晚巿重开 围炉吃锅叹手切牛
2021-02-19

由12月等到2月,终於都等到晚巿重开。相信大家都好挂住围炉嘅感觉,滚住食、食住倾。围炉,未必系取暖,但一定要食靓牛!今次要介绍嘅两间火锅店,都有提供高质手切牛肉呢,更有多款坊间少见嘅配料。

打镬甘火锅串烧(北角) 

集火锅加日式串烧於一身嘅呢间餐厅,有30几种新鲜火锅配料任君选择,当中更有唔少系坊间少见嘅,例如各样嘅猪杂鸡杂咁,各位内脏腔有口福了。无论打边炉定串烧,配酒当然最爽。餐厅备有多款酒精饮品,好似红白酒、日本清酒、韩国烧酒同啤酒等。

药膳牛骨汤

打边炉嘅汤底至为重要,可以话系灵魂所在。呢度嘅药膳牛骨汤,加入大量牛骨同埋十几款药材,每日熬足5、6个钟, 师傅仲要特登炆香咗啲牛尾先再放落煲入面,令到汤底嘅牛味更香,药材味虽浓但又唔会太过抢镜,平衡唔错。牛魔王同时叫埋本地手切骟古肥牛一齐食,就更加满足,啖啖都浸沉喺牛肉香中。


鸡切腹、新鲜鸡子、新鲜鸡肠

呢几款鸡内脏,全部都要预早采购,款款新鲜。鸡切腹拼盘有齐鸡心、鸡肝同鸡肾,带有淡淡酒香。鸡子嫩滑creamy,鸡肠爽脆,冇乜腥味。


新鲜猪膶

除咗鸡内脏,当然都唔少得猪内脏啦,新鲜猪膶经师傅特别腌制过後,辟走晒啲腥味之余,仲都几鲜甜,入口爽脆。


四宝丸

总有啲朋友仔打边炉好锺意食丸,咁就要试下呢度嘅四宝丸喇,包括有手打猪肉丸、虾丸、鲮鱼丸同墨鱼丸,粒粒爽口弹牙,鱼香肉鲜。


串烧

日式串烧总系香口嘅,仲要即叫即烧添,推介其中几款人气之选,盐烧白鳝烧到层皮脆一脆,肉质有弹性;盐烧鸡翼孜然味香;烧牛脷系厚切版,饶有口感。


吞POT 鸡煲火锅.住家菜(旺角油麻地尖沙咀) 

拥有3间分店嘅呢间鸡煲火锅店,无论系鸡煲、火锅汤底定系配料,都有多款口味嘅选择。想食辣嘅又得,要养颜嘅都得。除咗打边炉之外,仲有唔少特色小食供应呢。其中,油麻地分店更成功得到广大食客投票支持,成为今年嘅《优秀开饭热店大赏》菜式组别中,火锅店嘅得奖餐厅之一。

十全大宝丸

打边炉总系要有几粒丸渌下,唔使多,但要有。十全大宝丸包括有蟹粉墨鱼丸、黑松露墨鱼丸、黄金海胆黑墨丸、香煎鹅肝虾丸同埋芝心牛丸,全部都系每日新鲜手打,松露香味突出,鹅肝虾丸更系少见,值得一试。


自创爆芝响铃

响铃当然都系必备之配料,呢度供应嘅仲要系即叫即炸嘅自创爆芝响铃。放落汤度2、3秒好夹返起喇,外层嘅腐皮啱啱好吸晒汤底嘅精华,而内里仲系保持香脆嘅口感,仲有半溶嘅芝士夹喺中间,层次丰富。


极品本地手切牛颈脊

牛魔王当然不能没有牛,喺众多款牛嘅部位中,牛颈脊嘅脂肪较少而油花较香,牛肉味浓。


滋补螺片花胶鸡煲
汤底可以话系一个火锅嘅灵魂,而呢煲螺片花胶鸡煲就相当足料,用鲜鸡熬足一日,配埋花胶、螺片,啖啖浓郁鲜甜,建议咩都未渌之前,一滚就饮咗一碗先啊,满满嘅骨胶原,有养颜之效呢,女生实锺意。


辣酒花螺鸡煲
嗜辣嘅朋友仔可以试返个辣酒花螺鸡煲,师傅毫不吝啬咁重手落咗好多花椒八角同辣椒乾,而啲鸡肉同花螺就索晒啲味啦,麻麻辣辣咁好香口,够晒过瘾。



心动不如行动!有兴趣就快啲约埋三五知己去叹下美食!快啲bookmark定啦!

*以上图片只供参考,所有食品以实物为准. 食品供应因餐厅而异


关键字
北角
旺角
油麻地
尖沙咀
火锅
鸡煲
牛肉
开饭专题
开饭仔为你提供各类型最新饮食情报及优惠,全面照顾你的饮食喜好。
餐厅资料
更多
收起
本月热门
【随时更新】零食速报 每周新款零食、酒品点评
5天前
悠长假期 复活节下午茶推介
2021-03-26
【2021生日优惠】超爽着数!免费任饮任食日式烧肉/火锅(持续更新)
5天前
【最平$298最贵$938】佐敦新开日式和牛烧肉放题 独家引入鹿儿岛小田和牛
2021-04-09
【只想专注做好牛腩】金融经纪转行湾仔开浓汤牛腩面店 招牌牛骨浓汤崩沙腩河
2021-04-01