新开魔术手工啤酒吧 OnTap女伯爵全港独家 + 过瘾麻婆Mac&Cheese (有片)
2020-01-07

近年喺手工啤酒界内兴起酸啤嘅潮流,其中有只比利时酸啤「女伯爵」更系一众beergeeks所追捧嘅,不过一直都只系得bottle饮。最近,有间新开嘅taproom居然有女伯爵on tap呀!!呢间taproom仲加入魔术元素,每晚都有魔术师驻场,又有酒饮又有魔术睇~

饮酒唔好空肚,梗系要叫返啲嘢食先啦~ 以下呢几款新菜式都充满特色:

 脷搭脷  $88

中西合璧嘅焗芝士牛脷牛脷酥,甜咸有致,做法创新,估唔到又几夹喎。

 即炸鲜薯片 配手制他他酱  $88

饮酒一系就食薯条,一系就食薯片,呢度嘅海盐黑椒鲜炸薯片系新鲜炸出嚟㗎,即时将薯仔切片再炸,零舍脆口。他他酱则用新鲜紫洋葱、德国酸青瓜同多种新鲜香草制作。

 东坡牛肋骨  $188

平时食开嘅东坡肉,通常都系比较肥嘅五花腩,而家改用牛肋骨代替,以慢火燘煮3个钟,肉质粉嫩软腍,亦尽吸八角、香叶等调味香料嘅味道。

 麻婆 Mac & Cheese  $128

讲到最推介嘅一定系呢个焗芝士麻婆豆腐通心粉,芝士控最爱嘅mac & cheese变奏版,仲用成2种花椒、3种芝士、4种辣椒同榨菜去制作,咸咸地,麻比辣强,佐酒一流。

 (左) 鸡丝掹藤(凉拌花椒麻酱鸡丝芝麻面)$108、(右) 青酱带子大虾菠菜面 $138

呢两款面食都系选用一间有成70几年历史嘅本地面厂所制嘅面条,其中,菠菜面仲要系用成十斤菠菜先至打到一斤面,够晒真材实料!

Beergeeks最期待嘅酒品,新店亮点一定系全港独家嘅on tap女伯爵(Dichesse De Bourgogne)!带有浓郁嘅果香味,酸味强烈,层次分明,甚至有少少饮紧红酒嘅感觉。呢只酒由比利时传统黑啤酒二次发酵後,再放入葡萄酒业橡木桶中熟成几个月而成。

另外,之前同大家介绍过嘅城酿「我城正在」啤酒系列,佢哋以啤酒作为载体,为呢个城巿进行纪录。除咗指示、沉睡、逆流外,亦喺早前新推出第4款:闪耀,呢只系一只加入咗伯爵茶同裸麦酿制嘅porter,饮到最尾仲有啲红茶韵香,樽身选配埋一张震撼嘅相片,香港人绝对要试。

同其他taproom唔同嘅系,呢度仲多咗魔术嘅元素,每枱都放咗啲小型解锁玩具喺枱面,大家可以边饮边玩,挑战唔同难度成功系几有满足感。每晚仲会有魔术师驻场,轮流去每枱度同客人互动,大玩近距离魔术,系几开心仔呀。夹啱日子嘅话,每个月定期都有魔术师喺舞台上表演添,气氛一流。


HANDS - Craft Beer & Magic 
地址:太子大南街27-31号富威阁地下1-2号舖

文、相、片:Kar


关键字
太子
手工啤酒
芝士
taproom
酒吧
新店直击
走在最前线,为大家搜罗及报道有关新开餐厅的资讯。
餐厅资料
本月热门
【随时更新】零食速报 每周新款零食、酒品点评
4天前
至甜初夏 6月下午茶推介
2020-06-15
甜蜜蜜暑假 7月下午茶推介
2020-07-03
送A4和牛拼盘!最平$298任食两小时 铜锣湾新开鬼怪主题日式烧肉放题店
2020-06-22
【7月生日优惠】免费食酒店晚餐.免费粥底火锅
2020-07-02