日本过江龙回转寿司登陆佐敦 近百款选择 新开业优惠$12极上拖罗寿司 (有片)
2019-08-15

以後想食喺香港食回转寿司嘅话,又多个选择喇!最新有间日本过江龙落户佐敦,仲有近百款嘅传统寿司同新潮创作寿司,价钱亲民抵食,新开业期间,12蚊就食到件极上吞拿鱼寿司啦!

寿司郎喺日本有35年历史,喺日本同海外市场总共有超过530间分店!香港首间分店则选址佐敦,店内设有一直转嘅回转寿司带,客人见啱边碟就拎边碟,不过有时等极都未见到想食嘅出现,亦都可以透过iPad落单,然後餐厅会利用高速输送带直接将寿司送到,非常方便。

自问锺意食寿司嘅你,谂住要食返几多碟先?近百款选择又真系难拣啲嘅。畀啲推介你哋啦。讲到CP值最高嘅,一定系有新开张限定优惠嘅呢3款:

 极上大吞拿鱼腩寿司 $12/件、赤虾寿司  $12/2件、三文鱼腩寿司 $17/2件

吞拿鱼腩嘅油脂几香,入口溶咗半;赤虾肉鲜爽带甜。

另外有唔少创意寿司,好似麻辣赤虾寿司咁,就简直迎合而家咁多人锺意食麻辣嘢嘅趋势,喺赤虾面铺上炸至香脆微焦嘅白葱丝同脆香葱味,不过就唔算好辣啦,轻轻地过下口瘾。

芝士控都有寿司啱你喎,估唔到会有芝士寿司!极上鳗鱼寿司同三文鱼寿司上面,都加咗片偏软身,而奶香味突出嘅卡门贝尔芝士。

但讲到最吸睛,就应该系原条海鳗寿司喇!长到呢,见到都兴奋。

草虾天妇罗亦被制作成寿司,熟食仲有盐味牛排寿司拣,配埋特制柠檬同盐酱,就好似食紧一口牛肉饭咁,点wasabi又得、落七味粉食都得。

不过嚟到香港,当然要有返啲主场限定嘅寿司啦,全部都系香港人最爱嘅食材:

特大虎虾天妇罗卷、生火腿卷、鳗鱼卷、花之恋、三文鱼卷、鲜虾沙律卷、三文鱼牛油果卷、鲜虾牛油果卷

拉面呀炸物呀呢度都有供应,而且仲有甜品添!特别推介北海道牛乳生布甸,奶香浓郁唔使讲,重点系口感好软滑啊,咁细樽两啖就食完,有啲唔够喉呀喂。

卡达拉娜亦系另一推介甜品,面层嘅焦糖烧得甜脆,底层软滑,蛋香十足。

 抹茶瑞士卷


寿司郎
地址:佐敦弥敦道348号弥敦坊UG楼

文:Kar
相、片:Tom


关键字
佐敦
日本菜
寿司
过江龙
新店直击
走在最前线,为大家搜罗及报道有关新开餐厅的资讯。
餐厅资料
本月热门
【随时更新】零食速报 每周新款零食、酒品点评
6天前
全城抗炎! 5间酒店自助餐转型 任点任食海鲜/主食/甜品 变阵保卫生
2020-03-17
【特约分享】超抵外卖陪你抗疫 即睇将军澳饮食地图!
2020-03-10
【随时更新】最後倒数!即将结业的老字号及人气小店
2天前
2月份好评餐厅十强
2020-03-05