樱花、抹茶盛宴陪你迎接浪漫春日! 5大酒店tea buffet推介(有片)
2019-03-13

天气渐渐回暖,今个冬天非常短暂,但亦都代表住春日嚟到啦!随住春天来临,不少酒店都推出唔同主题嘅下午茶自助餐,例如有浪漫樱花主题,又有清新抹茶主题,誓要以各款春意盎然嘅美食唤醒大家嘅味蕾。


Haagen Dazs任食 GREEN
喺万物充满生机嘅春天,各式水果都特别鲜甜。呢个tea set 以春日果漾为主题,提供一系列充满果香嘅茶点,如红桑子鹅肝、柑橘青柠乳酪蛋糕、罂粟籽柠檬蛋糕、红桑子芝士朱古力等。



不过,最吸引嘅都系特别提供Häagen-Dazs™全新口味茉莉花红桑子石榴同橙花雪糕杯及雪糕批,系无限任食㗎。凡惠顾呢个下午茶餐仲可获赠Häagen-Dazs™单球雪糕券一张,三月同四月生日嘅食客,仲会收到礼物一份,超级大满足啊。



春日果漾下午茶
日期: 即日起至4月30日
时间:星期一至五下午3时半至5时半;星期六、日及公众假期下午3时至5时及5时至7时
价钱:每位港币288元;两位港币546元  (另收加一服务费)


和风樱花色彩 马哥孛罗咖啡厅
将樱花香气融入美食之中,马哥孛罗咖啡厅制作一系列精致花艺甜点,一次过满足食客味觉、视觉同嗅觉嘅三重享受。推介甜点包括樱花乳酪芝士蛋糕、樱花杏仁豆腐、樱花士多啤梨卷、樱花石榴慕斯蛋糕等。另外更有一系列充满和风色彩甜点,如樱花绿茶红豆奶冻、樱花清酒水晶糕、樱花大福、三色花团子等,去唔到日本赏樱嘅朋友,食返餐樱花下午茶补数啦。


春日樱花周末下午茶自助餐
日期:即日起逢星期六、日及公众假期供应
时间:下午3时15分至5时15分
价钱:成人每位$298; 小童每位$198; 长者每位$248 


抹茶魅惑 Promenade 西餐厅
呢个下午茶自助餐以抹茶甜品为主题,全部甜品均以日本京都宇治嘅抹茶粉制成,茶味浓郁、抹茶苦涩中带有独特甘甜。当中,抹茶千层班戟以多层抹茶班戟皮夹着幼滑忌廉,卖相同味道都非常吸引。抹茶天使蛋糕口感绵密,忌廉带淡淡抹茶香,慢慢喺口腔中散发,甘甜可口。


抹茶白朱古力心太软味道就最浓郁,而即时焗制嘅心太软新鲜温热,白朱古力混合抹茶做成嘅香甜朱古力浆缓缓流出,蛋糕口感松软,系幸福嘅感觉呀。



精选甜品仲包括抹茶红豆卷同抹茶牛油蛋糕等,款款茶味突出,绝对满足到各位抹茶控。



抹茶魅惑下午茶自助餐
日期:即日起至4月30日
时间:星期六、日及公众假期下午3时30分至5时30分
价钱:成人每位$$308; 小童每位$188 (另收加一服务费)



草莓「芝」味 2+2 café
草莓控万勿错过帝都酒店2+2 café呢个期间限定嘅草莓x芝士主题下午茶自助餐啦!超多款精美草莓芝士甜品陪大家开春日派对,包括草莓燕窝芝士蛋糕、草莓朱古力日式芝士蛋糕、半熟燕窝芝士挞及草莓芝士千层酥等,卖相精致,少女心出晒嚟!



草莓燕窝芝士蛋糕浓郁香滑、入口即融,加上芳香手工草莓酱、原粒草莓同美颜燕窝,每啖都系幸福嘅味道。另外仲可以任食Mövenpick雪糕!!!就连饮品都系草莓——清香解渴嘅芝士奶盖草莓茉莉花茶,够晒甜咯。



草莓「芝」味甜品自助餐
日期︰即日起至4月30日
时间:星期一至日3时15分至5时 
价目︰每位HK$158 (另收加一服务费)



创意樱花甜咸点 Uptop Bistro and Bar 
菓子盒入面摆满各款粉色咸甜美点,有如樱花盛放。呢个樱花主题下午茶甜点款式多样,包括迷你荔枝樱花茶慕丝杯、日式蕨饼、北海道红豆蛋糕、法式马卡龙等。



咸点方面就有多款创意日式料理,如日式樱花虾蟹肉沙律配绿茶蛋卷、樱花虾饼配蟹肉、鳗鱼玉子烧等。另外加$52就可以享受埋樱花气泡酒,呢个樱花盛宴就更加完美啦!


「春の桜」主题下午茶
日期:即日起供应
时间:星期一至日下午3时至5时
价钱:星期一至五 $368两位、星期六、日及公众假期 $408两位 (另收加一服务费)



文、相:Kenna
关键字
尖沙咀
红磡
沙田
下午茶
酒店
甜品
抹茶
任食
雪糕
樱花
开饭专题
开饭仔为你提供各类型最新饮食情报及优惠,全面照顾你的饮食喜好。
餐厅资料
更多
收起
本月热门
【随时更新】零食速报 每周新款零食、酒品点评
2020-09-11
全城抗炎!屋企都叹到三层架下午茶 Tea Set外送/外卖自取推介
2天前
悠闲时光 9月份下午茶推介
2020-09-02
【9月生日优惠】最低至半价!生日平食放题.韩式炸鸡
2020-09-02
Stephy新开茶饮店 台湾回流 期间限定 联乘Snoopy推棉花糖朱古力特饮
2020-09-11