牛!

部位选择有好多,包括肉质平滑柔软、肉味较浓嘅Flat iron;纹理丰富、油脂香嘅Short rib;油花少肉味浓,每只牛只得一条,极为罕有嘅封门柳等。单点又得,拣个拼盘又得。建议烧烤嘅话可拣short rib,烧嘅过啲啲油脂会渗出嚟,好香口,而打边炉嘅话,封门柳就最啱,牛味最浓呢。

想再丰富啲都仲得,买套餐加钱可以换到匈牙利鹅肝,轻轻煎一煎,配黑醋同多士就食得。

网站详情(按此

意大利食材 Bella Ciao

呢个网站成个团队都系意大利人,由佢哋嚟为大家搜罗意大利嘅食材,特别系手工制嘅美食就最啱数啦。多款选择包括意大利芝士、意大利粉、salami肉肠、酒类等,以下系其中几款推介:

芝士控又唔怕羊羶嘅,必拣羊奶松露芝士,奶香十足,咸咸香香,配蜜糖或者佐酒都好衬。Strolghino di Culatello肉肠熟成时间短,味道细腻,好啱夹埋面包一齐食。

想喺屋企整餐西餐都冇难度,Ravioli就帮到手,加啲酱汁煮又得,简配芝士碎同橄榄油都得,啖啖都有牛肉碎香味,嚟多支Prosecco就perfect池啦。

网站详情(按此


文:Kar
相、片:Tom Li


关键字
海鲜
牛肉
火锅
烧烤
全城抗炎
滋味到家
开饭专题
开饭仔为你提供各类型最新饮食情报及优惠,全面照顾你的饮食喜好。
本月热门
【随时更新】零食速报 每周新款零食、酒品点评
5天前
全城抗炎!送上门懒人煮食包及套餐大合集2.0 花胶炖汤/火锅/铁板烧
2020-10-07
牛大人火锅姊妹店!旺角新开台式烧肉吃到饱 任食澳洲 M5 和牛、SRF极黑牛霜降牛肉眼
2020-10-19
【即睇10月生日】酒店半价放题 Tiffany & Co.旗舰店导赏
2020-10-06
高级意大利菜餐厅尖沙咀重开 拥无敌海景 即席炮制经典芝士黑松露意粉+抵食3道菜午餐
2020-10-12