新推限量海胆鲁肉饭 傅佩嘉赴台学茶 加卖tea espresso
2018-11-01

台湾茶饮嘅热潮真系挡唔住,唔止一间间茶饮店系咁开,就连歌手傅佩嘉(Maggie)早前亦特地去咗台湾走访多间茶商,品茶求学问,仲带咗几款精品茶叶返嚟,而家喺佢间台式餐厅度有得饮啦。btw餐厅最近仲有新菜式,鲁肉饭加埋海胆添呀!

餐厅本身嘅鲁肉饭已经好香口,而家仲喺原有班底(香菇、鲁肉)之上再加埋海胆,唔止一款海胆喎,一嚟嚟两款!分别系加拿大海胆同埋北海道马粪海胆,两款嘅色泽都鲜橙黄,卖相吸引。加上海胆本身味带鲜甜,混埋惹味嘅鲁肉饭,咸香中渗甜味,层次丰富。很想吃吧?但每日只系限量10碗咋,仲要只系得铜锣湾分店先有。

台南有道人气小食,叫棺材板,即系炸多士然後再挖空中间位置,加入其他食材同酱汁。依家舖头都有得食啦。有两款酱汁,一款系浓浓嘅日式咖喱嫩鸡,一款系日式白汁海鲜。多士炸得好香脆,有少少似炸馒头嘅feel,就算醮咗汁都唔会变腍。切开一格格夹埋鸡肉或者海鲜一齐食,系几夹。留意返系得下午茶时段 (2:30-5:30pm)供应。

至於重点推出嘅5款茶饮,喺台湾叫tea espresso,茶底都系Maggie去台湾拜访好多间知名同历史悠久嘅茶商後选购返嚟嘅。佢透露喺其中一间度,仲一次过试咗15款茶,并且学多咗好多有关茶叶嘅学问。呢5款茶饮,除咗有用基本嘅红茶底外,另外引入埋乌龙茶底同绿茶底。绿茶底几清香,兼且有大马士革玫瑰嘅香气。

5款入面首推土凤梨茶王,一饮落乌龙茶香即刻抢闸而出,然後仲可以吸啜到大量嘅菠萝果肉,酸酸甜甜,愈饮愈醒胃。

至於超级水果茶就够晒清甜,果香味突出;玫瑰纤柠冰茶亦有阵阵嘅玫瑰幽香,片片花瓣散落喺茶面,应该轻易得到各位女生嘅欢心。

 香芋拿铁、芝士绿妍


三星台菜食堂
地址:铜锣湾骆克道459-461号 The L. Square 21楼


文、相、片:Kar

关键字
铜锣湾
开饭星探
艺人
台湾菜
台式茶饮
海胆
饮食潮流
开饭仔为大家发掘香港这个美食之都的最新美食资讯,分享饮食潮流文化。
餐厅资料
本月热门
【随时更新】零食速报 每周新款零食、酒品点评
1天前
【特约分享】超抵外卖陪你抗疫 即睇将军澳饮食地图!
2020-03-10
全城抗炎! 5间酒店自助餐转型 任点任食海鲜/主食/甜品 变阵保卫生
2020-03-17
2月份好评餐厅十强
2020-03-05
【3月生日】优惠情报!有折扣仲有生蚝送
2020-03-03