旺角$78任食鸡煲+升级海鲜火锅半放题限定优惠(有片)
2019-03-21

鸡煲一直都系大家聚餐选择首选之一,真系每隔一排就会好想食翻次又辣又惹味嘅鸡煲。最近,新南苑就推出$78/ 位任食鸡煲优惠,只要$78就可以任食招牌鸡煲90分钟,加$138仲可以升级食埋海鲜火锅半放题,3个钟头任食超过40款火锅配料。



新南苑鸡煲选用肉质嫩滑、脂肪丰满嘅三黄鸡,每日以秘方新鲜腌制。鸡煲可选大、中、小辣同BB辣。


$78/ 位任食鸡煲

店铺有个特别嘅「鸡煲四部曲食法」,教大家4个步骤令鸡煲更入味。当鸡煲上枱後,先落油条,以100度烹煮鸡煲2分钟後开盖炒一炒,再冚盖煮2分钟,连续炒三次後就食得啦!经过焗煮同热炒嘅鸡件入口时带镬气,的确更惹味,而油条吸收咗鸡煲酱汁,味道浓郁。



另外,优惠期间每位加多$138仲可以升级海鲜火锅半放题套餐,套餐包括招牌鸡煲、海鲜汤底、海鲜拼盘、40款以上火锅配料、本地手切牛肉及甜品。海鲜汤底总共有7款,包括新鲜蟹窝花甲汤底、澳门猪骨浓汤窝底、双冬羊腩汤底、四式火锅汤底、东海龙皇汤底,加$60可以升级时令滋补野生水鱼汤底或番茄龙虾汤底。呢款蟹花甲汤用大大只蟹同花甲煮成,入面仲有粟米、萝卜、番茄,汤底鲜甜入味,适合饮用。



加$138/位升级海鲜火锅半放题

海鲜火锅半放题附送生猛海鲜拼盘一个,包含6-8款时令海鲜,如鲍鱼、蛏子皇、蚝、元贝、大蚬贵妃蚌等。呢度嘅海鲜绝对新鲜,鲍鱼上枱时仲郁紧,非常生猛。蛏子皇大大只,煮熟後肉质仍然非常嫩滑,鲜甜多汁。餐厅亦提供5-7款海鲜畀食客追加,如鲍鱼每只$28、生蚝每只$12、大蚬每碟$40、马刀贝每碟$48、蟹一碟$98,价钱尚算适中。



另外,套餐仲包超过40款火锅配料任食,例如龙趸片、脆鲩片、鱿鱼、鲜虾云吞、韭菜饺、炸鱼皮、午餐肉、响铃、各式丸类等。龙趸片同脆鲩片口感爽滑,味道鲜甜。套餐仲附送本地手切牛颈脊一碟,佢嘅牛味浓郁有嚼口,不过要留意,牛肉唔系任食,追加每碟$48。





餐厅仲提供多款汽水、果汁任饮,同时亦有自家煲制凉茶,啱晒食鸡煲打边炉饮啦。



地址: 旺角弥敦道678号华侨商业中心3楼全层
地址: 湾仔卢押道18号海德中心2楼

优惠期: 即日至4月11日至4月11日,只限星期日至四晚上9点30分後。
每日名额40个,以先到先得方式入座,不设订座。



文、相、片:Kenna
关键字
鸡煲
麻辣
任食
海鲜
放题
边炉
饮食潮流
开饭仔为大家发掘香港这个美食之都的最新美食资讯,分享饮食潮流文化。
餐厅资料
本月热门
【随时更新】零食速报 每周新款零食、酒品点评
2天前
全城抗炎!屋企都叹到三层架下午茶 Tea Set外送/外卖自取推介
2020-09-18
悠闲时光 9月份下午茶推介
2020-09-02
【9月生日优惠】最低至半价!生日平食放题.韩式炸鸡
2020-09-02
油麻地新开小木屋Cafe 叹西日Fusion龙虾汤乌冬配咖啡
2020-09-08