海鲜丼饭大大碗，刺身款式多又排得靓靓仔仔，一直都深受香港人欢迎。旺角最近有间主打刺身丼饭嘅餐厅新开张，无论系招牌、装修定系丼饭，都好sharp，更有专为打卡客而设嘅火烧卷物。

 乜蟹都有丼 $128

以吸睛度嚟讲，每日限量供应嘅乜蟹都有丼绝对系首位，大大个蟹盖盖过咗半只碗，揭开重见有蟹膏、蟹肉、蟹钳、蟹籽、蟹棒铺满晒成个碗，系丰富嘅，啖啖都食到蟹嘅味道感觉真好。

 虎燃四皇丼 $118

呢个橙白官配嘅丼饭包括咗有左口鱼边、三文鱼、蟹棒、赤虾同蟹籽，以火枪轻轻烧过，食落有微微嘅焦香。自选酱汁有海胆酱，明太子酱，韩式辣酱，蜜糖芥辣酱，芝士蟹籽酱选择。

 月肝肝鳗鱼丼 $148

锺意食鳗鱼嘅朋友就可以拣月肝肝鳗鱼丼，有唔少肥厚嘅鳗鱼围住大大嚿鹅肝呢，热量高但满足感都高。

 挑机丼燃大胃王$208

呢碗挑机丼燃大胃王可以话系贪心仔专属，一碗有齐晒三文鱼腩、牡丹虾、大拖罗、鲍鱼、带子、蟹肉、蟹钳、三文鱼籽同蟹籽等多款刺身同海鲜，样样都有得食下。

 丼然系盲盒  $188

如果想要啲惊喜嘅，有款叫丼然系盲盒介绍返。话明系盲盒就梗系唔知入面会有啲咩啦，但可以保证嘅系份量加倍咗，而且系由厨师每日挑选最新鲜嘅飞机货食材放入去，好似开饭仔采访当日咁，就有Menu上冇见到嘅海胆啊~

  焦糖三文鱼卷 $68

除咗各款丼饭外，餐厅亦有小食同卷物供应。打卡必点焦糖三文鱼卷，上枱後会喺客人面前点火，然後就有个火圈围住啲三文鱼卷，都几有视觉效果。师傅特意加入咗焦糖，食落会比平时食嘅多咗份微甜感。

丼燃食堂
地址: 旺角花园街3-5号鸿威大厦地下6号舖

文、相：Kar