唔惊唔觉香港就已经迈入炎热嘅初夏,呢个时候最需要嘅系一杯清爽消暑又有新意嘅冻饮!香港星巴克咖啡听日(19/4)就会推出全新星冰乐系列,你会拣甜美嘅咖啡定清新嘅士多啤梨口味?
两款夏日星冰乐新登场!爆谷蝴蝶圈咖啡星冰乐上面唔单止放咗造型趣致嘅蝴蝶饼同甜而不腻嘅焦糖爆谷,而且仲加咗幼滑忌廉同焦糖酱点缀呢杯咖啡星冰乐。而椰子草莓星冰乐就用富有热带夏日气息嘅椰子搭配酸酸甜甜嘅士多啤梨,而且仲有非常吸睛嘅云石纹,一定要记得相机饮先!
之前出过大受欢迎嘅香蕉星冰乐亦都会再次推出,包括香蕉芒果星冰乐、香蕉野莓星冰乐同香蕉朱古力星冰乐。
更多【饮食潮流】: |
饮完星冰乐仲想食啲嘢食?仲有一系列轻食供应!例如杏仁流心牛角酥、希腊式红菜头藜麦沙律、烟肉生菜蕃茄芝士三文治等,最後仲可以叹多杯伯爵茶意式奶冻做甜品。
唔好话开饭仔唔提醒大家,同日仲有初夏系列同Core系列嘅随行杯及其他商品推出,呢个夏天过得够哂爽!
文:Cathy