新派星马泰菜推介
2019-11-14
近年都多咗港人去星加坡、马来西亚、泰国旅行,心思思想食东南亚菜但又无时间飞翻转?不妨试试香港嘅星马越菜呀!

泰斗 (尖沙咀)       
位於尖沙咀嘅繁华闹市中,一间主打正宗泰国菜,具新派泰国风情而又不失地道特色嘅半露天平台餐厅及酒吧。装潢灵感源自於泰国渡假嘅舒适感觉,有顾客称餐厅为「尖沙咀嘅隐蔽森林」,仿佛以为自己系热带树林中。食客可一边饱览九龙公园景色,一边品嚐全泰国藉厨师班底炮制嘅泰式料理,保证无论食物, 以至环境气氛, 都别具泰式风味,让你系闹市中偷闲一刻!

招牌咖喱肉蟹
厨师每日采购新鲜大肉蟹,保证肉质鲜甜,加上精心烹调嘅蛋白咖喱汁,啖啖肉,味道浓郁又鲜又,泰国风味十足。咖喱汁更可以伴饭或蘸蒜蓉包/薄饼,一味多食!

泰北奇妙草串骨
餐厅用独家秘方香料腌制嘅猪仔髀,再加上泰北奇妙草红咖喱汁,配搭妙绝,充满泰北风味,快啲嚟试下啦!

脆脆锅巴
虾酱炒香剁碎咗嘅香辣猪肉碎,配上脆脆嘅锅巴一齐食,入口辛辣并带有小许虾酱香味,令人一试难忘!

盐烧马友

原条新鲜马友鱼加上泰式香草即叫即烧,用盐烧嘅方式处理,烧至外皮焦香,鱼肉细致鲜嫩,带有淡淡嘅香茅香气。扒开鱼皮嘅时候,油脂丰富,肥美又甘香嘅马友鱼油不停流出,入口啖啖散发鱼油嘅甘甜,鱼味十足,值得一试!

夏日必饮特色饮品
左至右分别系:充满椰子同班兰香气嘅「兰之恋」、经典怀旧嘅「黑牛」、「白牛」、甜蜜蜜嘅菠萝蜜。 


Tom bar & Grill (沙田)  
餐厅毗邻宁静嘅吐露港,提供优质西餐、中式同泰式风味fusion菜,食客可一边欣赏海景一边享受由泰国藉行政主厨设计嘅佳肴。 餐厅所有食材由泰国直送,保证有泰国风味!

泰式炭烧鱿鱼
经过炭烧嘅鱿鱼又香又爽口,再沾埋泰式酸辣汁一齐食,绝对系泰美味之选! 

泰式生虾
生虾晶莹爽口,大大只啖啖肉又爽口,非常新鲜,加上伴随嘅泰式酸辣汁,更将其鲜甜提升到另一层次!

蒜香鸡
爱蒜头之人必食嘅蒜香鸡皮脆肉嫩又多汁,好多人都试过都赞不绝口㗎!

烧美式猪仔排骨  
烧猪排骨嘅表面黏着微甜而黏黏,就好似焦糖咁依附系猪仔骨上嘅BBQ酱汁,让人忍唔住想一食再食!

菠萝咕噜肉
酸酸甜甜又香脆嘅咕噜肉,肉质外脆肉软又保持到肉汁,味觉享受,醒胃小菜之选!


随心 (鰂鱼涌)      
邻近鰂鱼涌地铁站出口,一间主打星加坡同马来西亚菜嘅小店,提供多款食品选择,受区内住客同打工仔欢迎,亦都可以话系小编嘅饭堂! 

天然海藻水晶粉沙律 
天然海藻含海藻酸,可以减低身体吸收的脂肪量,加上烟韧嘅水晶粉、健康嘅腰果,新鲜嘅沙律菜,配埋日式胡麻酱,令人食慾大增!

手工蛋饺喇沙
随心嘅喇沙用咗十几种天然原材料,再加入香浓椰子汁制成,椰香十足,有阵阵花生香,微辣惹味。手工蛋饺系以蛋皮包成嘅饺子,金黄色泽嘅饺皮令饺子更富蛋香味,值得一试!

随心无骨海南鸡 
海南鸡份量十足,肉嫩丰腴,有齐脾位同胸位,鸡肉滑而不韧,有鸡肉香,附上秘制酱油、姜蓉同辣汁,酱油甜甜地可以提升味道,而辣汁辣而不抢,配埋黄油饭食,正呀!

亚参凤梨咕噜肉 

亚参除了是系印度东北面嘅城邦,亦系调味料罗望子嘅别名。大厨酱罗望子酱汁加入常见嘅咕噜肉中,令菜式多咗一份东南亚风味,酱汁浓稠适中,入口酸酸甜甜,无丝毫油腻感,送饭一流!

马来西亚肉骨茶
随心嘅肉骨茶材料非常丰富,包括:冬菇,玉竹、党参、当归、红枣、甘草、胡椒粒、新鲜一字金沙骨,熬制几小时已成,最啱伴白饭、豆腐卜或油炸鬼食!  


心动不如行动!有兴趣就快啲约埋三五知己去叹下美食啦!快啲bookmark定啦!

*以上图片只供参考,所有食品以实物为准. 食品供应因餐厅而异

相、文:Tiffany
关键字
泰菜
Fusion
新派
咖喱
泰北
泰式生虾
沙田
马来西亚
肉骨茶
鰂鱼涌
开饭专题
开饭仔为你提供各类型最新饮食情报及优惠,全面照顾你的饮食喜好。
餐厅资料
本月热门
【随时更新】便利店寻宝 每周新品速报
2019-12-30
荃湾新开无敌海景日式放题 占地过万尺 新张期间88折!
2020-01-03
迎接全新2020 1-2月下午茶推介
2020-01-06
【2019回顾】 过江龙之年 逾50间海外人气店登陆 + 2020年预告 (有片)
2019-12-30
【特约分享】新年去始创 食尽中、日、国际贺年佳肴
2020-01-13